بشروني والخبر عن سيدي مثل البشاره ،، غطرفت له بالسعاده والفرح شبه الجزيره
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
بشروني والخبر عن سيدي مثل البشاره=
غطرفت له بالسعاده والفرح شبه الجزيره
دار ابومتعب زعيم المجد نبراس الحضاره =
المليك اللي رفع روس العرب في كل ديره
أنحنت له هامت الرئيس اوباما من وقاره =
هيبته تفرض على كل الامم هيبة سفيره
قايد من حنكته قدم بلاده في الصداره =
حكمته يشهد لها العالم وكلٍ يستشيره
التواضع مع جلال القدر والرحمه شعاره =
والذخيره في حزامه عضده الايمن شويره
دولة التوحيد والشعب السعودي في إنتظاره =
كل قلبٍ نابض بالحب والفرحه كبيره
في سلامة سيدي سلطان زيزوم الأماره =
عيد وأكبر عيد ياوجه السعد نرقب بشيره
عودتك للمملكه ياكوكب العز ومداره =
الرجاء لنفوس وعيونٍ على شوفك بصيره
الوطن يغليك ويراعيك ليله مع نهاره =
ياولي العهد الأمين وقايد الجيش ووزيره
أنت سلطان القلوب ولا توفّيك العباره =
يعجز لسان الفصيح وتعجز العين الخبيره
ماتعبّر عن صفاتك بالوضوح وبالجداره =
لو يعبّر كل منصف عنك مايرضي ضميره
أنت سلطان السيااسه والفراسه والإداره =
وأنت سلطان الوفاء والحلم والطيب وأميره
فالرخاء ريف وظلال وفالقسى عزم وجساره =
للملك زند وذراع وللبلد سور وذخيره
أنت غيث بارقه كشّاف والجود انهماره =
الكرم سمّوه بك والخير لك سمعه وسيره
أنت من تعطي يمينه دون ماتدري يساره =
وأنت من مدة يساره تغني أحوالٍ فقيره
أنت ملجا للضعيف ولليتم إن ضاع كاره =
وأنت حلال العقود اللي على غيرك عسيره
ياذرا من ضاقت الدنيا عليه ومل داره =
كم كسيفٍ في حياته صرت له عون وستيره
وكم كفوفٍ ترتفع لك بالدعاء تاره وتاره =
فالقيام وفالسجود وفي علنها والسريره
جارك الله يابو خالد من عنا الوقت وغياره =
والبسك ثوب الشفاء والعافيه طول المسيره

والله إنه يحفظك ياللي مكانك في قراره =
كل نفس وكل قلب وكل عين لك أسيره
[/poem]

عبدالله بن شايع :


صح الله السانك على ذا القصيده الجزله


ولاهنت على كل حال ,,,



,,,

اللهم صلي على محمد وعلى اله وصحبه

الزهيري


لله درررررررررررررررك

صح لسانك

صح الله لسان وعلا شانك

دار ابومتعب زعيم المجد نبراس الحضـاره
المليك اللي رفع روس العرب في كـل ديـره
أنحنت له هامت الرئيس اوباما من وقـاره
هيبته تفرض على كل الامـم هيبـة سفيـره
قايد من حنكته قـدم بـلاده فـي الصـداره
حكمته يشهـد لهـا العالـم وكـلٍ يستشيـره


سلمت ياعبدالله

من اجمل القصايد اللي قريتهافي هذا السياق

صح لسانك

تحياتي

بن وسام



صح بدنك



شاكر مرورك الكريم



الله يحفظك

عبدالله بن شايع

صح لسانك ولاهنت

جزل وقصيده جزله

تقديري لك ،،

مشاري الكرشمي



صح بدنك ولاهنت



الله يرعاك

صح الله لسانك ياعبدالله



دائماً مبدع طال عمرك


لاهنت


تقبل تحياتي

صح لسانك ياعبدالله وعلى شانك

عبدالله بن شايع :


صح الله السانك على ذا القصيده الجزله


ولاهنت على كل حال ,,,