السّعوده..!
 

السلآم عليكم ورحمة الله وبركاته

إليكم هذه المتواضعه فإقبلوها كما شئتم

[align=right][poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القدس سكّانه تحفظ حجارته=نتيجة دروس المغازي والسبي
وشعب السعوديّه تضيع تجارته=بيدين متْسعْود وبيدين أجنبي
السعوده سدٍّ حفرته فارته=حتى تمرّر عن طريقه ماتبي
وحنّا نمرّ البنك ياسبّارته=كلٍّ يقول البنك قصّ مرتّبي
لو مالنا يعلن بإسم حصّارته=لقيتهم زيني وطقّة مغربي
وكلٍ ليا شِبْع وتذكّر حارته=قدّام لايتجر ولايصير (إ)عربي
إستقدم أرداهم وضبّ جبارته=وحطّه على أعماله مديرٍ مكتبي
وإبن البلد مأمور تحت إدارته=ماباقي الا يقول قبّل منكبي
يعني سكتنا له وجاب حمارته=وإكرم يامن تؤمن بقولي و(إ)عتبي
كان القصيبي يحسب إنّ (إ)وزارته=ملكٍ لنا..قل وين لبّاس العبي.!
لو رزّ خشمه وإرتخت نظّارته=مافاح قدره غير من نار حطبي
حنّا لأبو متعب ورهن إشارته=معزّبي وأبوه قبل معزّبي
ليا زهم للحرب قايد غارته=نصير له في مجنده صتم حلبي
وبحقّ كان أشكالهم مابارته=في ساعةٍ تظهر عريب المنسبي
لسويسرا كلٍ نهض طيّارته=وقال أشرقي ياشمسهم والا إغربي
طبع اليهودي لو يروف بجارته=قصده غزل ماقصده وصاة النبي
والسعوده ذنبٍ لنا كفّارته=يسوقها الفاهم دبل سوق الغبي[/poem][/align]

انا الاول :)

2


قبلا الصلاه

ياسلام ياسلام على هكذا ابداع


ابداع لايليق إلا بك يالمبدع


صح لسانك ملايين


بردت كبدي في هالكايفه :)


تحياتي

صح لسانك يا نايف

و لله درك يا مبدع ...

سلطان بن حامد

أرحب تراحيب المطر
وحجزك مؤكّد طال عمرك

:)

العطاوي

أسعدني حضورك
وبإنتظار عودتك :)

قصيده جميله .../


فعلآ الشعر رساله ,,,



صح لسانك يابو صنهات




تحياتي

صح لسانك ملايين
يانايف
ولاهنت


بردت كبدي
وفعلاً

اصبحت السعوده
للموساد الاجنبي
كي يتصرف
على مايريد

وفي بعض الاحيان
اداة لممارسات
لايصدقّها
عقل



********

عبدالرحمن السمين

سعيد بك ولحين عودتك :)

والله انك داهية شعر يبن صنهات

سجلني

سجلني

متابع ومعجب ...

اخوك ..

نايف

كل عام وانت طيب يالامير

وصح لسانك بحجم ابداعك

تقديري لك ،،

الغالي

محمّد بلال

صحّ بدنك

ولاهنت على تشريفك

عادل بن محمّد

حضورك بحدّ ذاته تشريف

صحّ بدنك

قصيدة فوق الوصف يا نايف

تجاوزت الخطوط بجرأة شاعر مبدع

صح لسانك مدد اي والله

مع صادق الاعجاب ،،

..