مـواقـف مـحـرجـه..!!
السلام عليكم ورحمة الله وبركاته
تحيه طيبه لكم,, موضوع طرا على بالي ولا ادري هل سبق وان درج في المرقاب او لا او غيره من المواقع الاخرى. الموضوع هو ان يذكر كل عضو موقف محرج حصل له والتي تحصل لنا في حياتنا اليوميه:) من خلال رد على هذا الموضوع. وسأبدا انا بموقفين محرجين لي الأول.. كنت انا وخويي في حدى الدول ودخلنا حدى الفنادق نبي نسكن. كلمنا موضف الاستقبال وقلت لخويي لاتكلم انا اللي اتكلم:) قلت له كم سعر الغرف عندكم قالي السعر الفلاني من زود الثقاافه اللي عندي قلت له يأخي غاليه اسعار الغرف!! مافي (( تشيك أوت )) على اسعاركم:) قعد يطالعني موضف الاستقبال كنه مستغرب.؟؟ وهو يدغفني خويي ويقولي يالدلخ اسمها (( ديس كاونت )) مو (( تشيك أوت )) هههههههههههههه يابرد وجه الثقاافه:( .................................. الموقف الثاني دخلت انا وخويي سوبر ماركت. شرينا اغراض ويوم جينا نحااسب واتقااضب انا ويااه هذا يقوول والله ماتدفع وانا اقوول والله ماتدفع لين اقنعته قلت للمحااسب كم الحسااب.؟ قالي كيت كيت يوم اظهرة الفلووس الا هي ناقصه عن السعر :( هههههههههههههههه عطيت المحااسب الفلووس وقلت لخويي كمّل انت الباقي اخذ الفلووس خويي من المحااسب وحذفهن علي قال خل فلووسك عندك:( ودفع هو وسلامتكم:) وبانتظار تفااعلكم |
^
^ ^ ^ ههههههههههههههههههههههههههههههههههه السؤال اللي يسدح نفسه : خويك لازالت علاقته متواصله معك والا هج .. ؟؟ مواقف (( طريفه )) .. !! وموضوع ظريف .. ولي عوده حتميه .. !! بمواقف كثيره البعض منها أطرافه مرقابيين .. !! ياويل بعض الناس ويلاه .. !! كل الشكر لك .. يـ (( مبارك )) .. !! teeth: |
ههههههههههههههههههههههههههههه
مواقف جميله وطريفه ونفس سؤال ابو حمد :) وننتظر عبدالرحمن كأنه هدد المرقابيين :) |
عبدالرحمن حمد
ياأخي لازالت العلاقه متواصله بس المشكله يذكرني بهالمواقف دايما :( <<---- انت اللي عارضها امام الملا :) شكرا لمرورك ومتشووقين لمواقفك اللي اتوقع مالها نهايه:) |
هههههههههههههههههههه
الجميلي الجواب اعلااااه:) وشكرا لمرورك وان كان عندك شي عطناااه :) |
حضور للمشاهدة والاستمتاع
وسرد بعض المواقف إن اسعفتني الذاكرة بها ..! موضوع جميل كحضورك يا مبارك لا هنت تحياتي .. |
:)
:) :) :) أضحكـ الله سنـّك :) شكـــرا ً كبـــيــرة يـــآا مبــآاركـ ! ؛’ ودّي و تقديري |
ههههههههههههه
طيب لي موقف معك أنت ومو عرض موقف عقوبة تخبر يوم جيتني وقهويتك ----------> يبي يعيّفه السعودية كلها بها القهوة ركبت الماء على النار وحطيت البن اخذته من علبه كانت فوق الرف :( وبعد جهزت بهارها لقيت بن في احد الادراج ورجعت للبن اللي اخذت منه وليا هو قديم من رمضان العام وجابوا غيره وهو محله :( ---------> اسراف اخ بس وبغيت ابتسي من القهر قلت ياولد احقنه بالبن القديم خله ينحف ولا يموت :) المهم كفيت الدله وتحسفت على كميّة الماء اللي راحت الله لايخسرنا الجركل ب6 ريال وسويت دلة جديدة خابرها أنت هههههههههههههههه عاد والله انحرجت يوم تأخرت القهوة وراح وجهي أحمر بني :) الا يامبارك وش رأيك في سواتي للقهوة :( بعدين اذا شرفتني بزيارة جب قهوتك معك :) وشكرا على هيّك موضوع |
موضوع رائع,,
ولي عودة بإذن الله... كل الشكر لك يا مبارك... |
:
موضوع جميل يامبارك لي عوده مع بعض المواقف ان شاء الكريم .. |
:) :) ......(( ديس كاونت )) مو (( تشيك أوت ))
بعدين اذا شرفتني بزيارة جب قهوتك معك :) :) لا حول |
ههههههههههههههههههه
موضوع جميل وممتع متابع والمواقف كثير / لي عوده يا مبارك |
:)
مبارك الله يضحك سنكـ ايوالله .. ومن كثر المواقف .. اللي عندنا .. صارت عندنا ادوار .. وبفلوس .. والساعه بريلين .. ---> عانه قلبها اقتباس:
لي عوده :) |
اقتباس:
ياربي لا تبلانا انتهيت من ابن مشوط وجيتني أنت اتابع ردودك :( |
:)
\ / \ جيتكم .. والله يستر .. من كتابه هالموقف .. طبعاً فالبدايه اود التنويه ابطال الموقف ..كلهم اعضاء مرقابين .. وانا واحدٍ منهم والعدد (4)اعضاء . مره من المرات وفي احدى الليالي .. كنا مجتمعين في كورنيش الدمام .. نسولف ونضحك .. ومر علينا الوقت وحنا مادرينا .. ويوم جينا نسري .. تشاورنا .. وقلنا .. نكمل التكيه فالكورنيش . لين صلاة الفجر .. وبعدها .. نروح لـ اقرب مطعم او بوفيـه .. نفطر فيه .. وبعدين كلٍ يروح لهله .. المهم .. اذن المؤذن . واستعدينا لـ / الصلاه .. واقمت الصلاه انا يا محاكيكم .. في نفس مكانا فالكورنيش وتقدم .. (س) .. يصلي بنا اللـه يجزاه .. خير .. ((كل شروط الامامه .. متوفره لديه ))..:) وكان اتجاه القبله .. بتجاه الطريق المحاذي للكورنيش .. المهم كبر الامام وكبرنا وراه . وبداء بسورة الفاتحه .. ومن بعدها سورة الاخلاص .. ولما ركعنا الركعه الاولى .. ورفعنا من الركوع صار الموقف .. اللي ما طراء على قلب بشرٌ منا :( البدايه كان صوت بريك(فرامل ) ومن ثم صوت اطلاق نار مع رفوعنا من الركوع .. و الصوت قريب جداً ولا وقفنا زين من الركوع الا واللي يطلقون النار امامنا .. ومتجهين يمنا .. وهي وحده مداهمه امنيه .. مداهمه سياره .. فيها ثلاثة شباب .. كلنا شفنا اللي صار .. انتبهنا له .. واولنا إمامنا .. الامام الله يجزاه خير .. سجد على طول .. ولا كبر لـ / السجود الا وهو ساجد ..:) < --- ماينلام . بغى يروح فطور المداهمه . وحنا بغينا نسبقه لـ السجود.. وفالسجود انا والله مدري وش قلت .. بس اذكر اني كنت ادعي واقول الله يجعله ( اقصد الامام ) ما يستعجل فالسجود .. المهم لو بقول لكم .. لو طراء على قلبي قراء ة سورة البقره قريتها كامله فالسجده ذيك :) وبعد ما كأن صوت اطلاق النار اختفى .. جلس من السجود امامنا .. واليا والله الاوضاع طيبه .. كملنا صلاتنا .. كلها .. في دقيقه . والعلم عند الله. ..:( ولما سلمنا طالعنا في بعضنا .. والله يعفي عنا .. كلٍ انسدح ..من الضحك .. وشف عاد كلٍ وش يقول ..:) الامام يقول .. انا ماجبت خبر .. لواني .. صملت .. ولاسجدت بسرعه يمكن يصبيكم الرصاص ويتيتمون عيالكم .. ويصير الذنب برقبتي :) ماهوب هين الامام . عرف يصرفها . بس بعدها ماعاد تقدم يصلي بنا كل ما قلنا تقدم يا فلان عيا:) المهم كنا متفقين .. نفطر بعد الصلاه .. اللي حصل انا تفرقنا ولا افطرنا سواء .. ذاك اليوم .. والله لايعيده من موقف .. عاد مدري وش اسمي هالموقف .. بس الاكيد اني لا ذكرته ضحكت .. الله الله وسلام عليكم .. :) |
اقتباس:
مرحبا مرحبا شرفنا مرورك وناطرين مواقفك المحرجه:) |
اقتباس:
الله يجعل ايامتس كلها ظحك:) تسان عندتس شي هاتيه :) |
اقتباس:
معاد انا بجاايك لايحترق محلك ويصير الذنب برقبتي:( :) مرحبا يانواف |
نادر العنزي
محمد الشويّب خالد السيحاني مخاايل مرحبابكم ومحترين منكم موقف يظحتسنا:) لاهنتم |
اقتباس:
الحمدلله على السلامه بعد هالمووقف من له خلق يفكر بالفطوور الا كان انا والا مديرنا السواط لأسباب لايعلمها الا نواف نايف:) لاهنت ياعبدالعزيز :) |
مواقف تبقى في الذاكره
ان حضرني شي احضرته كل الود |
8
8 8 مرحبا ياسعد وان عندك شي لاتبخل علينا فيه:) ملاحظه ,, بخصوص موقفي المحرج الاول ..انا مدري هي الكلمه (( ديس كاونت )) والا (( ديس كاوند )) ان طلعت الثانيه اعتبروها موقف محرج بعد:) وسلااام عليكم |
| جميع الأوقات بتوقيت GMT +3. الساعة الآن 07:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية