ثورة وجــدان لـ (تركي ماطر)
 

السلام عليكم ورحمة الله وبركاته

اسعد الله اوقاتكم بكل خير

قصيدة من قصائد الشاعر والناقد تركي بن ماطر الغنامي

اتمنى ان تروق لكم .


[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

اخذ عن عقلي زمام الشعر يا وجداني=لا تصير عن الحدث في منطقه معزوله


عقب شيٍ شفت جا عندي كلام ثاني=اقطع قياد المقيد واطلق المعقوله


ثر على حكم العقل والمنطق اليوناني=اقنعه وان ما اقتنع غيَر نظام الدوله


دكتاتورٍ طاغيه معه رسني وعناني=جسّد ستالين لي باشنابه المفتوله


حاصر شعوري ووسع دايرة حرماني=اترك الي يطلبه غيري ويدي تطوله


لاتطيع العقل عقلي هو عقال لساني=ممتل صدري كلام ما قدرت اقوله


جف شعري واللغه وشعوري الانساني=يوم طعت العقل في قوله وفي منقوله


الفرات من الظما لو اشربه ما ارواني=لي سنين اصدر يدي عن رغبتي مغسوله


كن في صدري صدى مستفزع ينخاني=ودي اجيب نخَـواه وقدرتي مشلوله


شعري اللي ما يترجم رغبتي واشجاني=علموني بس ابا افهم هالشعر وشهوله


سامح الله واحد في هالكلام اغراني=عاث في صدري برغم ابوابه المقفوله


ابتدع له مدخل في مدخل شيطاني=واكتشف فالنفس اماكن و اوديه مجهوله


لا طلب رايي ولا استاذن ولا استفتاني=بات فاللاوعي لين اصبح واخذ له جوله


فجر اشياً فيَ كانت للأسف تخفاني=تنتظر عشرين عام اسلاكها موصوله


ما كشفها الشيخ عقل وبحثي الميداني=رغم تمحيصه و رغم جهودي المبذوله


نسخه مع اصدق دعاي لمحسن الهزاني=ما يحوس الرجل مثل الكلمه المعسوله


واسأل اللي جا وشغلني ولا طفاني=صرت اذاعات وحواسب واجهزه محموله


سور هرجه زخرفه والفرش زل ايراني=وين ما ادير الشعور اشوف شي ٍهوله


جر سكينه على حلقي ولا ذكَاني=في تراكيب الكلام ولفظه ومدلوله


واحتوتني دوحة ابداع ثمرها داني=رحلة استمتاع في عرض الكلام وطوله


عالم أخر من متع دنيا الحطام الفاني=وان تغير وجه تاريخي هي المسؤوله


عطر روحي يطرب بليا نغم واغاني=ما يقدر لا بالاوقيه ولا بالتوله


ما خرج عن شرط عبدالقاهر الجرجاني=طول عمر الشيخ في كتبه يدندن حوله


زلزل ارضية شعوري لين هد اركاني=وصرت انا والشعر تحت سيوفه المسلوله


اتصال شعور عبر الهاتف المجاني=لي شهر وخطوط قلبي كلها مشغوله


يعربي فتح جروحي ولا داواني=تحت مبدا موضة الحرية المكفوله


لابسٍ ثوب و وقار العالم الرباني=كل جرح يبرره بالحجه المقبوله


اسئله على طريقة شيخنا الالباتي=خطوتين توصله للغايه المأموله


ايه انا المجني عليه اللي دواه الجاني=جيت كوم الغاز وامست كلها محلوله


مير يا شعر الخيال السامي الروحاني=اطرب نفوس على فهم الشعر مجبوله


يوم بعض الخلق الا يالله لا تبلاني=من جلافتها سلوك اذواقها مفصوله


خل من يسمعك يذكرني ولا ينساني=الغزل والشعر حنا اللي نعرف اصوله


صغت ابن زيدون في نونيِة القحطاني=اخْيله وابداع في خفة لغه وسهوله


تطرب الصوفي وتشبع رغبة العلماني=وهي على منهاج سنَي حنبلي منخوله


المحب المرهف اللي فالحياه يعاني=اعتقد يكفيه من ترياقها كبسوله[/poem]لكم فائق احترامي وتقديري ....!!

:)

:)

:)

1

ايييييه هو وينه تركي ماطر مع طاريه ؟


امّا القصيده هذه لو ما قلت لهاك الرجال ياراكان تقسم وتولي انها ماتعدته !
يدل على البصمه التركيه والبحر المحبب لدى حضرة جنابه :)


وقد عبّر تعبيراً دقيقاً صادقاً في آخر ثلاث أبيات تقريباً ،
أقول عبّر ووصف شعره بالملي ، الشعر الذي من عرفه وتابعه سيذكر تركي الغنامي ولا ينساه بالسهوله :)


شكري الجزيل لك أخي راكان بعد شكر الله تبارك وتعالى ..

سلام’ عليكم

صح لسان شاعرها

ولاهنت ياراكان

يامرحبا يابو هليل


وبانتظار عودتك


لك فائق احترامي وتقديري ...!!

ياسر يامرحبا ومسهلا


ولا انت يابو مروي

شاكر لك مرورك


لك فائق احترام وتقدير اخوك ...!!

من عيون الشعر وانت محسود على ذائقتك ياراكان ..

محبتي وتقديري .. لك ولبو ماطر ..

ابو حواء


يامرحبا ومسهلا


فعلا صدقت نفس تركي فالقصيده واضح


شاكر لك مرورك


لك فائق احترام وتقدير اخوك ....!!

يامرحبا يابندر


صح بدنك ولانت


شاكر لك مرورك


لك فائق احترامي وتقديري ...!!

ابو بلال

يامرحبا ومسهلا


شاكر لك مرورك

لك فائق احترامي وتقديري ...!!

مخايل


شاكر لك مرورك


لك فائق احترامي وتقديري ...!!

الله الله

من ورائع الشعر

صح لسان شاعرنا القدير تركي ماطر

ولاهنت يا راكان ،،

..

شاعر مبدع الشاعر تركي الغنامي

صح الله لسانه

ولا هنت على النقل يا راكان

النيره


يامرحبا ومسهلا


شاكر لك مرورك


لك فائق احترامي وتقديري ....!!

ابو عايض


يامرحبا ومسهلا


وشاكر لك مرورك


لك فائق احترام وتقدير اخوك ...!!

دكتورنا

يامرحبا ومسهلا


شاكر لك مرورك


لك فائق احترام وتقدير اخوك ,...!!

صح لسان شاعرها

ولاهنت ياراكان

ابو مناحي


يامرحبا ومسهلا



شاكر لك مرورك



لك فائق احترامي وتقديري ....!!