يالغالية ياشين فرقاك شيناه
فُجعت بفقد والدتي الغالية في 13 رمضان
فأبى الشعر إلا أن يُخرج المشاعر يمه رحيلك عن عيوني معاناه .............................. مع السلامة يابعد روح روحي رحتي ولا لي كود ترديد عزاه ................................ لا والله الا مات حتى طموحي رحتي ولا لي غير ترديدها آه ................................ آه ٍ على فرقى قليب ٍ نصوحي القلب ينزف والمصايب توطاه .............................. كنه حمام ٍ فوق غصنه ينوحي كل ٍ يبي يرميه لازان مرماه ............................. ريشه ضعيف ولايفيد النزوحي يالغالية ياشين فرقاك شيناه ............................ حطم كياني واستشاطت جروحي والله ثم والله والله والله .................... ............اني احس القلب كنه يفوحي جرحي عميق ومستحيل اني انساه ..........................؟؟.شلون اخبي دام دمعي فضوحي بيتك بكى فقدك وبكاني ابكاه ........................... يبكي على فرقاك صوته ينوحي يبكي مدام النور روّح وخلاه ........................... صمته رهيب وليت صمته يبوحي منول ٍ لاجيت ناديت يا ياه .......................... اشوف زولك فيه ولصوتك اوحي واليوم يايمه ظلامه تغشاه ............................ اصبح ظلامه فيه يجمح جموحي يالطاهرة ياللي ختامك تمناه ............................ كل من سمع موتك تمنى يروحي عسى سحاب ٍ قام ينشي بمنشاه ................................... المدلهم اللي بروقه تلوحي يمطر على قبرك شخاتير من ماه .............................. وينبت على قبرك زهورٍ تفوحي لا أراكم الله مكروه |
عظم الله آجرك اخي نايف
ورحمها الله رحمة واسعه ولم تخبرنا يارجل لنقوم بالتعازي لكم الله يرحمها ويرزقها الجنه الخالده في هذا الشهر الفضيل ونصك معبر ومؤلم احزنتنا والله والله لايريكم مكروه يا خي وكل عام وانتم بخير مودتي لك . |
هلابك ياعبدالرحمن
جزاك الله كل خير ولا أراك مكروه |
[align=right]
الله يرحمها ويغفر لها ولا هنت [/align] |
الله يعضم اجرك ويرحمها ويغفر لها
ويسكنها فسيح جنانه وصح لسانك والله لايريك مكروه في من تحب |
اللهم آميـــــن
عسا الله يغفرلها ويرحمها ويوسع لها في قبرها ويلهمك الصبر والسلوان صح لسانك صح لسانك قصيده مؤلمه ومليئه بالحزن لاهنت احترااامي و ج د |
عظم الله اجرك .
ورحم الله والدتك . وجميع اموات المسلمين . صح لسانك تقديري |
إنا لله وإنا إليه راجعون الله يرحمها ويسكنها الجنه وكل مسلم ان شاء الله وعظم الله اجرك وجعلها اخر الاحزان ولا تشوف مكروه وفقك الله |
،
إنا لله و إنا إليـه راجعون ، الله يسكنها الجنـه ، ويرحمها ويغفرلها يا نايف وعظم الله آجرك ، |
،
القلب ينزف والمصايب توطاه كنه حمام ٍ فوق غصنه ينوحي كل ٍ يبي يرميه لازان مرماه ريشه ضعيف ولايفيد النزوحي ، منول ٍ لاجيت ناديت يا ياه اشوف زولك فيه ولصوتك اوحي واليوم يايمه ظلامه تغشاه اصبح ظلامه فيه يجمح جموحي أخي نايف :- أنار الله قبر والدتك ، وعسى أن يتقبّلها الرحمن القبول الحسن ، وجعل الفردوس الأعلى مقامها ، اللهم آمين ، اللهم آمين أحسن الله عزاك أخي ، |
الله يرحمها .. و يسكنها فسيح .. جناته ..
نص مؤثر .. صح لسااانك |
الله يعضم اجرك ويرحمها ويغفر لها
ويسكنها فسيح جنانه وصح لسانك |
عظّم الله اجرك
ورحم الله الفقيدة وأسكنها فسيح جناته ولا هنت على هذا الوفاء وهذا البوح تحياتي .. |
الله يرحمها ويسكنها فسيح جناته
جعلها الله آخر احزانكم صح لسانك تقبل تحياتي |
| جميع الأوقات بتوقيت GMT +3. الساعة الآن 01:56 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية