سلامة سلطان ..
 

السلام عليكم ورحمة الله

غير ان مسابقة سلامة سلطان في سمو ولي العهد وتعتبر مشاعر من مواطن نحو قيادته .. المسابقه كانت نقيه وبدون مطامع ماديه وهذا كله يحرض كل شاعر على نوال شرف المشاركه


اليكم مشاركتي


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]







للشعر وقفه مثل وقفة الرجل الرشيد=كن بدعه منهل ٍ عذب وافكاري نهر .
بس ماكل قلم ٍ لاكتب يكتب مُفيد=كم قلم مابان له صوت حق ولاظهر
ياهجوسي هاتي من القصيد اجمل قصيد=للوطن حق ٍ على مواطنه سر وجهر
موطني ياقبلة الارض كم بأرضك شهيد=ساق روحه دون اراضيك للجنه مهر
تزدهر برسالة الله من الوقت التليد=ولاتزال بحكمة اخوان نوره تزدهر
يابو خالد يوم عودتك سالم يوم عيد=جعلها ياامير دفعة بلا عنك وطهر
انت واحد بس ياسيدي ماانت بوحيد=شعب كامل معك في رحلتِك من كم شهر
كل شعب المملكه معك يوم انك بعيد=شاركوا بآلامك اللي تحس وبالسهر
نرقب اخبارك ونبحث عن العلم الجديد=والدقيقه في غيابك يابو خالد دهر
نشكر الله يومها جات مثل اللي نريد=قام سلطان السعد والخبر ذاع وشهر
كل صادق من خبر قومتِك طيّب سعيد=وكل حاسد من سلامتك في قلبه قهر
كيف لا ياوارث الجود والمجد المجيد ؟=من كرم مدتك حتى الكرم منك انبهر
كيف لا ياباذل الخير والراي السديد ؟=وانت يعرف وقفتك كل ابن بطن وظهر
كيف لا يابو اليتامى عسى عمرك مديد ؟=لااختفى راس ٍ على الارض بالخير اشتهر
فيك يازين القوافي وياصدق النشيد=كن شعري منهل ٍ عذب وخصالك نهر
[/poem]


.

صح لسانك
ياسلطان
ولاهنت وتستاهل

سلطان بن بتلا رائع جدا والله يرد ولي العهد بصحة وعافية

كيف لا يابو اليتامى عسى عمرك مديد ؟
لااختفى راس ٍ على الارض بالخير اشتهر
فيك يازين القوافـي وياصـدق النشيـد
كن شعري منهل ٍ عذب وخصالـك نهـر


لله درك يا سلطان ، قصيده جميله ونبيله في شخص نبيل ،، صح لسانك ولاهنت ,, تحياتي يا مبدع

لله درك يا سلطان
لله درك يا سلطان
لله درك يا سلطان

سلطان بن بتلا

صح لسانك


مبروك التأهل

سلطان بن بتلا

المشاعر فالوطن وقادة الوطن رسمتها بكل حرفنه...وقدمت نص من اجمل النصوص

لافظ فوك... مبدع وليس بغريب عليك..شاعر متمكن وقافيه صعبه عسفتها بكل مهاره

صح لسانك ملايين وبيض الله وجهك

تحياتي وتقديري

الف مبرووووك يا سلطان وكفو وتستاهل وفالك التوفيق وصح لساااانك مليون

صح السانك يامبدع قمة قمه

الله الله


ياسلام ياسلطان


نص جميل ومميز ورائع ويستحق الفوز


وليس غريب الأبداع من اهله


تمنياتي لك بالتوفيق وصح الله لسانك دائما وابدا


تقبل تحياتي

صح لسانك ياسلطان

والحمدلله على سلامة ابو خالد


ودمت بود

انت واحد بس ياسيـدي ماانـت بوحيـد
شعب كامل معك في رحلتِك من كم شهـر


قصيده جزله

لاهنت ياسلطان