يامسافر جنيف
اسمحولها بالمرور .. لعل وعسى ,,
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""] ارفق علينا اشوي يا لاهب الصيف = سويت فينا من ((سمومك)) علامه !! تحرق ملاهيبك وحنا (ملاقيف) = عن حرّكـ , وشمسكـ , مانلبس عمامه !! ماهمنا رمضاء ولاحب تكييف = ولادس راسه فالثرى الاّ النعامه !! حنا بدو والبدو ماتعرف جنيف = ماتعرف الاّ نجد والاّ تهامه !! عشنا بأراضيها من السيف للسيف = وفيها تمتعنا بطيب الاقامه !! ديرة هل الطالات والرمح والسيف = (وكل الوطن شرقه وغربه وشامه )!! من جاع فيها يشبعه كسرة ارغيف = وشرب عليه الماء وكمّل صيامه !! بدو / نحبّ الريف وأنسج فالريف = لين الزمن ظلّم علينا ظلامه !! نعطي ولانحسب حساب المصاريف = وفي سلمنا / شحّ البنادم رخامه !! صحيح / اهل نخوه وطيب ومواقيف = وفزعه / وتاريخ / وشموخ / وشهامه !! واهل وفاء /وسلوم / واكرام للضيف = نبقى عليها لين يوم القيامه !! والبن الاشقر كيفنا ياهل الكيف = ومن فيه هذي / ماتجيه الملامه !! لكن ملينا معدّا المشاريف = ماعاد نبغى منه غير السلامه !! الوقت حملنا حمول وتكاليف = لو شالها ((ريمان)) ميّل سنامه !! خذنا معك لـ / جنيف يامسافر اجنيف = جانا طفش من جوّ نجد وتهامه !! البرد يلفحنا ولن مرنا الصيف = تشوف فينا من سمومه علامه !![/poem] وسلامتكمـ |
ونت سالم وغانم
حجز 2 |
أربعة
أثرك مصيّف يابو مالك :) ,, |
صح لسااااانك مليووووون ابداع بلا حدود
تحيتي |
نعطي ولانحسب حساب المصاريف
وفي سلمنا / شحّ البنادم رخامه !! بن رشيد شاعر جزل ومبدع صياغه وحرف وفكر لله درك قصيده تحمل في طياتها صور جميله ومحاكاه للواقع بأسلوب راقي وشيق صح لسانك وفكرك |
حجز يابو مالك مؤكد 100 %
|
محمد بن رشيد
يا اخي انت عجيب تقديري الجمّ |
صحيح / اهل نخوه وطيب ومواقيف
وفزعه / وتاريخ / وشموخ / وشهامه !! واهل وفاء /وسلوم / واكرام للضيف نبقى عليها لين يوم القيامه !! والبن الاشقر كيفنا ياهل الكيف ومن فيه هذي / ماتجيه الملامه !! لكن ملينا معدّا المشاريف ماعاد نبغى منه غير السلامه !! الوقت حملنا حمول وتكاليف لو شالها ((ريمان)) ميّل سنامه !! ابو مالك عليّ بالحرام ان شاعر لله درك |
نعطي ولانحسب حساب المصاريف
وفي سلمنا / شحّ البنادم رخامه !! بعدي والله ايه هذا الكلام متميز دائما وقصيدك له طابع خاص سلمت وصح لسانك على هالنص و تقبل سلامي |
هات جوازك انت ومشعان وازهلوا جنيف عندي .. :)
الوكاد انها قصيده محبوكه .. صح السانك ياراعي الحرٌه .. :) |
هي اللي سامحه لنفسها يا محمد صح لسانك يا مبدع وعسى الله يبدل حالنا دمت كما تحب |
الله ،
الله ، الله ، ابو مالك ، مبدع مبدع مبدع :) وحي هـ / الحضور والقصيد :) شاعر تروي الذائقه صح لسااااااااانك يا مبدع |
اقتباس:
الله الله الله الله لله درّك ياشيخ |
عز الله حبكتها
