مشاركة في حفل محمد بن مصوي لحصوله على جائزة الشيخ سلطان بن حميد
بسم الله الرحمن الرحيم جينا نشارك ثم نبارك للشعر وأهل الشعر أنجاز تنجزها الرجال الواعيه بهجـوسها مبـروك أكررها وأحـنا "يامحمد" نـفـتخر وغيري "رجالِ" تفتخر لاحصلت ناموسها شاركت شيخ عـتيبه أللي تعـرفه كل البشر شعره وفعله حي و"العتبان" يرفع روسها فعله على وضح النقا يوم المصادم والقشر لاكـشرت شـهب السباع نـيابها وضروسها له موقـفِ مشهور لادقـت نواقـيس الخـطر وثور عسام الخيل والأبـطال سلة موسها يارد على حوض المنيه من زعانيف السطر من سطوته تقفي عداهـ وغيضها بنفوسها ترعابه العرا وتقطف من زمالـيق الزهر ينزلـبها دارِ عـذيه ماتدوج عـسوسـها خيل العدا من هيبته تاطى شخانيب الوعر صفا قرارة نجـد من فريـسها ونحـوسها وله بالأدب حكمه وبصمه من بعيدين النظر بيوت من شعره ادرس في كتاب دروسها قد قالـها راع المثل يقـول شـعره من صخر ماهـوب مثل أللي يجيها شعرها بفلوسها مرحوم ياتركي ولد صنهات ياساس الفخر سطرلك التاريخ "مجدِ" كبر رمل طعوسها وصلاة ربي عد ماهلت "رشاريـش" المطر على "نبي" عز جند الله وأذل انجـوسها دخيل الله خاشم بن مصوي |
صح لسانك يا دخيل الله
ويستاهل محمد كل علم ٍ غانم |
يستاهل ابو طيف كل خير ولا هنت يا دخيل صح لسانك .. واعتلا شانك تحياتي .. |
يستاهل ابوعبدالهادي الله يوفقه
وصح لسانك يا دخيل الله وبيض الله وجهك على المشاركه والمشاعر الطيبه محبتي ومتابعتي ياغالي اخوك |
صح لسانك يا دخيل الله ،
شاعر جزل ، وابيات مسبوكه ، يستاهل محمد كل علم غانم صح لسانك ولاهنت اصدق التحايا |
صح لسانك يا دخيل الله
ويستاهل محمد كل علم ٍ غانم |
الله يبيض وجهك يا ابو محمد وعسى عمرك طويل
استاذ ونتعلم منك وخجلتني بهذه الدره صح لسااانك مليون .. ولا عليك زود |
صح لساانك يادخيل الله
ويستاهل بن مصوي لاهنت |
صح لسااااانك يا دحيل الله
تحيتي |
اللهم صليّ وسلّم على رسول الله
بارك الله فيك ولا يستغرب هذا الشعر النقي والجزل من اهله ومحمد يستاهل كل التقدير من جميع محبي الشعر صح لسانك اخي دخيل الله ولاهنت ، .. |
ياسلام
صح لسانك صح لسانك حضور رااائع ووافي ويستاهل اخوي محمد هالرااائعه لاهنت احترااامي و ج د |
اشكركم على اطلاعكم لمشاركتي
ولكم جزيل الشكر.. |
الله الله الله
يادخيل الله صح لسااااااااانك لين ترضى يابطل عزالله انك مدحت |
أبيض وجه يابو محمد
وصح لسانك وابو طيف يستاهل |
| جميع الأوقات بتوقيت GMT +3. الساعة الآن 06:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية