جديد ابن عون .. قصيدة موقف !!
 

بسم الله الرحمن الرحيم ..

هذه الأبيات جادت بها قريحة الشاعر الكبير عبدالله بن نايف بن عون
عندما قام الموظف في الخطوط السعودية ( برجس بن سعود بن صويلح الدلبحي )
بعمل مايلزم بعد ان تأخر الشاعر ابن عون عن الطائرة المغادر على متنها من مطار جده الى الرياض واقلعت بدونه

وقام برجس بن سعود بألحاقه الى الرحله الآخرى وإيجاد مقعد له رغم الزحام الكثيف
ثمّ سافر بحفظ الله ورعايته ..

يقول عبدالله ابن عون


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا حزام انا عقب ما فاتتْني الرحله=جاني سميّن لبو نايف* ومشاني
سموه برجس وقام الطيب يرجحله=ما دلّبح الدلبحي عنّي وخلاني
ادلا على شنطتي قدام لـ / شرحله=وفالمركب الزين ركدها وناداني
برجس عسى باب سور الخير يفتحله=والشرّ بابه يسكر عن كحيلاني
اللي يبى ام العيون السود تطمحله=يفعل مثل فعل برجس طير حوراني
شيروا على اللي تحط الروج والكحله=تختار برجس وتطمح له على شاني
واللي يبي يمدح الممدوح يسمحله=هو يستحقه وانا مانيب خسراني
واللي يبي حامض العلم ايتوضّحله=في مدح برجس يدورني ويلقاني
والاّ الردي يوم يمدح ويش يمدحله=ما يثمر المدح في طير ابن برماني
اللي تنكّس بعد راعيه لوّحله=مشتالن الحيّه الرقطاء ام نيباني
[/poem]



* ( ابو نايف هو الشيخ الشاعر برجس بن عصاي الدلبحي )

وعندما سمعها الشاعر مطر بن صالح الدلبحي
جاراها بهذه الأبيات :



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا صقر ابن عون لو ما تعْرفه رح له=سلم عليه وعطه علمي وقيفاني
ثنّ الثنا له على ما قال واصدح له=قلّه هذا سلم جدانك وجداني
عدودنا جمّها يروي ماهي ضحّله=وفعولنا ما تبي شاهد وبرهاني
والدلبحي حزّة الواجب ما نسمح له=يعيش برجس وله شكري وعرفاني
يستاهل المدح ابن عمّي وانا افرحله=زهاه مدح ابن عون وهاضت اشجاني
يا طيب جزل القصيد ان جاك من فحله=بيطاره اللي يغني عذب الالحاني
اللي يعد الصحيح ولا يصححله=الاّ بصحّ الله لسانه من لساني
طرايفه مثل طعم الشهد من نحله=وباقي فعوله ترجّح كل ميزاني
والطيّب اللي سنام المجد يطمحله=ابفتخر به واعده خيرة اخواني
ابوه سماه برجس كيف ندمحله=لا صار ماهو مثل برجس بليهاني
[/poem]



وعندما سمعها الشيخ الشاعر برجس بن عصاي

جادت قريحته بهذه الابيات :


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مطر يعرف المواقف قبل تشرحله=واللي يرد الثنا ماهوب غلطاني
والناجح اللي صبيّ الجود صرّحله=شاعر عتيبه ما غيره شاعرٍ ثاني
هو راعي الكلمه الجزله وتصلحله=عبدالله اللي لكل الطيب عنواني
حاون جميع المعارف ما يلمحله=واعلى من المدح في تكوين الانساني
مفروضن اللي جنح للطيب نجنحله=والاّ الصويتي يفوز بكل ميداني
يآرد عدود الرهى لو طرقها وحله=وافي خصايل وله فالمجتمع شاني
لعلّ بنت ارجحيّن ما تمرجحله=تروح مرواح معصيرن بدخاني
لا عاد ابوها فحل واوصافها رحله=مفروض ما ترتخي لفلان وفلاني
سوات من يخط الضريبه يوم تسنحله=قد قالوا اهل المثل للعلم نيشاني
[/poem]





آسف على الأطاله وتقبلوا تحياتي

يا سلام

عادل وافي وعاداتك ما تجيب الا الجزل
صح السنتهم وافين الله لا يخلي منهم

ولا يحرمنا وجودك

عادل

حجز عني

وعن مطر المرشدي حجز :)

تقديري لك ،،

ابن عوووووون جزل جدا والشهاده فيه مجروحه ويبقى علم من أعلآم الشعر ...!


لآهنت ع الطرح المميز

الله على الشعر الجزل صاحب المواقف :)

شعراء كبار لله درهم

صح بدنك


شكرا على مرورك لاعدمناك


تقبل تحياتي

شيوخ وشعار ومحسوبين وعليهم الكلام كلهم وش عاد باقي
لا بالله ابيض وجه ياعادل

تحياتي لك

صحت السنتهم جميع

شعر بديع وفي محله

مشكور يا عادل على النقل البارع

اخوك

الله الله

قصائد رائعه جدا وشعراء رائعين جدا

الله يبيض وجه برجس بن سعود على موقفه الغير مستغرب

وصح لسان الشاعر ابن عون
ومطر وابو نايف

واشكرك جزيل الشكر على النقل الجميل يابو محمد وافي وذي عادتك

صح لسان الشعار

وبيض الله وجه برجس ولاهي غريبه على الطيبين


لاهنت على النقل الطيب


صح فكرك ودامت اناملك


تقبل تحيات اخوووك ,,,,

صحت السنتهم جميع

شعر بديع وفي محله

مشكور يا عادل على النقل البارع

هلا اخوي عادل
الف شكر على هالنقل الرائع

صح لسان عبدالله ابن عـون

ولسان مطر الدلبحي

ولسان برجس الدلبحي

قصائد شعراء كبار

ويستاهل برجس الدلبحي عز الله يستاهل المدح

وفعل غير من مستغرب