وان شاء الله يسرلك اللي ياخذك معه لجنيف وصح لسانك مدد غيمار |
ياسلام عليك يابومالك
ايو الله شوتنا الملاهيب شوي صح لسانك ولله درك |
مشاءالله تبارك الله
مبدع يابو رشيد واضم صوتي الى صوت اخوي مشعان واقول تراك مطالب فيها صوتياً واسكت لااقول شيله بعد عجل علينا يابو رشيد صح لسانك ملاييييييييييين تقبل ودي وتقديري |
حنا بدو والبدو ماتعرف جنيف
ماتعرف الا نجد والا تهامه !! عشنا بأراضيها من السيف للسيف وفيها تمتعنا بطيب الاقامه !! ديرة هل الطالات والرمح والسيف (وكل الوطن شرقه وغربه وشامه )!! من جاع فيها يشبعه كسرة ارغيف وشرب عليه الماء وكمّل صيامه !! بدو / نحبّ الريف وأنسج فالريف لين الزمن ظلّم علينا ظلامه !! نعطي ولانحسب حساب المصاريف وفي سلمنا / شحّ البنادم رخامه !! اللهم صلي على النبي على هالكااايفه أعجبتني وقريتها كم مرهـ...صح لساانك مليوون والله يعز ديرتنا ويديم علينا نعمة الاسلام..عز الله أنك صدقت وابدعت طال عمرك ولك التحايااا على هالشااامخه’,, |
والله اللي تبا تمرّ وعليها حبّة خشم :)
أبو مالك ( خذنا معك لأي مكان ) ما عنك مجناب :) بدعك يا بو مالك يديير القلب يدخل القلب خلسه مع أوسع أبوابه << خلسه متعوب عليها :) أنت تبي العلم اللي ملحته فيه ..؟؟ أنت مبـــــــــــــدع بتلقائيتك وبدعك صح لسانك صح لسانك صح لسانك الإعجاب ساري المفعول .. تقديري لك وسلامي عليك |
الله الله ياابو مالك
صح لساانك مليون قصيده رااائعه اعجابي ومتابعتي ودمت بخير |
حنا بدو والبدو ماتعرف جنيف
ماتعرف الا نجد والا تهامه !! عشنا بأراضيها من السيف للسيف وفيها تمتعنا بطيب الاقامه !! ديرة هل الطالات والرمح والسيف (وكل الوطن شرقه وغربه وشامه )!! من جاع فيها يشبعه كسرة ارغيف وشرب عليه الماء وكمّل صيامه !! بدو / نحبّ الريف وأنسج فالريف لين الزمن ظلّم علينا ظلامه !! نعطي ولانحسب حساب المصاريف وفي سلمنا / شحّ البنادم رخامه !! حتى اسامينا تجي بدون تعريف من جدّنا الأول يحب القرامه !! ابو مالك صح لسانك واعتلا شانك مبدع جعل يومك يبطي وتقبل تحياتي ومروري |
ارفق علينا اشوي يا ايها الصيف
سويت فينا من ((سمومك)) علامه !! ياعيني على الوسّم الرآآآآآآيق . حنا بدو والبدو ماتعرف جنيف ماتعرف الا نجد والا تهامه !! ونعم ونعم ونعم من جاع فيها يشبعه كسرة ارغيف ،،،،،،،،،،،،، وشرب عليه الماء وكمّل صيامه !! بدو / نحبّ الريف وأنسج فالريف ،،،،،،،،،،،،، لين الزمن ظلّم علينا ظلامه !! الله الله يابو مالك ، اقسم بالله انك تكتب الشعر الحقيقي ، صح لسانك وكثر الله من امثالك شعريآ وخلقيآ اعجااااااااااااااااااااااااااااااااااااااااااااااا اااااابي هنا |
:
الله الله يابو مالك شاعر مبدع صح لسانك والله يعين على الصيف :) .. |
| جميع الأوقات بتوقيت GMT +3. الساعة الآن 02:22 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية