منتديات المرقاب الأدبية - تغطية أمسية شاعرنا /نايف العبيد العتيبي

السلام عليكم ورحمة الله وبركاته ..

أجمل باقات الورود أقدمها لكم أعضاء وزوار منتدى المرقاب

في ليلة من أجمل الليالي التي كان نجمها الشاعر المتألق / نايف العبيد العتيبي ..في أمسية شعريه أقامتها وزارة الثقافه بمملكة الأردن وبمناسبة مهرجان ملتقى السرحان الخامس حيث أبدع شاعرنا وعضو منتدى المرقاب الشاعر / نايف العبيد العتيبي واترككم مع التغطيه والصور

وهذه أحد القصائد التي قدمها الشاعر بمناسبة حفل قبيلة السرحان الخامس في مملكة الأردن الشقيقة 1430هـ

المبتـدأ باللـي خلـق للبحـر شـط
اللي دحى أرضه ورسّابهـا الطـور

وصلاةٍ أزكى مـن عطيـط المخلّـط
على الشفيع اللي غدى للبشـر نـور

ومن بعدهـا يامحمـد الجـذل سفّـط
البهبهانـي ودّنـا نقـطـع الـبـور

إنت الكريم اللي علـى الطايلـه نـط
وإنت السلاح اللي ذعر كل مذعـور

وإنت الرفيق اللي على الدرب ماغـط
من فوق جمـسٍ للمهمـات مخبـور

على صحاصيح الخـلا ذيـبٍ امعـط
توايره تُودع صفى القـاع مشطـور

يرقابنـا روس المشاريـف وهْـبـط
ويشوحنا من دون عرعر وابا القور

مكينتـه ماينتـثـر زيتـهـا قــط
ولاتحتمـي لوقامـت سيـوره ادّور

له هيبـةٍ لاجـا التفاتيـش وشْـرط
واليـا وقـف كـلٍ تحـلاّه مبهـور

لجّـة مواصيـره هديـر المـربّـط
مابيـن ذيـدان المباكيـر مهجـور

وقدحت شكامينـه كباريـت تشْخـط
والاّ شهابٍ في دجى الليـل مسجـور

الجيـب لوسـوّى سوايـاه خـبّـط
حتى السفاري من مزايـاه مقهـور

أسطـوري الهيكـل خرافـي مجنّـط
تقول فلـمٍ مخرجـه نجـدة أنـزور

أنـا اشهـد إنّـه للمهمـات والخـط
مشكور يامن صمم الجمس مشكـور

ويالشمري ادعس على البنص وشْحط
وعنّز على الأردن معَ فجّـة النـور

نبي على المبـروك نكفـخ ونمْغَـط
حـرّوة مغيـرٍ للسراحيـن مشهـور

هل البويضاء لحْتمى الوقـت وشْتـط
ترسي كما يرسي على الموج بابـور

كم فارسٍ من هول رمحـه تفرشـط
وعوّد على ربعـه كسيـرٍ ومدحـور

على العدا أقسى من السيـف وسْلـط
وإلاّ موالينـه بساتـيـن وزهــور

تكْرم جناب الضيف بالطيـب وتْحـط
مع الشبب كيـف المباهيـر وبْخـور

ستر اللي بعويد الشمطـري تمشّـط
ريف الدخيل اللي زبن حرْوة الـدور

يقولـه اللـي زاج طرسـه تمغنـط
كن اليراع ابخنصره بـات مسحـور

النايـف اللـي بالمهـمـات يقـلـط
شاعر هوازن لا حضر مثّـل الـدور

وخْتامهـا يافـارقٍ بحـره ابـشـط
تخْتم مساعي حفلنـا بذنـب مغفـور

-----------------------

من المهرجان :
ـ المهرجان استمر ثلاث ليال حيث بدأ يوم الخميس 9/7/2009
ـ أمسية شاعرنا كانت في الليلة الثانية من المهرجان وتلقي عاصفة من التصفيق بعد نهاية الأمسية .
ـ شارك مع شاعرنا الشاعر السعودي محمد الشمري .
ـ حظى المهرجان بتغطية اعلامية وصحفية كصحيفة الدستور الأردنية وعدد من القنوات الفضائية .
ـ تخلل الحفل عدة فقرات من الفنون الشعبية كالربابة وفرقة معان والرمثا بقيادة الفنان الاردني رامي الخالد .

صور من المهرجان

http://www.arab-box.com/up/uploads/c13ebcc66a.jpg

السلام الملكي لاردني

http://www.arab-box.com/up/uploads/34d68d3d91.jpg

وزير الثقافه الاردني يتقدم الحضور

http://www.arab-box.com/up/uploads/2712b9899d.jpg

http://www.arab-box.com/up/uploads/b42a956b6a.jpg

جانب من الحضور

http://www.arab-box.com/up/uploads/4897986cdb.jpg

الشاعر/ نايف العبيد العتيبي

http://www.arab-box.com/up/uploads/4163fce611.jpg

http://www.arab-box.com/up/uploads/0fde908cf0.jpg

http://www.arab-box.com/up/uploads/f70d0d3579.jpg
الشاعر مع اللجنه الاعلامية

http://www.arab-box.com/up/uploads/dc6a31e227.jpg

http://www.arab-box.com/up/uploads/e1b37acf50.jpg
الشاعر يستلم درع تذكاري بهذه المناسبة

http://www.arab-box.com/up/uploads/6cdb30f7ff.jpg

صورة جماعية مع الوزير الأدرني

http://www.arab-box.com/up/uploads/a52230b432.jpg

كل التوفيق للشاعر نايف العبيد العتيبي ......