العقد الفريد
جديد للتواصل [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""] حبر القلم لو جف من كتب الحقايق والنشيد=ماجف فكر الشاعر اللي لابغاها جابها ينظم نتاج الموهبه ويطرّز العقد الفريد=والشارده لاصوّب المعنى عليها صابها كن القريحه لازهمها قالت اطلب ماتريد=ياكثر من يخطب ودادي لكن أنت اولابها تسوقها تنساق لك وتقول لك هل من مزيد ؟=أنا بوجهك من وجيهٍ ماتحشْم اشنابها خلك معي وأنا معك نلعب على معنى جديد=والجادل الرعبوب لا يِكْشَف ستر جلبابها قلت ازهليها لعنبو رجلٍ عن الواجب يحيد=الكايده نذرٍ علي أني لأسوق اركابها عامين والفكره تصول براس من راسه عنيد=ودّه ولا ودّه يشرّع للوجيه ابوابها يصبر مثل صبر الجمل لاصك حيدٍ راس حيد=متفائلٍ لو شاف بقعا كشّرت بأنيابها الهم طيرٍ والضلوع الناحله مثل الجريد=لاضاق باله ونّته في خافقي غنّابها يطول ليله بالغنا ويطول ليلي بالقصيد=له حاجةٍ يشقابها ولي حاجةٍ اشقابها ياوجد حالي وجد عودٍ لاعيال ولاعضيد=ماله سوا بنتٍ فروع الموت بين اهدابها صكّوا عليه جيوش الأعدا واعتزا عزوة عقيد=شجاع وظروف الزمن ماتجهلون أسبابها قدام عينه سيقت ابله والعزاوي ماتفيد=وبنته مع جيوش العدا قامت تشق ثيابها وجدي وجوده والتوجد يثني الباس الشديد=لو أن شدة هيبته عند الملا يحكابها لولاي احدّ النفس عند درب المتاهه لاتحيد=كان استرحت بظلها ثم ابتلشت بدابها حَفْيَت قدم رجلي وأنا اكيل الروابع واستعيد=الذاكره واطوي سجلاّت العمر واقرابها ياعابد الدنيا تراها مثل كثبان الجليد=أما الشعاع اذابها وألا السحاب اذابها وألا كما لمع السراب اللي عن الضامي بعيد=مابلّ ريقه والثرى قبله مابلّ اترابها نبيد لكن وجه رب الكون وحده مايبيد=جلّ وتعالى خالق نفوس البشر وادرابها يا جعل حظّي عند ربي مع هل الحظ السعيد=اليا انطوت صفحات الأعمال وقريت كتابها [/poem] |
عسى حظك سعيد يا راكان وكل مرقابي
ومرحبا بك وبعقدك الفريد |
يا جعل حظّي عند ربي مع هل الحظ السعيد
اليا انطوت صفحات الأعمال وقريت كتابها اللهم امين يابن بدن / كتبت وابدعت ، صح لسانك ولاهنت تحياتي |
صح لسااااانك مليوووون مبدع
تحيتي |
الله الله
صح لسانك ياراكان مبدع وجزل لاهنت وتقبل تحياتي |
اقتباس:
المسرّي الله يسعد أيامك ولاعليك زود صح بدنك ولاهنت على مرورك الكريم لك فائق التقدير |
اقتباس:
لبيه يا راكان وافي وشاعر وشهادتي فيك مجروحه وانا اول من سمعها منك من الراس تحياتي |
الله الله راكان بن محمد بن بدن قصيدة فاخرة جداً .. و شعر يستحق ان يقرأ مرات و مرات مثل هذه الأبيات تبقى طويلاً بالذاكرة .. نعود لها كلما وجدنا للشعر فتور , و احتجنا لإحياء الشعور .. بحبر أنيق يجعل من قرّاءه نخبة .. ومن متلقّيه ذوّيقة .. أبيات راقية جاءت على بحر يستهويني .. ومعاني رائعة صيغت بمفردة ذكية تقبل التأويل كتبت فيها نفسك .. و واقعك .. و حالك .. و حلمك وشاركناك برضا , لأنا في آخر المطاف متشابهون راكان بن محمد بن بدن صح لسانك |
صور فريده
تسلسل ممتع شموخ سامي توجد مؤلم حكم ودرر هذا بإختصار ماوجدته في " العقد الفريد " بالإضافة إلى أنّ شاعر العقد الفريد ، شاعر يعجبني قصيده وأحرص على جديده ، لك أجمل تحيّه يا بن بدن ، |
اللهم امين اللهم امين
صح لسانك يا راكان ولاهنت وصح لسانك على العقد الفريد اي والله تحيتي واحترامي ياغالي اخوك |
المبدع .. راكان بن بدن
عز الله انك احسنت اختيار عنوان القصيدة المنسجم مع محتواها فعلا من عقود الشعر الفريده لازلت من اجمل من يبدعون الشعر ولا زلت متابع لكل جديدك وفقك الله وزادك من فضله وصح لسانك مدد بلا عدد ، .. |
صح السانك
صح السانك قصيدة رائعة بروعة حضورك لاهنت |
اللهم آمين
قلت ازهليها لعنبو رجلٍ عن الواجب يحيد الكايده نذرٍ علي أني لأسوق اركابها عامين والفكره تصول براس من راسه عنيد ودّه ولا ودّه يشرّع للوجيه ابوابها يصبر مثل صبر الجمل لاصك حيدٍ راس حيد متفائلٍ لو شاف بقعا كشّرت بأنيابها الله الله الله ابدااااااع وحضور جزززززل ورااااائع صح لسانك الف والله لا يضرك لاهنت احترااامي و ج د |
يا جعل حظّي عند ربي مع هل الحظ السعيد
اليا انطوت صفحات الأعمال وقريت كتابها آمين , وتستحق العنوان بكل جداااره هذه الفاتنه صح لسانك مدد تقديري |
تسوقها تنساق لك وتقول لك هل من مزيد ؟
أنا بوجهك من وجيهٍ ماتحشْم اشنابها خلك معي وأنا معك نلعب على معنى جديد والجادل الرعبوب لا يِكْشَف ستر جلبابها قلت ازهليها لعنبو رجلٍ عن الواجب يحيد الكايده نذرٍ علي أني لأسوق اركابها الله عليك يا راكان مبدع .... وصح لسانك ك ك ك |
اقتباس:
خالد السيحاني الله يجزاك خير صح بدنك ولاعليك زود ياخالد |
الله الله الله الله
الله الله الله الله يابو محمد عز الله ابداع ولاهوب غريب عليك اعجابي ومتابعتي ومحبتي مستمره |
اقتباس:
محمد الايداء المورقي هلا بك صح بدنك ولاعليك زود |
الله الله الله الله الله
صح لسانك يا ابو بدن على العقد الفريد .. فعلا اسم على مسمى لله درك من شاعر .. تعرف كيف تحوز على الاعجاب :) أخوك/محمـــد ال عبـــدان |
ابو محمد
*** يا سلام سلم ../ ابداع .. دائما متجدد .. صح لسانك لين ترضى ,. لك تحيتي |
شاعر العقد الفريد
بيض الله وجهك أبداع غير يبومحمد |
يا جعل حظّي عند ربي مع هل الحظ السعيد
اليا انطوت صفحات الأعمال وقريت كتابها آمين راكان متمكن كالعادة .. صح لسانك مدد تحياتي .. |
| جميع الأوقات بتوقيت GMT +3. الساعة الآن 01:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية