مثلث الأمن !
تحجب الغدر ، لكن رحمة الله حجاب حالت ما بين النفوس وشر غاياتها ! لبس لباس الوفا وأقبل يسوق الركاب تسوقه الفـتـنة السوداء وسـاداتها في ظاهره ضيف ، كانت له سوايا وتاب والضيف عند العرب يلقى شهاماتها وما بين سود البشوت وبين بيض الثياب الناس محد بعارف ويش نياتها حين استوت له ، دعته الغادرة واستجاب وتفجرت به ولا غيره ضحياتها وتناثر قبال وكر الحر ، ريش الغراب والرمية الغادرة ما جت بهقواتها ونجَّا الله الحر من حر الكبود المذاب في البندق اللي تعجرت داخل خباتها شفه على وكره عيونه سواة الحراب طالع من الشر والفتنة وميلاتها يروي تفاصيل حادثته لسمح الجناب في صورةٍ ما بعد شفنا مثيلاتها أبوة ٍ حانية ما بين حب وعتاب وشجاعةٍ يروي الموقف دلالاتها هذا ملكنا / فلكنا لو تضيق الرحاب حامي حما الدولة وباني حضاراتها وهذا محمد ، ولمحمد تذل الصعاب جبل ، لو الريح توعز صلف هباتها سيف من سيوف أبو متعب يقص الرقاب أمضى من الحيلة ومن لحظ زرقاتها ثالث ثلاثة رجال خيلهم ما تهاب تارد يقين المنايا واحتمالاتها الأول أبوه نايف والمفاخر تجاب لا جيب طاريه وأمجاده وقالاتها سور البلاد وحجاها من رسوم الخراب وقفاته المستحيل اسمه " مجاراتها " كم قبلةٍ مخطية وأعادها للصواب وكم قصةٍ وثقت باسمه بطولاتها وكم غايةٍ غادرة صارت بفضله سراب وكم ليلةٍ لأجل حفظ الأمن ما باتها والثاني أحمد ، وفي أحمد طيب القول طاب ومقالة الطيب في طيبه مقاماتها عضيد نايف بحله ، وإن دعى الأمر ناب يمناه تغرق عطاياها وسطواتها مثلت الأمن ، وأضلاعه سيوفٍ حداب ! عاشت بلاد السلام وعاشوا حماتها والفتنة اللي بدت رهبة وصارت رهاب الله وقانا حبايلها وعثراتها كبرت وهانت وما دون الحقيقة ضباب دونك مصاير عقاربها وحياتها الله ما شفناه لكنا قرينا الكتاب ومحجة الحق مثل النور ظلماتها والزمرة الخارجة مابين ضرسٍ وناب الله فضح همها وأبطل مهماتها إيماننا من هواها ما دخله ارتياب وأيماننا أشد وأعبى من عبواتها والحية اللي دخل في سمها سم داب بانت على رملة الفانين جرَّاتها دايم تبنى الفشل ، وتبجل الانسحاب وتنافي الواقع بواقع شعاراتها على اسمها ما تقوم وما وراها زهاب وغاراتها ما تهد إلا مغاراتها وكل القضية تلخص في سؤال وجواب يامؤمنٍ بالقيامة وش علاماتها ؟ الله غفورٍ رحيم ، الله شديد العقاب ومعارك الحق تُعرف وين ساحاتها والغدر من عادة الخاين وشر الدواب ماهوب للمسلمين ولا من صفاتها والحمد للي عليه الأجر والاحتساب نجا محمد من الغيلة ودرقاتها ونجا محبيه من نار الأسى والمصاب شوف الفرح والعيون وشوف دمعاتها ! من كل حدبٍ وصوب وكل مجرى سحاب قلوبنا جات تهدي له سلاماتها الحجز ملغي على جدة ذهابٍ وإياب بعذر جدة ليا زادوا مطاراتها اللي بصدري شباب ، ولكن القاف شاب ومشاعري ما عبرت إلا أبجدياتها سلمت يا محمد ، وظن المعادين خاب ! وأقبل حروف الوفا وأصدق تحياتها وسلامتكم |
حجز ملكي
ولي عودة |
نايف معلا
صح لسانك يا مبدع والله يعز مثلث الامن وينصرهم على أعدائنا وأعدائهم تقديري لك ،، |
لبس لباس الوفا وأقبل يسوق الركاب
تسوقه الفـتـنة السوداء وسـاداتها في ظاهره ضيف ، كانت له سوايا وتاب والضيف عند العرب يلقى شهاماتها وما بين سود البشوت وبين بيض الثياب الناس محد بعارف ويش نياتها ياسلام عليك يانايف ابداع وحرفنة شاعر وصح لسانك واعتلا شانك ولاهنت يامبدع وكل عام وانت بخير |
صح لساااانك مبدع الله لا يعوقك
تحيتي |
نايف معلا
شموخ وقدره على نثر الابداع بكل نصوصك... حرفنه لايجيدها الا الكبار وانت منهم تسلسل رائع...جزاله متناهيه... قدره على جذب المتلقي بكل بساطه نص لا يحتاج الى تعليق... كل بيت عن قصيده... والله مبدع يابو معلا اعجابي لم يكن وليد اللحظه...منذو مده وانا استمتع بما تجود به قريحتك ما اقول الا ماشاالله تبارك الله.. اسمح لي ان اكون من جمهورك والمتابعين لكل نص تكتبه تقبل تحياتي وتقديري |
