غلطة الجاهل مثل نتف شعره ..!!
بسم الله اخواني الكرام .. كل عام وانتم بخير .. تجديد لـ التواصل واتمنى تمريرها بـ سلام .. :) [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] القضا ياقف على علم الطليب = والبلا سبحان منهو يدحره اركزو للبير ياهل البير شيب = دام ارض البير ماهي مسوره جات لك ياهيه من كفٍ عطيب = ياصغيرٍ ماتباطينا اخبره فالطريق اللي يودي مات ذيب = والسبب المعروف محدن عبره لو يطول الوقت ويبين المشيب = غلطة الطيب تراها بـ عشره ولو يضيق الصدر والكون الرحيب = غلطة الجاهل مثل نتف شعره وانت ياللي فيك شك وفيك ريب = خل عنك اللفلفه والبربره اسمع المضمون فالراي الصويب= وخذ علمن مانكتب في مذكره انت عندي لا بعيد ولا قريب = والصدور اليوم مثل المقبره لا تجيني وانت لك وجهن غريب = الوجيه السود ماهي مقدره خل علمك في ضميرك يالكئيب = اغلب علومك هياط وثرثره لو تكن الدمع وتزيد النحيب = منت كاسر خاطري ومجبره خابرك لو صحت لك منته مجيب = مايجيب الذيب من خاوا مره الضعيف ضعيف يالوقت العجيب = ومن هدم صرحه ترى ماعمره اختصر لك انت منته لي صحيب = غلطتك عندي مثل نتف شعره[/poem] وسلامتكم .. ، ، ، |
حجز
1 |
حسين
صح لسانك نص جميل وانت الأجمل مودتي لك . |
حياك الله يابو بلال .. تشرف في الحضور الاول والثاني ، ، ، |
اهلا بك يا حسين
جعلك اللاش فداك وصح لساانك مدد |
صح اللسانك ياحسين
وماعيّن خير اللي تورسلته teeth: لكن تدري إن شاء الله ما نزعل على بعض :) |
[align=right]
خابرك لو صحت لك منته مجيب مايجيب الذيب مـن خـاوا مـره الضعيف ضعيف يالوقت العجيـب ومن هدم صرحه ترى ماعمـره يا سلام يا سلام :) صح لساانك ولا هنت عليها كلها [/align] |
حسين عزام
أبدعت .. أبدعت وكعادتك متمكن .. وقرأت في هذا النص مزيج من الجمال والحكمة صح لسانك مدد .. ولا هنت تحياتي .. |
عبدالرحمن السمين
حضورك الاجمل .. شرفتني ياصديقي .. صح بدنك ولاهنت سلامي عليك ، ، ، |
،
الله الله الله الله لو تكن الدمـع وتزيـد النحيـب منت كاسـر خاطـري ومجبـره خابرك لو صحت لك منته مجيب مايجيب الذيب مـن خـاوا مـره سلام الله عليـك يا حسين .. و ما عيّن خيـر من خاواها ! صح الله السانـك عدد حروفها يا مبـدع ، ، |
حياك مولاك ياسلطان .. شرفتني شاكر لك وصح بدنك
سلامي عليك ، ، ، |
دام جاهل بسيطه :) صح الله لسانك ولا هنت |
ملاحظه ..!! اتمنى من اخواني مشرفي القسم او الاداره تعديل شطر فيه زياده ( والسبب المعروف محدٍ عبره ) والصحيح .. ( والسبب معروف محدٍ عبره ) ودي وشكري ، ، ، |
ولو يضيق الصدر والكون الرحيب
غلطة الجاهل مثل نتـف شعـره ياسلام عليك ياحسين وصح لسانك مدد تحياتي |
صح لسانك وسلمت
|
الله الله
ابو عزام ابدعت وامتعت صح لسانك ولاهنت !! |
صح لسانك شكرا على هذا النص الجميل الرائع
لله درك ودر ماكتبت انت لا تأتي الا بالجزل كعادتك المعهوده .. اخوك : وليد العمودي |
ابو مشوط
انا وانت ما بيننا زعل وان حصل لا سمح الله الخوف علي انا :) حضورك نوماس وشرف يالامير .. صح بدنك ولاهنت ، ، ، |
خل علمك في ضميرك يالكئيـب
اغلب علومـك هيـاط وثرثـره لو تكن الدمـع وتزيـد النحيـب منت كاسـر خاطـري ومجبـره قصيده غاضبة ولها مسبباتها بلا شك ،،، صح لسانك يابو عزام وجعل يفداك الكئيب وشرواه ،، تحياتي وتقديري واعجابي ومتابعتي سوى |
ابو عزام
انشهد ان الصدور مثل المقبره صح لسانك لك فائق احترامي وتقديري ...!! |
الله الله الله الله
ياحسين عزالله انه ماعين خير اللي تناولته :) صح لساااانك تحيتي ,,, |
مخايل شرفني حضورك وسعدت به شاكر لكِ اختي ولاهنتِ سلامي عليك ، ، ، |
| جميع الأوقات بتوقيت GMT +3. الساعة الآن 10:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية