ياسيدي عبدالعزيز ابن فهد = ياميرنا الي مالنا عنّك صدود
شوفتك راس المال والمكسب بعد = لاصارت اكبار المكاسب فالنقود
استاذنك في عدة ابياتِ جدد = اتليق في شخصك عسى عمرك يزود
الشعر طير وتو مازان الهدد = في روض طيبك يطلب القمة سنود
سلام ياميرٍ على العليا صعد = ذب الطويل الي مطاليعه تكود
اميرنا حلال عسرات العقد = راية على الاريا بتدبيره يسود
درع وسند للي بلا درع وسند = لاكبرت القالة تحت ضله نذود
يقسى على القاسين واثقل من احد = منه تعلمنا ملازيم الصمود
عدٍ يفيض ابماه لاكلن ورد = هداج لاجفت ضحاضيح العدود
صيتٍ يطوّل شبر ملفوف المهد = وقلادةٍ فالحرب برقبة العنود
خيالة العوجا ليا رز الوعد = ابو وجود ابحربهم ماله وجود
لاحدرو سيلٍ من القبلة حشد = يمسح على محداره اجلال الحيود
ون سندو ريحٍ تصرصر واستعد = ينسف له ابيوتٍ على طنب وعمود
ياسيدي عوين محتد الجهد = لاوقف الصمال وانحاش الشرود
الله يجيرك من مقادير النكد = ياميرنا والشر جعله مايعود
واطلب لك الله ربي الفرد الصمد = يلبسك ثوب العافية يابن سعود
وتعيش في دنياك بين امن ورغد = عيشة هنا تكحل بها عين الحسود
حب الوطن فينا ويبقا للابد = متوارثينه من على عصر الجدود
دون الوطن وقفت ماخنت العهد = ماخان عهده غير خوان العهود
ارمي على الذرعان وارمي بالركد = وارد عدوان الله ابصنع اليهود
اما اعتبرني للبلد شرطي بلد= ولا اعتبرني للقا جندي حدود
ياسيدي ياشوق مزموم النهد = يازبن خيالٍ على الموت امحدود
ان قيل صح الله لسان الي قصد = ولا عسى إلساني بشعره مايجود