صفحه جديده
[frame="7 80"]
يانور عيني كان عـاده بيمديـك=الوصل زيـده والجفـا لاتزيـده ماهوب في ديني ولاهوب في ديك=الحب في شرعه سلـومٍ وكيـده يالي تغيب ودايم القلب يطريـك=بفتح معك يازين صفحه جديـده سكنت في وسطه وهوساكنٍ فيك=مابين شريانه ونبضـة وريـده تغيب ولياجيـت ربـي يحييـك=خلك معي واقول فرصه سعيـده طيفك يباريني وطيفـي يباريـك=وذاكره في كـل ساعـه تعيـده بيت القصيده يريش العين يعنيك=يعنيك يالمجمول بيـت القصيـده استلهم اشعاري بشوفتك واهديك=المفـردات النـادرات المفيـده اطلب واقول افداك لعيون مغليـك=اقرب وفك عقـال خلـك وقيـده اليا بغيت اوصفك كيـف احليـك=وصفن يضم مواصفـاتٍ عديـده سبحان خلاقك وسبحان معطيـك=مالك شبيه ولك وصوفٍ فريـده امرتدلل واطلب العمـر ويجيـك=العمـر يفنـا والليالـي مديـده البحر بحرك والموانـي موانيـك=البيت بيتك واطلب الـي تريـده [/frame] |
الله الله لله
عبدالله صح لساانك رائع ولي الشرف ان اكون اول المارين على قصيدتك سلامي عليك |
العاطفي صح لسانك
وجاد بنانك وسلم احساسك يامبدع |
عبدالله العاطفي
تغيب ولياجيـت ربـي يحييـك ؛؛؛ خلك معي واقول فرصه سعيـده ياسلام ياسلام ياسلام والله يحييك انت بعد تقديري الجمّ |
:
عبدالله العاطفي نص عاطفي جميل من المطلع للقفله صح لسانك ولاهنت ودي / تقديري .. |
صح لساااااانك والله لا يعوقك
تحيتي |
اهلا وسهلا
مروركم تشريف للقصيده تقبلو تحياتي |
الوصل زيده والجفا لا تزيده
ياسلام ياسلام صح لسانك ولاهنت ياعبدالله محبتي ومتابعتي واحترامي اخوك |
| جميع الأوقات بتوقيت GMT +3. الساعة الآن 03:40 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية