قصيده(او ابيات) لمرقابي .. تمنيتها لك .... ((1))
عندي حاجه حلوه بمناسبة رمضان
الله يبلغناه جميعا ً في طاعته ورضاه هالموضوع فكرته جديده وراح يكون اسبوعي ان شاء الله نقوم خلاله بأختيار عشوائي لشعراء او شاعرات مرقابيين ونطلب من كل عضو مشارك ان يختار (( قصيده (او ابيات)) لأربعه شعراء فقط )) تمنى هذا العضو ان تكون .. له .. او هو اللى كاتبها (( بالعربي اعجب فيها اعجاب كبير)) (( بالله وش رايكم )) واذا ماطرحت انا الموضوع يجى غيري ويطرحه بعد اسبوع انا راح ابدأ ويسمح المشاركه من الاعضاء الموجوده اسمائهم ضمن الشعراء بشرط ان لايختار قصيده له ((ولايحق للعضو المشارك الا اختيار اربعة اسماء فقط )) ويمكن تكرار اسماء الشعراء في المواضيع المقبله _______________ سداح ,,, عناد النفيعى ,, مناحي ,, عبداللطيف الغامدي ,, مشعان البراق ,, ناصر مناحي,, محمد السبيعي ,,,شفق السريع ,,, ياسر العتيبي ,, خالد السيحانى,, نواف نايف ,, عبدربه ,,مطر العضياني ,, نيافه ,, بنت وائل ,,, وجد واتمنى من الشعراء الموجوده اسمائهم المشاركه مع اتباع قواعد الموضوع .وفي انتظار الحضووور |
ليش موزيني مع المبدعين يامحمد :11:
الله يرفع مقدارك هذا اللي أقدر اقوووله :) موضوع رائع ولي عودة ان شاء الله :wardah: والله يبلغنا رمضان حنا واياكم على خير Icon26 |
فكره اكثر من رائعه وماشاءالله كلهم شعراء مبدعين وبصرآحه احترت من اختآر :( شكرآ مليون يامحمد :wardah::wardah: |
محمد السليس
فكره رائعه جداً وأتمنى أن تشمل كل الزملاء والزميلات المبدعين والحقيقه الأبيات الجميله والراسخه واجد وسنكون هنا بإذن الله قريباً |
فكره ماهي زينه وقديمه <<<<<<< عشان اسمه ماهو مكتوب
لا والله انها فكره منتازه بالحيل وتحسب لك يابو علي ولي عوده بأذن الله |
لاهنت على الموضوع الرائع
دمت بود |
لاهنت يا محمد على الفكره الجميله .. وكلهم شعراء مبدعين
لي عوده تقديري |
لا هنت وموضوع ولا أحلى لي رجعه :)
|
سبحانـه اللـي يـدوم وغيـر وجهـه مــادام بـأمـره يـمـد الـشـفـاء والـغـمّـه يزيـلـهـا
. العالـي المـؤمـن الـعـدل الكـريـم الـسـلام الوالـي الـلـي جمـيـع الخـلـق والــي لـهـا . أعوذ به مـن شـرور الجـن وبغـض الأنـام ومن عقـدة أهـل العقـود ومـن محابيلهـا . مـا يحـذفـون الـحـلال ألاّ عـيـال الـحـرام نـاس ٍ نغزهـا بليـس وقـام يـومـي لـهـا . اللي في قلبه صدا واللي في خشمه عرام وكبودها سود مـدري ويـش اسـوي لهـا . الحـمـدلـلـه زان الــحــال والــحــظ قــــام ولــدن لـقـاح الليـالـي وأحمـلـن حيـلـهـا . بـانـت وجـيـهٍ تبـادلـنـي غـــلا وإحـتــرام وغـابــت وجـيــه ٍ تجامـلـنـي بتمثـيـلـهـا . والحيّـه اللـي تشـيـل الـسـمّ والـسـمّ ســام أقـــرا عـلــى راسـهــا وتـــردّه لـذيـلـهـا . مابيني وبينكـم يـا أهـل الضغايـن كـلام ألاّ الفـلـق .. وآيــة الـكـرسـي وترتيـلـهـا . ولا حلّـقـت ف الـظـلام ألاّ طـيـور الـظــلام واليـا انتـفـض ريشـهـا شـبّـت قناديلـهـا . شكـري علـى البندقيـه والفشـق والحـزام وأم الـمـفـاتـيـل تـنـجـيـهــا مـفـاتـيـلـهـا . واقف على حيلي وهجسي طـواه الحيـام عسى القصيده معي تآقـف علـى حيلهـا . تقـول بيـنـي وبـيـن الشـعـر نقـطـة نـظـام مـن يـردع اهــل المثـايـل عــن تماثيلـهـا . والنبره اللي في صوتي مـن ثلاثيـن عـام أطـيــح واحـطّـهـا .. وأقـــوم وأشيـلـهـا . ترادفـت واستقـامـت والطـريـق أستـقـام وأستقتـهـا حـسـب معنـاهـا وتأويـلـهـا . الضبـط والربـط لـو مـا جـاء علـى مايـرام الـجـابـه المـايـلـه مـــا يـعـتــدل مـيـلـهـا . عـز الله انـي قنعـت مـن الهـوى والـغـرام وسرّتني اللـي علـى ليلـي .. سـرا ليلهـا ! . حمامـة ٍ مــن لحنـهـا غـيـر كــل الحـمـام أمسيـت معهـا تغنـيّ لـي .. وأغنـيّ لهـا . يـا شيـن حـبٍ يجـي بيـن اللحـم والعـظـام مـا يجنـي مــن الضـلـوع ألاّ محاصيلـهـا . يـا صاحبـي لـو نقـول الطـقّ فـك اللـحـام طــقّ الموالـيـف مـــا يـقـطـع مواصيـلـهـا . وشلون ما أهتمّ بك وأنتـه محـط إهتمـام ومحبّتـك فـي ضميـري مـسـرج ٍ خيلـهـا . أربط حـزام الأمـان .. الخـوف مالـه حـزام وأخفـض جنـاح المـوده ليـن أعـديّ لهـا . تعـال يـكـرم جنـابـك يــا عـزيـز المـقـام بــلاش مــن طــاري الـدمـعـه ومنديـلـهـا . أقـول أحبـك وأنـا صـادق علـيّ الـحـرام لازال غــيــث الـمـشـاعـر دارجٍ سـيـلـهـا . أمـا أستملنـي غـلا .. وألاّ عليـك الـسـلام لابــــد فــرقــاك تـاصـلـنـي مراسـيـلـهـا للمبدع: الأستاذ سداح |
من يداحم هالمبدعين يابو علي ؟!
شرفتني باختيارك والله ان الواحد يتورط فالشعار قبل القصايد لكن على البال قصايد تمنيتها لي منها : سداح - عبله ملاوي الـلـســان حــصــان والـنــيّــه مـطــيّــه كلـمـة ٍ تحـسـم بـهــا كـــل الـدعــاوي وأن دخـل فـي صفّـهـا حسـنـه وسـيّـه الفـتـاوي تـوخـذ مــن أهــل الفـتـاوي محمد السبيعي - رجعت للبيت رجعت من درب المواجـع الـى البيـت اللـي بقـى بـه للسـعـادة بقـيّـه! كم لي أمره حـيّ وبـ( خافـقٍ ) ميـت لـو ان جروحـه فـي نواحيـه حيّـه!! عناد النفيعي - هكذا غبت .. وارديتني في بحر بعدك .. عليل لاحصلي ّ نجـاه .. ولاحصلـي ّ غـرق حـيّ لكـن روحـي مثـل روح القتيـل فكر مبدع ونبضه فـي النهايـه ..ورق مشعان البراق - 15 عام راحـت بحفـظ اللـي كفـل رزق الايـتـام الله يسامـحـهـا .. وراء ماحتـرتـنـي ؟ راحــت ونكّـسـت الـبـيـارق والاعـــلام وقنـعـت يــوم ان الـسـلـوم اجبـرتـنـي لاهنت على الموضوع الحلو :) |
:)
ابو الروائع محمد لاهنت على هالفكـره ولي عوده بإذن اللـه سلامي ياكبتن :) |
نواف نايف
هلا وغلا والله واسمك يزين اسماء المبدعين يشهد الله وفي انتظار حضورك النيره هلا بالحضور المتوهج والسباق دائما وحضور ولا اجمل واختيارات ولا اروع وكل المرقااب مبدعين ومتميزين ومليوون مراحب مطر العضياني هلا وغلا يااشاايبي العزيز وطبعا الفكره ماراح تخلي ولامرقاابي لانهم كلهم نجوم وفي انتظاار العووده فاايز ابو رجيله <<<<< بخاطر شين.... يااهلا وياامرحبا ولاتستعجل على رزقك يااكبير وفي انتظاار العوده مباارك الفعم هلا والله وغلا وفي انتظار عودتك بمشااركه دسمه عيسي الشااطري مرحبا تراحيب المطر وكيف لايكونون مبدعين وانت من ضمنهم مرقاابيا وفي انتظاار حضوورك مخـــــــــــــــايل هلا ومرحبا ونرجوا عدم التأخر في الحضور والمشاركه مرة اخرى مشعاان البراق هلا وغلا بالحضور وراعيه وفارس رمز واستااذ واسمه محفور في الذااكره بس ليش تكسر قوانين الموضوع (( هاذي بحق ويكون طلى نجدى ثني ومطبوخ سليق)) والا ترجع بمشااركه اخري موافقه للقوانين وهلا وغلا معربة الجدين هلا والله بشااعرتنا المبدعه والرائعه ومشااركه ولا اجمل واروع بس ليتك كملتى ثلاثه اسماء وطبعا هذا ماراح ينقص من قمم المرقااب اللى يشهدلها التااريخ يااسر العتيبي يحقلك ويزهاك المداحم لان جنبك متين ابدااعياا وشعرياا والله وهلا وغلا بالمشااركه وراعيها وابياات ولا احلي واجمل عبدالعزيز الهليل ياامرحبا تراحيب المطر والله ولاهنت يالقرم وفي انتظار هتان مشااركتك يالغاالي |
عدنا
خذ عندك يابوعلي سداااااااااااااح حبيبي لا تقيّدنـي وأنـا حـرّ وعريـب جـدود طليق ولا أعرف القضبان ولاني من رعاياهـا لا تربطني تحت حكم الشروط بحبلك المشـدود وتحجزني بحكمك في شروط ٍ مـا شرطناهـا ! أبيك تحبّني .. لكن مـا أبيـك تحبّنـي بقيـود علشـان المحبّـه مـا تقـوم إلآّ بمعنـاهـا وأنا لا أخفيتها لا بدّ مـا تلقـا علـيّ شهـود تفضلّ وأفتـش ضلوعـي ودوّرهـا وتلقاهـا تحاصرني وانا ما أرضا الحصار وسيفه المحدود وأبـادرك العتـب وتفضّهـا سيـره وتنساهـا أصارحك بخفايا خاطـري وأقـود قلبـي قـود وأسلّم لك مفاتيحـه مـن أوّلهـا ليـا أتلاهـا وانا قلبي بحبّك كـل مـا هبـتّ عليـه النـود طيوفـك قـام يجمعهـا ويكتبهـا ويقـراهـا على منسوب دمه قام منسوب الغـرام يـزود يغيض وكل ما فاضت عروقـه قـام يملاهـا علامك ليه تحجبني عن العالـم وأنـا موجـود ما تدري غيبتك حلّت بعينـي وأشربـت ماهـا ترفق وألطف بقلب ٍ بذل لك صـادق المجهـود رفع كـل البيـارق وأنـت بعيونـك تحلاّهـا لو أنّه ما يحبّك في غيابك مـا رعـاه الـدود يعيـش الفقـد والفرقـا تلـوّح لـه بيمناهـا على غصن الجفا علّقت قلبي فـآخر العنقـود وخلّيت الهبايـب تدفعـه فـي حكـم مجراهـا لعلّ الوصل يبقا .. والقطيعـه بابهـا مسـدود لو أنّ الحب لغز .. وله رموز ٍ ما فهمناهـا ! مشعان البراق حاول تجاوب لي سؤالي / عشاني يالماضي اللي ماقدرت التفت له قلب ٍ هواك .. ولاهوى انسان ثاني في ذمتك .. كيف استلذيت قتله ولو اعرف وش موضوع القصيده كان جبتها كلها لاني من زمان ادورها وماعرفت الها طريق |
السلام عليكم . عوده لكم من جديد .. وودي قبل ابدى .. اهمس في اذنك يا محمد بكلمتين .. كانك تشوف انها اصح .. وهي مجرد اقتراح . ودي انك خليت الموضوع .. بالاعجاب فالقصايد .. مهو التمني .. لأن كلٍ يشوف نفسه وانا اخوك .. نابغة زمانه .. وان ما مثله احد .. والا انا غلطان .. الله الله :) \ / \ وعوده مره ثانيه لصلب الموضوع واللتمس العذر من الله ثم منكم كان ودي اجيب للجميع .. بما ان الاسماء كلها جديره بالاعجاب .. لكن حكم علينا شرط محمد .:) و استلموا .. سداح [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""] ولّ يا هجســن يجاذبنـي علامه = يـــوم حــطّ بخاطـــري رسم وعلامه لجّـت ضلوعي ودقّت في بعضها = وابترم قلبـــي .. ويا ســـرع ابترامه يا الله انك تلطف وتغفـر ذنوبي = وتكتب لنفســــي هـــدايه واستقامه أترجّــــا رحمتـــك تسبق عذابك = لاجمعــــت احسابــي بيـــوم القيامه عبــدك ولا لـــي ملاذ الاّ لوجهك =يوم تعتــق هامـه .. وتنعـــاق هامه الزمــــان يدور واحداثـــه تلاحق = والليالي شـهب ولا منهـــــــا سلامه والخطـــر زايد لـو أن الأمن سايد = امتقلـّـد قوسـه .. ويطلــق سهـــامه وأنفتــاح العولمه باسم الحضاره = علقـوّها حجل فـي ســاق الحمامه ياعـــرب والمعضلــــه فينا ومنّا =ويـن راح اللــي يبا يكـــــرب حزامه الأمــم متـّـحده .. ولاهيــب وحده = ناشبــن في وحـــدة الصف إنقسامه لــو يعــدّ العالـم الأول علــــــومه = ما يقـــول العالــم الثالـــث عــلامه و بووش بالـبدلـــه يلـفّ الكرفتــّه = ولا يحسـب احسـاب لبّـــاس العمامه يومــي براسـه على راس الجذيبه = ويتـهبـّــد مــــن نثيـــله في عدامه حارب الإرهاب وهو من شدّ باسه = وردّها للشيـــخ ابن لادن اســـامه ؟ وشتـّـت الأفغان ولا جاب الذهايب = ينهـــب العالــــم بزيـــــن الإبتسامه خطـّـته للشــــرق الأوسط عالميّه =وكــل ليلـــه تنقــض فعــــوله كلامه قال اظن القدس عاصمة اليهودي = واعتصم شارون وشارك فـ اعتصامه وساقها حسب المصالح للجزيره = وأذهنـــوا صـــــــدام مالانت عظامه عنده الجرثومي وعنده كيماوي = والســـلاح (البوولجي) على سنامه ولجنة التفتيش راحت في طويله = هاتــها .. لا ودّهــــــا يا ابو دلامه ؟ أهبطوا بالهيلـوكبتر فوق قصره = واقطعـــوا راســـه ويفداكم نظامه لا حروب .. ولا بلاوي كان فعلا= تنشـــدون السـّلم يامــــال السلامه عام يتبع عام .. والخطّه تغيــرّ = والعـرب تضحــك قهر مدري رخامه ما تكبّ الهيمنـه يا الهيمنانـي =ولاتنــام الا علـــى ريــش النــعامــه وأزعمانا واحد وعشرين لكن =كمّ فيهـــم .. يستحقون الزعامه ؟ نشجب ونستنكر ونزعل ونرضا = وانتظاهر بالحــداقـه والفــــهامه مير ربي حافظ الأسـلام بأمره = وعـن حثيــل الشرذمــه رافع مقامه يا الله انّك تبعد الشرّ وتلــدّه = عن قصر دسمان .. وعن قصر اليمامه[/poem] لـ / عناد النفيعي [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياحيّ غيم الهجوس وحيّ ماطرها = لاحنّ رعادها .. في صدر واليها امّا ذكرها من اولها ليا آخرها = والا نساها من اولها لـ تاليها تعيش وتموت حيّه في مقابرها = افضل ..ولا تذبح الغربه معانيها بعض القصايد تموّتها دفاترها = وبعض القصايد تموت بصوت راعيها لاصار الاحساس كاذب عند شاعرها = عادي لو يجيبها ولاّ يوديها الصدق بابور للنفس ومشاعرها = يرسي باحاسيسها على موانيها وانا هجوسي ليا لاحت بشايرها = قابلتها بالشعور اللي يغذيها امرها بالجوارح في منابرها= واهدّي اوضاعها على كراسيها من فيض .. في وارد جروحي وصادرها = ومن غيض..في بايع الذمه وشاريها والبارحه دمعتي طاحت بوادرها = على كفوفي من عيوني لـ غاليها بلشت في الذاهبه و ابطيت ادورها = واستكثرت لاتعلمني باراضيها اللي بعد كدّت الفرقا ظفايرها = ما عاد في البال طاري غير طاريها يزورني طيفها و آخيل ناظرها = واسمع سواليفها فجأه.. واحاكيها غابت ولا قصت الايام دابرها = كل الاماكن احس بروحها فيها ياكثر ما كنت اداري ضيق خاطرها = حتى على حساب روحي كنت اداريها كنت اتحاشى الكلام اللي يكدرها = وكانت على اي شي تزعل لاجل اراضيها اقسم برب السما مانيب خابرها = الاّ انها ..في ذرى الروح ومحانيها مكانها اللي تعرفه عند شاعرها = تجيه في ايات وقت الله يحييها[/poem] لـ / عبداللطيف الغامدي [POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه مرّت عليّ بوجعها =توسدتني صحّ ,, بالعرض والطول نشدت وجه الصبح هي وش سنعها = ارخت عليّ سدول وسدول وسدول جاوب وليته عن ضميري رفعها = ما ردّ راع الفقد مذنب ومسؤول كنّه يقول النفس تعرف ولعها = يامودّع النبره ومشتاق للزول ذكّرني اللي ما قدر مجتمعها = يعوضني فيها معاناة وحلول من حبها صدر الجنوبي وسعها = متناسي الضيقه ومتجاوز الهول شاف اسمها وسط البحور وشرعها = يا ثاني العنقاء ,, والخلّ ,, والغول ريميّةٍ جمالها لو دفعها = ضد السلوم تذابحوا دونها زحول مكنونة في قصرها ما منعها = غير الحيا عن درجة الشط والمول مرّتبي الخطوه على مرتفعها = وفهمت معنى (شيّ ماهوب معقول ) متمسّكه في ظلّ شيخٍ قرعها = من صغرها عن كل شايك ومجهول جفول صبّ الما على الما فجعها = حساسةٍ فيها للاحساس مدلول مدلّلـه تشكي عليّه جزعها = خشونة الحبات في عقدها اللول مقبولةٍ عندي واشجّع دلعها = لا قالت انت تشوف رددت ((لا حّووول )) تشحّ في بعض السوالف ومعها = للصمت قيمه ما بلغ سعرها قول لكن صمتٍ طال للي سمعها = وادمن سوالفها بري حال ونحول ياما نخيت الحظ عندي يضعها = واثره على ما يوجع القلب مجبول ضيعتها مجبور كيف ارتجعها = وكفّ الامل في منبع السلم مغسول بيبانها عند اصبعي ماقرعها = وعيني تشوف الباب والباب مقفول خدعني الوقت البغيظ وخدعها = امست مجرد حلم واصبحت مقتول[/POEM] لـ / مشعان البراق [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"] ماقلت لك يوم انك اخطيت .. غلطان ! = مسامحك / حتى مابي لك معاذير انت اتعرف ويش انت في قلب مشعان = وتقصيرك بحقي ما اسميه تقصير لكنّي اعاتبك .. يوم انك انسان = انسان غير .. وفي عيوني بعد غير حاولت ابرّر ماحصل لي .. والى الآن = عجزت لا احصّل لما صار تبرير اشوف واغض النظر بعض الاحيان = لو ان دلو الذنب في جمة البير ماذعذع الغربي علشان الاغصان = ولاسرّت دموع الوفاء سالم الزير لكّن تبقى للتعابير الالوان = اللي تعوضني هاذيك المخاسير الفرق ! مابين الحبايب والاخوان = مدري! .. ولكن شي ما أظنه يصير ما اصعب من الصدمه ودورات الازمان = الا اني القى للحقايق تفاسير عندك عصى موسى وخاتم سليمان = وعندي خطاك اخّف من ريشة الطير اصد عنك .. وكل هذا علشان = ان الصدود احيان حشمه وتقدير والا انت مهما صار يامطرق البان = مكانتك .. ماغيّرتها المقادير لا تأخذ بخاطرك .. مانيب زعلان = مشكور ومجمّل .. وتصبح على خير[/poem] |
.