وتناثر قبال وكر الحر ، ريش الغراب
والرمية الغادرة ما جت بهقواتها اي بالله يانايف اجدت الوصف .. بيّض الله وجهـــك يابو معلا شاعر كبير وقصيده اكبر من التعبير حفظ الله وطننا وولاة امورنا من كل سوء وعبث عابث كل عام وانت بخير يابو معلا ****************** |
الله يعزهم وينصرهم
ونحمد الله على سلامة سموه وصح لسانك غيمار |
الله يعز الدين وولاة الامر
ومبدع يانايف وشهادتي فيك مجروحه وانا اخوك تقديري لك . |
وتناثر قبال وكر الحر ، ريش الغراب
والرمية الغادرة ما جت بهقواتها الله الله يابو معلا صح لسانك وبيض الله وجهك والله يحفظ حكامنا ويكفيهم شر الحاقدين ابو معلا وفيت وكفيت |
الله الله الله يجيرك من الشر يا ذا المسلم ، ابيات ما عليها كلام ومن اجمل ما قريت في سلامة الامير صح الله لسانك ولا هنت ووفقك الله |
[align=right]
الله عليك وصح لسانك ولا هنت أبدعت والحمدلله على سلامة الامير [/align] |
صح لسانك يابومعلا
مشاعر الصدق قصيده من القلب للوطن انت دائما وافي ولاتجيب الا الجزل الوافي من اول بيت لاخر بيت جزل وجميل تقديري لك |
الله يحفظ البلد وحكامه من كل مكروه ,
صح لسانك يا نايف , كل سعودي غيور على هالبلد لايقول الا ما قلت يانايف بيض الله وجهك على غيرتك على وطنك. |
شاعرنا الكبير / نايف بن معلا
برب السموات انك فخر للشعر ولمن يعرق بك والغدر من عادة الخاين وشر الدواب ماهوب للمسلمين ولا من صفاتها وهذه من صفات القصيدة المحكمه في هذا المقام صح لسانك ملايين وحفظ الله المسلمين من كل شر ، .. |
وتناثر قبال وكر الحر ، ريش الغراب
والرمية الغادرة ما جت بهقواتها اي بالله يانايف اجدت الوصف .. بيّض الله وجهـــك يابو معلا شاعر كبير وقصيده اكبر من التعبير حفظ الله وطننا وولاة امورنا من كل سوء وعبث عابث كل عام وانت بخير يابو معلا |
سلمت يا محمد ، وظن المعادين خاب !
وأقبل حروف الوفا وأصدق تحياتها الحمد لله على سلامته وصح لسانك مدد .. ولا هنت يا نايف تحياتي .. |
سعود لي الشرف بهذا الحجز
محبتي وتقديري |
قلت وطلت يانايف
<- آخذها من الذيابي :) أشهد ان به شاعر عملاق وقصيده عملاقه وموضوع كبير .. سجّل إعجابي والله يهنـيـك بما عطاك :) سلام’ عليكم |
العزيز نايف معلا
لله درك وصح لسانك .. على هالرائعه انت وافي وجزل ولاهو غريب يالوافي تقبل تحياتي |
كبرت وهانت وما دون الحقيقة ضباب
دونك مصاير عقاربها وحياتها الله ما شفناه لكنا قرينا الكتاب ومحجة الحق مثل النور ظلماتها والزمرة الخارجة مابين ضرسٍ وناب الله فضح همها وأبطل مهماتها إيماننا من هواها ما دخله ارتياب وأيماننا أشد وأعبى من عبواتها والحية اللي دخل في سمها سم داب بانت على رملة الفانين جرَّاتها دايم تبنى الفشل ، وتبجل الانسحاب وتنافي الواقع بواقع شعاراتها على اسمها ما تقوم وما وراها زهاب وغاراتها ما تهد إلا مغاراتها وكل القضية تلخص في سؤال وجواب يامؤمنٍ بالقيامة وش علاماتها ؟ الله غفورٍ رحيم ، الله شديد العقاب ومعارك الحق تُعرف وين ساحاتها والغدر من عادة الخاين وشر الدواب ماهوب للمسلمين ولا من صفاتها والحمد للي عليه الأجر والاحتساب نجا محمد من الغيلة ودرقاتها ونجا محبيه من نار الأسى والمصاب شوف الفرح والعيون وشوف دمعاتها ! من كل حدبٍ وصوب وكل مجرى سحاب قلوبنا جات تهدي له سلاماتها الحجز ملغي على جدة ذهابٍ وإياب بعذر جدة ليا زادوا مطاراتها اللي بصدري شباب ، ولكن القاف شاب ومشاعري ما عبرت إلا أبجدياتها سلمت يا محمد ، وظن المعادين خاب ! وأقبل حروف الوفا وأصدق تحياتها نايف ... لاهنت والله يأبن معلا قصيدة في مستوى الحدث .. وكبرت وهانت .. والله يحمي حكامنا الابطال .. وصح لسانك مليارررررررررررررر |
صح لسانك اخوي نايف
حضور وافي لاهنت احترااامي و ج د |
| جميع الأوقات بتوقيت GMT +3. الساعة الآن 02:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية