مساجلـــه شــعــريــه عـبــر الرسائل النـصــيـــه
 

السلام عليكم ورحمة الله وبركاتـه ...

كل عام والجميع بخير .. والعيد عليكم مبارك ..

الحقيقه شرفني أخوي الكبير /فالح بن قشعم .. باأبيات شعريه وتسوى في عيني معلاقات العشر .. واتمنى ان تنال على رضائكم جميعا ..

يقول أبو محمد ..

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أتقول وينك قصرت أخطاك "=" معاد سيرت مو ليّه

وأقول جعل الردي يفداك "=" مشغول في ذا وهاذيّه

مابين من مثلك وشرواك "=" ومابين سوق الصليبيّه

معني الجيب وأخذ وهاك "=" وله معي روحه وجيّه

والصبح في زامي وما أدراك "=" والعصر مالي بأحد نيّه

ولا أفطرت في مجلس ٍ يزهاك "=" مع شايب ٍ جنسه شويه

اخذ علومه ولا يخفاك "=" في جلس ٍ نارها حيّه

وأحرص لاصلى العشا البراك "=" على الصفوف الأماميّه

وعقبه لا صليت رحت أهناك "=" لشبوك سوق الشريطيّه

أدور أهناك والا احذاك "=" من كل سود ٍ عرابيّه

ولا أنكفت ولا اعدم يمناك "=" مريت ربع ٍ شقرديّه

في مجلس ٍ ماهو بيشناك "=" ماحط له باب راعيّه

يعج عوده مع الشباك "=" والبن ف دلال شاميّه

لا قبلت مافيه ولكم باك "=" الا التراجيب مثنيّه

في بيت عود ٍ مقرّه ذاك "=" فوق النجوم السماويّه

يالله عسى البارده مثواك "=" ويمناك بالخير مطليّه

هذي علومي ودم وأعفاك "=" سطرتها لك بعفويّه


وأقو له أنا ....

اي والله أفقد مثل شرواك "=" لاغاب يومين وشويّه

نفقده فقد ٍ مهو يخفاك "=" واضيق ونفسي تجاريّه

وأشرب من الضيقه التنباك "="تطفي لواهيبي الحيّه

وفالح ليا غبت وش دراك "=" ماتدري أشدارت النيّه

الناس تنشد وأنا وياك "=" أجيب الأعذار مرهيّه

أتقول ماشفت والا جاك "=" فالح زبون الجلاويّه

اللي خذا من دجا الأفلاك "=" ماخذ من الجدي ماريّه

علام فالح معد ينصاك "=" معاد طب الصباحيّه

وأقول مشغول فالأشباك "=" فالصبح والا المغربيّه

عقب العقارات والأملاك "=" وعادات روح الحضاريّه

تغيّر الله لا يبلاك "=" ودش البداوه الأهميّه

فالصبح والا قبل الأمساك "=" تلقاه وسط الشريطيّه

يسوم هذا ويرخي ذاك "=" ويبيع ماحاشت أيديّه

واقول ياصاحبي وش جاك "=" يقول رغبات نفسيّه

وأقول جعل الولي يرعاك "=" ياراع الشقراء العمانيّه

حث الرجل واعرف أل ماطاك "=" عليك سوق الجنادريّه

وأختر من الذود مايزهاك "=" وأدحم كبار الفداويّه

لاتربع أهنا وأنا بنخاك "=" الدار ياخوك محميّه

نصيحتي والعمر يفداك "=" ومن كان نفسه دناويّه

وأعيد ماقلت في مرباك "=" وكل ٍ يخايل قوافيّه

هذي علومي ودم وأعفاك "=" ترى الوعد فالسعوديّه

[/poem]وسلامتكم:):)

صح لسانك ياعايض
ولسان بن قشعم


لاهنت مساجله ظريفه

دمت بخير

ياسلام
ياسلام

ابدعتم

صحت السنتكم الف

ولاهنتم

وكل عام وانتم بخير

احترااامي

و
ج
د

صح لسان ابن قشعم وصح لسانك يا عايض ،،


علومكم غانمه ،،



مساجله جميله

صوت وصدى من العيار الثقيل

ابو مبارك سلم على نفسك وعلى محمد


كل الود

تركي

مبارك الفعم

لاهنت على المرور وصح ابدنك

كل الشكر

هلا وغلا ياوجد

لاهنتي على المرور وصح ابدنس

كــل الـشــكـــر

ضيف الله الغنامي

مرحبابك ومسهلا شرفتنا يعلم الله


كل الشكر

ياسلام ياسلام


عمالقه عمالقه


صوت وصدى جميل جداً


وصح الله السنتكم جميعاً


امتعتونا بهذا الكم الهائل من الروعه


لاهنت


تقبل تحياتي

مساجلة حلوه

وبصف عايض وبشده :)

صح بوحكم ولاهنتوا

صوت وصدى رائيعين

صح لسانه وصح لسانك مدد

لا هنت

صح لسانك ياعايض وصح لسان فالح

مساجله رائعه بروحها الجميله

احترامي

خالد السيحاني


لاهنت على المرور وصح الله ابدنك


كل الشكر