متواضـعه .. لـِ التواصـل
,
النص ّ : عبارة عن رِسالة إلى الـ سيّد جنيد وشركة
عطوره ِ الفاخِره .. مع التحية


.
.



يا سيّد جنيد..ما مرّك زبون الغرام ..
ــــــــــــــــــــــــــــــــــإللي خذا قلبي من العام..ما رجّعه ..
.
إستأذن الصدر به يومين..ماقال عام ..
ــــــــــــــــــــــــــــــــــ ليته صدق مع معاليقي قبل ينزعه ..
.
خابْرّه يعشق دهن عودك..وريح الغمام ..
ــــــــــــــــــــــــــــــــــ إللي ليا طاح كنه باليدين أجمعه ..
.
وخابره يعشق عطور ٍ بالرفوف الأمام ..
ــــــــــــــــــــــــــــــــــ ذويّق .. حتى ليا آشر عليه بصبعه ..
.
له بالحنايا آثر جرح ٍ عميق وسهام ..
ــــــــــــــــــــــــــــــــــ وله في ثيابي بقايا من عطور ٍ معه ..
.
ما مرّ في سكة أيامي مرور الكِرام ..
ــــــــــــــــــــــــــــــــــ في آخـره حزن..والآحـلام في مطلعه ..
.
ما قصّر بشوق يوم الله عطاه الهيام ..
ــــــــــــــــــــــــــــــــــ وما الله هداه وذخر ضيق الوعد من سعه ..
.
ما نقّض إلا العهود إللي عليها الكلام ..
ــــــــــــــــــــــــــــــــــ وما حطّم إلا خفوق ٍ كان له مطمعه ..
.
لا والله..إلا سرق منّي لذيذ المنام ..
ــــــــــــــــــــــــــــــــــ ياليت له في طريق البعد ما يمنعه ..
.
مديت له غصن زيتون..وحمامة سلام ..
ــــــــــــــــــــــــــــــــــ وما مدّ لي غير طعنات الجفا الموجعه ..
.
يا أصدق من الوبل وعروق الضماير حيام ..
ــــــــــــــــــــــــــــــــــ إن كان وصلك يبل الروح..لا تردعه ..
.
الله وهبني لك العاشق..وصرت المرام ..
ــــــــــــــــــــــــــــــــــ مرامي إللي عسفت العـمر لجل أتبعه ..
.
ولا ردني عنْك..كود سلوم ربع..وحرام ..
ــــــــــــــــــــــــــــــــــ وقول العرب "كان ما طاعك زمانك طعه" ..
.
وإلا إنت لي مثل فرض الآكل بعد الصيام ..
ــــــــــــــــــــــــــــــــــ يا آلذ ما ذقت بعيوني وعجزت أشبعه ..
.
إي والله إني أحبك..لا عليّ الحرام ..
ــــــــــــــــــــــــــــــــــ أموت بك حيّ..ياآغلا العمر..لا .. أمتعه ..
.
..الليل مركب هل الذكرى..وستر الملام ..
ــــــــــــــــــــــــــــــــــ وعيونك البحر..ورموش العيون..آشرعه ..
.
وفي كل ليلة مع طيفك..اعَقد الخصام ..
ــــــــــــــــــــــــــــــــــ وافلّ شرهاتي بصوتي..وأرد أسمعه ..
.
ما ضاق بي الكون..ضاقت بي..بيوتٍ وخام ..
ــــــــــــــــــــــــــــــــــ يا كنّ روحي على الضيقات..مستنفعه ..
.

تطمّن الشعر بعدك..عن حلاياك صام ..
ــــــــــــــــــــــــــــــــــ من هاجس الشوق..وضنون الغلا تدفعه ..
.
فإن كان مالك بعد فرقاي..نية سلام ..
ــــــــــــــــــــــــــــــــــ لا ترجع القلب..كانك مآنت راجع معه ..




.
.




لـ قلوب ٍ تقرأ :wardah:

محمد المشري
اول قصيدة اقراها لك
لكن سجلني متابع لك من الدرجه الاولى


صح لساااااااااااااانك

قصيدة في قمة الجمال

عمر الدغيلبي


*



ألزم ما عليها إعجاب الراقين شرواك
تحيتي وتقدري .. وطاب لي مرورك