بنت الفكر
 

السلام عليكم ورحمة الله وبركاته
مبارك عليكم الشهر وكل عام وانتو بخير




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بنت الفكر زاحت عن الوجه الحجاب = وقامت تهزّع كنها قبا ً قحوم
كن في تهزعها لـ تلعات الرقاب = غرور بنت الشيخ لبنيّ الرخوم
تحت السما ولاهي بفوق التراب = وشعاعها ويا شعاع الشمس توم
تطق بيبان المعاني باب باب = ومع كل باب ٍ ينفتح تقضي لزوم
افكاري خشوف وقوافيي شباب = وهمومي ايتام وهقاويي هموم
شاعر وهجسي ذيب له مخلب وناب = اقدم وشعري من قدوم الى قدوم
مابيني وبين السحاب الا السحاب = ولا بيني وبين النجوم الا النجوم
ومن لا يعرف من اني اعزاز الجناب = مايدري ان الشمس تشرق كل يوم
ومن قام مايحسب لطيحاته حساب = شوري عليه .. انه يطيح ولا يقوم
واذا حضوري ماقطع راس الغياب ؟ = مانيب متهقوي على روس الحزوم
نزلت للقمه وبعثرت الضباب = وجنبت شوفي عن مجمّعة العلوم
بهيّب الدنيا وعيّت لاتهاب = وانا لحالي والليال السود قوم
خلّيتها للي يبي شرب السراب = يقضي حياته من سراب الى حلوم
اباخذ التقوى لآخرتي زهاب = شرع الله ابرك من تقاليد وسلوم
يالله يامرسل نبيّك بالكتاب = يامحيي الاموات يامنشي الغيوم
ياجامع انس وجن في يوم الحساب = يوم ٍ به المظلوم يقتص الظلوم
انت اللي عندك رحمه وعندك عذاب = وانت البصير اللي عيونه دون نوم
اغفر لـ عبد من العباد اذنب وتاب = ولازال يغرق في ذنوبه كل يوم
يارب لو عبدك يحيد من الصواب = من تتركه له وانت ماغيرك رحوم؟
العفو سيل ٍ لاحدر دكّ الهضاب = والذنب نار وكلّ لذاته جروم
والعبد يحتاج العفو لو ويش جاب = لو كان كلّ ايامه عباده وصوم
يارب انا عبد ٍ خلقته من تراب = لاتتركه في غبة ذنوبه يعوم


[/poem]

قصيده فاخره
والمرور عليها بين الحين والآخر .. امر مفروغ منه


فيصل الدوسري
سلامي عليك .. وعلى بدعك الفارق
وحضورك الراقي




اعجابي !

وعليكم السلام ورحمة الله وبركاته
وكل عام وانت بخير


الله الله الله

يابو سعد هذا والله الابداع اللي يستاهل المتابعه

حبك وسبك وحكمه

صح لسانك وزادك الله من فضله

اعجابي المتجدد مع كل قصيده


سلامي عليك

شاعر وهجسي ذيب له مخلب وناب
اقدم وشعري من قدوم الـى قـدوم
مابيني وبين السحاب الا السحـاب
ولا بيني وبين النجـوم الا النجـوم
ومن لا يعرف من اني اعزاز الجناب
مايدري ان الشمس تشرق كل يـوم


يا سلام يا سلام ..

كفو يابو سعد .. مخبور بالعلم الغانم ...


العفو سيـل ٍ لاحـدر دكّ الهضـاب
والذنب نـار وكـلّ لذاتـه جـروم
والعبد يحتاج العفو لو ويش جـاب
لو كان كلّ ايامـه عبـاده وصـوم
يارب انا عبد ٍ خلقتـه مـن تـراب
لاتتركه فـي غبـة ذنوبـه يعـوم


سبحانه سبحانه . . .

طيبه يا فيصل ..

وانت اطيب

صح لسانك ك ك ك

أشهد إنك مبدع ..

وإنك ممن أستعذب قصيدهم وربي :)


لعل من كلامك مايليق بمقامك :

افكاري خشوف وقوافيـي شبـاب
وهمومي ايتـام وهقاويـي همـوم
شاعر وهجسي ذيب له مخلب وناب
اقدم وشعري من قدوم الـى قـدوم
مابيني وبين السحاب الا السحـاب
ولا بيني وبين النجـوم الا النجـوم
ومن لا يعرف من اني اعزاز الجناب
مايدري ان الشمس تشرق كل يـوم

...

ثم أسأل الله أن يتوب علينا وعليك ،
وأن يغفرلنا ماقدّمنا وما أخرنا ، وما أسررنا وما أعلنّا
وماهو أعلمُ بهِ منّا . . :)



قبل الختام صوره رائعه جداً في هذا البيت
لا يرسمها ألاّ البارعوووون :)

:

العفو سيـل ٍ لاحـدر دكّ الهضـاب
والذنب نـار وكـلّ لذاتـه جـروم


إعجاااااااااابي نفداك :)


..

أقوووول :


كن فيه هنا تقديم ماحقه التأخير !
ومن لا يعرف من اني اعزاز الجناب
مايدري ان الشمس تشرق كل يـوم

ولا ماغار يورّالي ؟!

:)

لله درك وكــفى..!!

الله الله الله الله


والله اني احب بدعك ياذا المسلم



صح لسانك مليووون


يامبدع وحبلي خشمك :)

ياسلام



صح لسانك


وكل عام وانت بخير



تقبل مروري ...

ياسلام يافيصل


صح لسانك والله يقبل منك ويغفرلك ويغفرلنا


غيمار

ياسلام الله عليك يا فيصل

والله من اجمل ما قرأت لك بصراحه


ومن قام مايحسب لطيحاته حسـاب
شوري عليه .. انه يطيح ولا يقـوم


هذا الكلام

صح لسانك مدد

وكل عام وانت بخير ،،

..

كفو
كفو
كفو


وصح اللسانك ملالالالالالالايين ولا يسدوون يا فيصل
شاعر وقصيدة ماعليها غبار



اعجابي لك ،
وكل عام وانت بخير ،

فيصل الدوسري

الكلام مايوفي حق الثناء على هذه الدرّه

صح لسانك واعتلا شانك ولاهنت يااااااامبدع

حجز ولو انه متأخر يا مبدع