تسوّل
بسم الله
والسلام خير الكلام جديده .. اليوم ذا بالذات " نقطة تحوّل " راح اتذكّرها دقيقه ..دقيقه اعلنت حول القلب ( حظر التجوّل ) ولقيت خلوة روحي ..افضل طريقه ( ياهمّ ) جاملتك .. وشكلك مطوّل وش رايك بــ [ كل ٍ يروح بطريقه ؟؟ ] الدافع اللي للمشاعر ممّول قطعت شريانه ..ونشّفت ريقه ماعاد احد ..للي بقلبي مخوّل غير اهلِي واصحابي من الخليقه كم لي على .. طيبة نواياي ..[اعوّل] وحمّلت قلبي حمل .. (ماكنت اطيقه ) لكن كذا " الانسان " .. نفسه تسوّل [اشياء ] ماتوجد ..على ارض الحقيقه هو من متى كان الشعور .. , يتحوّل ؟؟ هو من متى والورد .., يرمي رحيقه ماعاد عندي للمشاعر ..[ تسوّل ] مابغاك [محبوبه] ولاابغى .. [صديقه] (قرار) مفروض ..اتخذته [ من اوّل ] وريّحت قلبي من همومه وضيقه . |
1
لا احد يزاحمني خلوني على راااااااحتي ... |
مرحبا ومسهلا يابو علي
|
لي على .. طيبة نواياي ..[اعوّل]
وحمّلت قلبي حمل .. (ماكنت اطيقه ) شاعر مبدع يتخذ قرار صآئب / صح لسانك يا سلطان تحياتي |
اعلنت حول القلب ( حظر التجوّل )
ولقيت خلوة روحي ..افضل طريقه الله أبن بتلا ( صح لسانك ) قصيده وافيه وجزله لاهنت |
الله الله عليك يا سلطان
للقلب مباشره للخ درّك صح لسانك مدد تقديري |
صديقي العنكبوتي بن بتلاء
لله درك يارجل والله انك مبدع مبدع وماتغير رايي فيما تكتب مايميز اسلوبك سلاسته والطرح والدقة صح لسانك على كل ماتكتب تحيتي |
ياسلام عليك ياسلطان
نص اكثر من رائع صح لسانك وسلمت يمينك اخوووك |
المبدع الكبير / سلطان بن بتلاء
المشد لحاله قصيده مبدع والابداع والاعجاب به ماهو وليد اليوم فقط والله انك من اقرب الشعراء لذاائقتي المتواضعه صح لسانك كل ماغنيت بيت سلامي واعجابي |
اقتباس:
لله درّك يا بوبندر ويا زين جديدك وقديمك وبدعك كله صح لسانك عزالله العزيز اني استمتعت مع هالابيات محبه وتحيه خاصه من القلب :) |
شاعر لابد ان نقرأ جديده وقديمه لانك مبدع يبن بتلاء ولايختلف عليك اثنين ,,
اخوك ,, |
صح لسانك ولا هنت
|
اقتباس:
انت المسؤول عن قرارك :) ونحن مسؤولين عن الاشاده بشاعريتك الفذه وتواجدك الخطييييير نصّ جميل بكل ما تحمله الكلمه من معنى صح لسانك صح لسانك تحيتي واعجابي ومحبتي وطبعاً :) اخوك |
قصيدة في قمة الشفافية
صح لسانك يا سلطان |
سلطآن بن بتلآء آلله آلله عليك ,., صح آلله لسآنك مليوون و لآ هنت دآئمآ نصوصك رآقيه يآ سلطآن ,., لك أجل آلتحيه |
سلطان
ياأخي انت مبدع صح لساانك وكفى |
يا حلو الشعر اللي على أصوله يا سلطان بن بتلا
وضوح وسلاسه تدخل القلب بدون استئذان صح الله لسانك مدد وسلمت |
ماعاد عندي للمشاعر ..[ تسوّل ]
مابغاك [محبوبه] ولاابغى .. [صديقه] (قرار) مفروض ..اتخذته [ من اوّل ] وريّحت قلبي من همومه وضيقه هذا المفروض :) صح الله لسانك أخوي سلطان .. ؛ إبداع وربي ! تقبّل الودّ / الورد [OVERLINE]مسك[/OVERLINE] |
ابن بتلاء
بيض الله وجهك وصح السانك عيني عليك بارده |
ياسلام
ياسلام هذا الشعر كما يجب ان يكتب صح لسانك |
سلطان
صح لسانك مدد .. ولا هنت تحياتي .. |
قَرَار ,,, بِإقْرَار .., جَاء مَضْمُونُة بـِ حَصّر مَضْنُونُة فِي أعّقَابِ خُلّوَةٍ مَشْرُوعَة مَع القَلّبِ و شُعوُرَه الكريم ,,, سلطان بن بتلاء عَزفْتَ بِـ قَوَافِي مَرِنَة عَلى وَترٍ صَامِدْ .../ جَامِد ؛ إحّسَاسٍ صَارِم وجَازِم صح لسانك وفكرك ؛ |
| جميع الأوقات بتوقيت GMT +3. الساعة الآن 05:37 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية