(((( هذا الوطن ... ))))
 

السلام عليكم

مهما كُتب عن الوطن .. فلن نوفيه حقه .. ولن نصل إلى الحد الأدنى ممّا يجول داخلنا نحو هذه الأرض الطاهرة .. أدام الله عليها الأمن والأمان .. واصلح الله قادتها وشعبها.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذا ( الوطن ) ماهو بكلمة ،، وتنقال = تطلع مع اللي لا بغاها نطقها
ولا نسيجٍ يلبسه كل محتال = ولا طروقٍ من بغاها طرقها
كلمة ( وطن ).. تعني سماء ، وارض ، وجبال = وتاريخ ،، ورجالٍ يذّري شنقها
إنجاز جيل وباركت جهده أجيال = عاشت نعيمه والله اللي رزقها
ما جاء بضحكة سنّ ،، وشويّة آمال = وثوره .. وعمدانٍ تلوّح خرقها
لا والله إلا جابه مصامخ رجال = لاجله ... تخالط دمّها مع عرقها
ياقلّهم ..لكنّهم كانوا أبطال= والناس بالإيمان ربي فرقها
وأهدوا لنا ( دولة ) من الجال للجال = و أرواح ،، ما تعبد سوى اللي خلقها
مع قايدٍ تضرب به الناس الامثال = وتصمّ عاطر سيرته وتعشقها
عبدالعزيز اللي على الطايله طال = شرّف على كل العلوم ورمقها
ودانت له أرضٍ صلبه وحالها حال= عوباً تطارد في الفيافي فرقها
وجمّع نزايعها على عزّ وإجلال = وساوى على النهج المطهّر نسقها
ثم راح .. والدنيا نهايات وآجال= والناس عبرات الفراق تخنقها
ياجعل له في جنّة الخلد منزال = عنّا وعن هاك السنين وقلقها
ولا مات من خلّف على دربه عيال= والشك عنها زايلٍ ما لحقها
منّا العهد باقي ،، موثق ولازال = مادامت سدول الظلام وفلقها
معهم بشرع اللـــه في كل الأحوال= شجرة وفاء تثمر .. ويضفي ورقها
[/poem]

وسلامتكم

صالح بن هريس

الحقيقه الشعرفالوطن شي جميل جدا

لكن عني شخصيا مليت هذا اللون لانه اصبح موضه الشاعراوالناضم يصفصف في هالبيوت

وزن وقافيه بدون حس شعري اصبح مثل غزل المستشعرين بكلام ممقوت

وترى الكلام هذا اخي صالح مايعني ان قصيدتك سيئه وهذا راي شخصي يحتمل الخطا والصواب


صح لسانك

تحياتي لك

صالح بن هريس


صح لسااانك .. وليس غريب على ابنا هذا الوطن الولاء والمحبه


ودي وتقديري

صالح بن هريس


شاعر يكتب بالجزاله المفرطه



تأسرني جميع كتاباتك لأنني اجد بها ظالتي بالشعر


جزل وموهوب الى ابعد درجه



ولاكنني اعتب على ابتعادك عن المنتدى بين الحين والأخر


وصح الله لسانك ملايين على هذه القصيدة الجزله المختلفه عن مايتطرق له الشعراء كثيراً :)



لك طريقتك الجميله في الكتابه

واصل الأبداع ياصالح لكي نواصل الأستمتاع :)


تحياتي لك

صح لسااانك روح شاعر تعلقة في وطنه ,, لله درك على ما كتبك

تحيتي

ابن هريس لله دررررك مليون يا صالح

سعود بن غانم

ورد في نقدك الهادف أعلاه عدة عبارات تدل على رقيّ لغة النقد لديك ومنها :ـ

مليت / موضه / يصفصف / بدون حس شعري/ المستشعرين / بكلام ممقوت

وأنا أقول بإختصار يا سعود :

أنّى لشاعر بحجمك وبحجم شاعريتك الفذّة وذائقتك الفريدة أن يجد في متصفح شاعر مبتدئ مثل ( صالح بن هريس ) ما يفيد أو يضيف له أي جديد أو حتى يرقى إلى الحد الأدنى من مستواه الشعري :).

أشكرك على مرورك ونقدك ... الله يستر عليك ،،،وصح الله بدنك ياغالي

صالح بن هريس


صح لسااانك .. وليس غريب على ابنا هذا الوطن الولاء والمحبه


ودي وتقديري

فارس بن مرداس

صح الله بدنك يالغالي ...ولاهنت على كريم مرورك واطلاعك

تحياتي وشكري

صالح بن هريس

بيض الله وجهك

واجدت وابدعت

قصيده تعانق النجوم

صح لساااااااااااااااااااااااااااانك

صالح

الله يبيض وجهك

وصح لسانك مدد

لا هنت

أخي / عادل بن محمد العتيبي

أشكرك جزيل الشكر على متابعتك اللي دائماً تشرفني بها ... وإعجابك بكتاباتي مصدر فخر وأعتزاز

المكسب الحقيقي من الشعر .. هو معرفتك ومتابعتك مثلك وشرواك

وبالنسبة للإنقطاع ... على حسب الفرصة وعلى حسب الإنتاج

على العموم ..

ماعليك زود فيما قلت الله يحييك .. وصح الله بدنك أكثر وأكثر .... وأرجوا أني اكون على قد إطرائك وهقوتك فيني ياغالي

لاهنت على كل حال

بدر بن ناصر العجمي

صح الله بدنك ياغالي

لاهنت على كريم مرورك وإطلاعك

تحياتي لك

محمد الايداء المورقي

صح الله بدنك .. وأشكرك على متابعتك اللي تشرفني بها دائماً

لاهنت على كل حال يالغالي


تحياتي

محمد بلال

شرف كبير لي متابعتك ومرورك واطلاعك على كتاباتي المتواضعة

وصح الله بدنك كثر ما قلت وأكثر ياغالي

لاهنت على كل حال

تحياتي

هـذا ( الوطـن ) ماهـو بكلمـة ،، وتنقـال
تطلـع مــع الـلـي لا بغـاهـا نطقـهـا
ولا نسـيـجٍ يلبـسـه كـــل مـحـتـال
ولا طــروقٍ مــن بـغـاهـا طـرقـهـا
كلمة ( وطن ).. تعني سماء ، وارض ، وجبال
وتـاريـخ ،، ورجــالٍ يــذّري شنقـهـا
إنجـاز جيـل وبـاركـت جـهـده أجـيـال
عـاشـت نعيـمـه والله الـلـي رزقـهــا
ما جـاء بضحكـة سـنّ ،، وشويّـة آمـال
وثــوره .. وعـمـدانٍ تـلـوّح خرقـهـا
لا والله إلا جـابـه مـصـامـخ رجـــال
لاجلـه ... تخالـط دمّهـا مــع عرقـهـا


الله اكبر


صالح


بيض الله وجهك

قصيده تستحق ان تكون في المقدمه

د. حمد العصيمي

اشكرك على تشريفك لي بمرورك الجميل والذي يعني لي الكثير

تحياتي وتقديري

صح الله لسانك × صح الله لسانك يا صالح

احسنت ..