سرى البرق ياسلطان قبله وانا بالشرق لحرباش البدراني
 

سلام عليكم هذه القصيده الشاعر الكبير حرباش حمود البدراني وموجها لي

وانتضرو ردي ان الله كتب

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سرى البرق ياسلطان قبله وانا بالشرق=اخيله وانا عيني تهامل تبا القبله
ماغير اتنافض وارتعش يوم لاح البرق=على الديره اللي نبتها معظمه ربله
ترى ودها وسط الظماير حرقني حرق=مثل مااحترق عودن غزوه او خذو ابله
على خيرة انياقه يهل الدموع الزرق=هماليل مزنن لااحتدم وانهمر وابله
ذعاذيع نجد اتشدبي لن فيها فرق=عن ارض اليمن والشام والقلب يطربله
عسى الغيث يسقيها من العرق لقصى العرق=يالين اوديتها سيلها يركب العبله
يزين التمشي يالطريسي بهاك البرق=صباح اوعصر والفكر يسرح ويجلبله
ادوج على كيفي واداعب حمام الورق=ليا لعلعت بالصوت فكري يجاوبله
صخرت البيوت النادره ماسرقته سرق=اروض بنات الفكر والله يهبله
وانا لانويت ابخاطري شي ماأدرق درق=سرحت المعاني حيل ثم هظلت حبله
بغيت اتخير ثم كثرت علي الطرق=صحيح الرجل مايااخذ الا مايكتبله
عسى من يلوم العود بالرمح يزرق زرق=على مفرق الحجان والا على الطبله
[/poem]

وعسى من يلومك في هالقصيده

يزرق بنفس الرمح

صح لسانه مدد

وصح لسانك مقدمآ

صح لسانه مدد

وصح لسانك مقدمآ

صح لسان حرباش وبانتظار ردك

ياسلام

بانتظار الرد يا سلطان

صح لسان الشاعر حرباش حمود البدراني

ولاهنت على النقل ياغالي