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""] حيّ صوتك وحـيّ الله صـداك=كل ما فلّ سمعي .. حـلّ بـي قادني لـك وفـضّ الإشتبـاك=وأنتهت بيـن نـارك وأحطبـي ألتفت يمـيّ وعطنـي وهـاك=جعل فرقـاك تخسـى وتهبـي لو تلولب كلامك مـن شفـاك=أقتنـع بالكـلام اللولـبـي ! ياهوى البال يسعد لي مسـاك=أذكر الله وصـل علـى النبـي يا عسى اللي حصل منيّ فـداك=وما حصل منك في سدّ أشنبـي نوّخت من خطاي ومن خطـاك=وأبتدا العذر يبـرك ويحبـي ! كم أحبّـك .. وكميّـة هـواك=مـن يحـاول يحددهـا غبـي تكبر ولا لهـا عنـدي سـواك=لو طرحت الضبي فوق الضبي ! أنت غالي وعالـي مستـواك=ياطموحـي وغايـة مطلـبـي ما بدا غير نجمي فـي سمـاك=ولا مشا فـأرضك ألاّ موكبـي متسيّـد لحالـي فـي حمـاك=عوشبي يا المحبّـه عوشبـي وقلبي اللي تشيله فـي يـداك=جاك منيّ عطا .. مدري سبي ؟ مير سجلّـت صـكّ الإمتـلاك=بإسمك ورسمك وقل ما تبـي أتفيّـا تحـت فـيّـة غــلاك=يا بعـد مـن تغطّـن بالعبـي هكـذا الحـبّ لا بيّـح خفـاك=كلّ ما شيّـب يعـوّد صبـي ! [/poem] ، الدكتور / سداح ، ، |
،
ودوك هذي للمبدع / مشعان البراق ، ولوّ أن الهليّل سبقني عليها :( [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""] ماقلت لك يوم انك اخطيت .. غلطان !=مسامحك / حتى مابي لك معاذير انت اتعرف ويش انت في قلب مشعان=وتقصيرك بحقي ما اسميه تقصير لكنّي اعاتبك .. يوم انك انسان=انسان غير .. وفي عيوني بعد غير حاولت ابرّر ماحصل لي .. والى الآن=عجزت لا احصّل لما صار تبرير اشوف واغض النظر بعض الاحيان=لو ان دلو الذنب في جمة البير ماذعذع الغربي علشان الاغصان=ولاسرّت دموع الوفاء سالم الزير لكّن تبقى للتعابير الالوان=اللي تعوضني هاذيك المخاسير الفرق ! مابين الحبايب والاخوان=مدري! .. ولكن شي ما أظنه يصير ما اصعب من الصدمه ودورات الازمان=الا اني القى للحقايق تفاسير عندك عصى موسى وخاتم سليمان=وعندي خطاك اخّف من ريشة الطير اصد عنك .. وكل هذا علشان=ان الصدود احيان حشمه وتقدير والا انت مهما صار يامطرق البان=مكانتك .. ماغيّرتها المقادير لا تأخذ بخاطرك .. مانيب زعلان=مشكور ومجمّل .. وتصبح على خير[/poem] ، |
،
موضوع شيّق و جميل يالسليس / محمد ، جبت إلك ثنتين وباقي ثنتين لا هنت يالشيخ ، لي عوده ، |
جهاز قلبي لو يصيح .. أقرب جهاز أقرب جهاز
يرسـل ولا يستقبـل إلاّ ذبذبـه فـي ذبذبـه . بيني وبين أهل الهوى تشويش وأصواتٍ نشـاز تلعبّ بي الموجات وأعوّد على الطـرق ألعبـه . أنا على شطّ الخليج وشـف بالـي فالحجـاز ممنوع يقربني وأنـا بالمثـل ممنـوع أقربـه . صعب آصله .. رغم العلاقه والبطاقه والجواز دونـه تهاتيـت الوجيـه الذاهبـه والمذهبـه . للدكتور 0 سداح الله لايهينه |
محمد السليس
فكره رائعه .. للأستمتاع بدرر هؤلاء المبدعين بالتأكيد ان هذا المتصفح به الذائقه الشعريه النقيه لي عوده . |
وقفت انا وانتي على مفترق طرق
صعب التجاوز ماله الا.. اتجاهين تضمن صلاح الحال .. وتبيّن الفرق في رعشة الخافق .. وفي لهفة العين اما التقت روحين .. بجروحها الزرق والا انتهت بجروحها الزرق .. روحين الحب مثل الغيم في حاجة البرق والشوق عامل مشترك بين الاثنين والشجره اللي تجمع الغصن .. بالورق اوراقها تعطي دلاله لـ .. [ حرفين ] ! لصديقي 0 عناد النفيعي الله لايهينه |
فكره رائعه ياخوي محمد
وكل الشكر لادراج اسمي تحت قائمة شعرائنا المبدعين لي عوده يإذن الكريم احترااامي و ج د |
| جميع الأوقات بتوقيت GMT +3. الساعة الآن 04:03 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية