قصيده تراهن على المركز الاول ..
 

بسم الله الرحمن الرحيم

هذه القصيده من القصائد المشاركه في مسابقة المرقاب الكبرى ( سلامة سلطان )

جازت لي و حبيت أن تكون هنا :)



[poem=font="Times New Roman,5,darkred,bold,normal" bkcolor="transparent" bkimage="" border="groove,2,darkred" type=1 line=1 align=center use=sp num="0,black""]
وطنـا يـا وطنـا كلنـا دونـك حجـا ودروع=نقف دونك ومن دونك يديـن الغـدر نقطعهـا
نقف دونك جموع وبالرصاص نصدّ عنك جموع=ليا قضّت جدايلهـا الهنـوف وبـان مفرعهـا
تحت توجيه ابو متعب نصوع القوم دونك صوع=على حدّك تجوز اهل المطامـع مـن مطامعهـا
وطنا وانت ابونا اللي علـى هاماتنـا مرفـوع=وطنّا وانـت الامّ اللـي نبـرّ ابهـا وننفعهـا
الا يا حرفي المقري والا يا صوتي المسمـوع=ابكحل بك عيون الناس وامـلا بـك مسامعهـا
الي عامين وافكاري مقيّدهـا الظمـا والجـوع=ولا ادري كيف ابرويها ولا ادري كيف ابشبعها
لكن الليلـه الليلـه تحطّـم حاجـز الممنـوع=وابرقا بالقصيده ليـن ترضـي ذوق سامعهـا
نقيت من الشرايد ما يليق بمستوى الموضـوع=انـا مانـي مضرّيهـا علـى تدريـج ضلّعهـا
سلامة سيدي مشـروع مابعـده ولا مشـروع=مناسبة ٍ يزين ابها القصيـد وينسجـم معهـا
بعد صار الشهر كنّه سنه واليوم صار اسبـوع=عسى عينـي بشوفـة سيـدي ربـي يمتعهـا
تحرّاه القلوب اللي غـلاه بوسطهـا مـزروع=قلوب ٍ مـا وراهـا الا غـلا سلطـان يدفعهـا
نبا نرقص طرب ونشبّ في وجه الظلام شموع=نعيـش افراحنـا وايامنـا المـره نودعـهـا
هلا يالشامخ اللي كل شامخ ينثني لـك طـوع=هلا يالخيّر اللي عـز نفسـك فـي تواضعهـا
كريم ٍ مدته تفرق عـن المـدات كـمّ و نـوع=يسـاره تجمـع الامـوال ويمينـه توزّعـهـا
حنون ٍ كل ما اكتضّت عيون البائسيـن دمـوع=يمدّ الهـا يميـن الخيـر ويكفكـف مدامعهـا [/poem]


الشيخ / غالب بن زيد أبو كتيفه

الله الله وغالب شاعر معروف نظم ومحاوره وصح لسانه ملايين وفاله التوفيق ويستاهل

لاهنت يا حامد على نقل هذه الرائعه

لا هنت يا ابو حامد على الايراد

ويستاهل ابوكتيفه

لاهنت ياسلطان على الاختيار

قصيده فعلا طيبه ونت اطيب

صح لسان قايلها

سلطان بن حامد


شكرا على طرح هذه الدره هنا

شكرا لجهودك الطيبه واجتهادك في طرح ماهوفيد

شكرا لنشاطك الملموس فالمرقاب حقيقه تستحق الاشاده

تقبل

احترامي

0

صح لسان غالب ولاهنت على النقل ../ قصيده مميزه


لاهنت يا سلطان

عمر

الله لا يهينك

وصح بدنك بالنيابه

تقديري لك ،،

قصيدة مميزة ورائعه الى ابعد درجه


صح لسان شاعرها



سلطان رغم انك تمتلك شاعريه فريده أيضا تمتلك ذائقه فريدة :)


لاهنت

تقبل تحياتي

د / حمد

مرحبابك ولا عليك زود

وفالك التوفيق انت بعد :)

ماشاء الله تبارك الوهاب

والله انها ذهب صافي كلها

صح لسان الشاعر الكبير غالب ابو كتيفه

ولاهنت يا سلطان ،

الا يا حرفي المقري والا يا صوتي المسموع
ابكحل بك عيون الناس واملا بك مسامعها

لا هنت يا سلطان لا هنت لا هنت لا هنت

نقيت من الشرايد ما يليق بمستوى الموضوع
انا ماني مضرّيها على تدريج ضلّعها
سلامة سيدي مشروع مابعده ولا مشروع
مناسبة ٍ يزين ابها القصيد وينسجم معها


الله الله

صح لسانه والله يوفقه يستاهل

لاهنت يا سلطان لاهنت

تستحق اراهــن يابن حـامد

وغالب جزل جزل جزل