سلامة سلطان( مشاركتي في مسابقة المرقاب)
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البيرق اللي كلمة التوحيد فوقه والرسول= الكلمتين اللي نقدس لفظها وحروفها بيرق عيال اللي سرى ليله على كور الذلول= كن الحصى يشتب نار ليا وطته خفوفها الموت ماردها وهي ماهي عن المارد جفول= اعطت نحرها للمنايا وذخرت سرجوفها صولة وجولة كونت دولة عساها ما تزول=ولا تغيرها صواديف العبر وصروفها دار ٍ غلاها عندنا ما يقبل انصاف الحلول= مغروس باقفاص الصدور وحافظينه جوفها فيها الزعيم اللي كلامه فعل وافعاله تقول= ان المناصب من وصوفه تستمد وصوفها السيف قاطع والمليك القاطع البر الوصول= راعي يمين ٍ تاصل ولا ينقطع معروفها واخوانه اعوانه كعام الروس ماضين الفعول= موطية هامات روس الشر تحت كتوفها واخص ابو خالد وابو خالد عسى عمره يطول= غانم وسالم من مقادير الدهر وصدوفها راع اليدين اللي على المدات ما تقصر تطول= كن السحايب بين اصابعها وبطن كفوفها تعقل مطاليق بنداها الغمر وتفك معقول= من تحت قوم ٍ جردت يوم القصاص سيوفها يا مرحبا حييت يا من فيك حيرت العقول= وابكيت في غيبتك سكان البلد وضيوفها قلوبنا بصدورنا تركض مثل ركض الخيول= خطوة رجاها فيك تبعد منك خطوة خوفها والبحر والبيد الوسيعه والنوايف والسهول= والكعبة اللي كل مسلم فوق الارض يطوفها ماهي على خبرك( تراها في مطارات الوصول)= تبغاك مع مستقبلينك با العيون تشوفها! [/poem] |
اخي حمد
قصيده عصما وفي من يستحق صح لسانك واتمنالك التوفيق تحياتي واعجابي |
اقتباس:
د.حمد العصيمي الله يرحم والدينك هالرائعه صح لسانك .. ولله درك لي فتره متابع لفرايدك الجزيله .. ومع كل فريده يتجدد اعجابي تقبل تحياتي ..وسجل متابعتي واعجابي |
الموت ماردها وهي ماهي عن المـارد جفـول
اعطت نحرهـا للمنايـا وذخـرت سرجوفهـا صولة وجولة كونت دولة عساهـا مـا تـزول ولا تغيرهـا صواديـف العبـر وصروفـهـا الله الله الله الله الله اكبر والله مبدع يا دكتور حمد ويستاهل الممدوح الله يرده سالم وغانم تحياتي |
د. حمد العصيمي
وجه الشعر الحقيقي ان صح التعبير والدليل ماقرأته هنا ... حبك وسبكْ بالاضافة الى قوة المعنى .. كما هي عادة د / حمد العصيمي منذ القدمْ . سعدتُ جدا بمصافحتكْ هنا . دمتْ بدراَ مضيء في سماء الشعرْ تحيتي لك . |
د.حمد العصيمي
الله يرحم والدينك هالرائعه صح لسانك .. ولله درك |
ابو تركي
بيض الله وجهك على هذا الحبك والسبك الفريد من نوعه والذي لايجديه الا حمد العصيمي وشرواه.. صح لسان واعتلا شانك وفالك المية الف...... والله يرد ابو خالد سالم معااااااااافا باذن الله... |
الله الله الله
صح لساااانك يا دكتور هنا اثبات جازم بملكيتة الشعر لك ,, من افضل ما قرأت بكل صراحه ,, لله درك تحيتي لك ,, |
تفرد شعري ...........وقصيدة متميزة
زادتها المحسنات البديعية - من طباق ومقابلة وجناس وموسيقى داخلية - أبهار .. صح لسانك ! |
يا سلاااااااااااام
مبدع ومدهش صح لسااااااااااااااانك مددددددددددد مودتي لك يا دكتور الأبداع . |
الغالي سعود بن غنام
مرورك فخر يا الامير لا خلا ولا عدم |
الله الله
صح لسانك وفــالك التوفــيق |
الله الله الله
حمد العصيمي هذا قمة الابداع وقمة الجزاله وقمة الحرفنه كلها ياشيخ انت غير وقصيدك غير لله درك من شاعر والله يوفقك يابوتركي تستاهل العلم الغانم شاعر بحر وبس صح لسااااااااااااااااااااااااااااااااااااااااااانك |
الله الله يادكتور
والله انها ذهب مصفى صح لسانك والله يوفقك غيمار |
كامل الاعجاب ياحمد لك هنا
قصيده رائعه كسابقاتها شاعر مبدع مبدع مبدع وصح لسانك مدد بلا عدد تقديري لك . |
ابو تركي
والبحر والبيد الوسيعـه والنوايـف والسهـول والكعبة اللي كل مسلم فـوق الارض يطوفهـا ماهي على خبرك( تراها في مطارات الوصول) تبغاك مـع مستقبلينـك بـا العيـون تشوفهـا! صح والله لسانك ملاييييين قصيده فاخره من شاعر فاخر وانا بالنسبه لي شخصيّاً والله ما قريت ولا سمعت أطيب منها فالمسابقه بالتوفيق يا شاعرنا تقديري لك،، |
واخص ابو خالد وابو خالد عسى عمره يطـول
غانم وسالـم مـن مقاديـر الدهـر وصدوفهـا راع اليدين اللي على المدات ما تقصر تطـول كن السحايب بيـن اصابعهـا وبطـن كفوفهـا الله يرجعه سالم ومتعافي ، مشاعر جميله وشعر راقي ، صح لسانك ولاهنت يا حمد |
رائعه من روائع ، الشعر في هذه المناسبه
أنا شخصياً ، أسعدتني آراء لجنة التحكيم ، لإنّها أثبتت أنّهم يملكون أعلى مستويات الذائقه . فالك الفوز ، وبالتوفيق - وصحّ لسانك |
اقتباس:
الأخ الشاعر د حمد بن وصل العصيمي سمعناها على قناة المرقاب وقرأناها في منتدياته نالت إعجاب المستمع وستنال إعجاب الجميع لاغرابه يادكتور حمد مبدع دائما صح لسانك وسلم بنانك كل عام وأنت بخير |
الله الله الله الله
يابو تركي جزل ومبدع وتطربنا لله درّك يالامير |
الله الله الله الله
صح لسانك ولاهنت يا دكتور وابداعك غير مستغرب لانك كونت مدرسه لك وحدك تحياتي واعجابي |
قصيده فارقه يا دكتور حمد
الله يرده سالم ومتعافي وفالك الفوز ان شاء الله صح الله لسانك مدد وسلمت |
| جميع الأوقات بتوقيت GMT +3. الساعة الآن 06:13 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية