مشاركتي في مسابقة( سلامة سلطان)
 

الأحبة الكرام كل عام وأنتم بخير


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابلادي ولك داخل عيوني بلاد=جفن تحتك فراش وجفن فوقك لحاف
يااطهر أفضل بقاع الأرض غيث البلاد = قبلة المسلمين مزّبنة من يخاف
كن شعبك ضلوع وكنك أنتي فؤاد=يحرسونك من أفكار النفوس الضعاف
كانت أرضك مسارح للطلب والطراد=وصارت أرضك أماني للسعي والطواف
كانت قلوب شعبك من سواد لسواد=وصاروا بحضنك إخوان وقلوبٍ انظاف
القياده تقود برأيها ما تقاد=قبل سبع السمان تصير سبعٍ عجاف
نخلتك شامخه بين السيوف الحداد=للعطاء رمز نخله للحدود الرهاف
ياقصيدي تفضل لو مابانت سعاد=دام لك بان من يروي ظمأ كل قاف
قبل ذكره وأنا للي هايم بكل واد=كل قافٍ أورّى فيه وأرجع وأعاف
قلت أبو خالد وصارت دروبي جداد=كل دربٍ يمره مايمره جفاف
فك عشرين باب بوسط عشرين ماد=وصورته فوق باب الجود صورة غلاف
بالكرم فارسٍ لكن بليا جواد=وبالعطاء بحر لكنه بليا ضفاف
اليتاما ماميزّهم ياغير الحداد=بعدها ماعلى كل اليتاما خلاف
شفت حتى اليتيم اللي بوسط المهاد=شال همه وأضافه لو ماهو مضاف
وش تعدد وحنا لأبو خالد عتاد=قايد الجيش ذخر العهد زمز العفاف
البلاد اتّحرى جيّته والوكاد=تلبس أجمل حللها كنها في زفاف
في سلامة أبو خالد سلامة بلاد=سلمه يا من: أمره بين نون وكاف[/poem]

ما قصرت أبو فيصل

أعتقد أنها من أجمل قصائد المسابقة

وأعجبني اللغة الحديثة التي لا يتقنها كثير من الشعراء الشباب

صح لساااااااااانك مبدع الله لا يعوقك ,, بالتوفيق ان شاء الله


تحيتي ,,

الله الله الله

لله دررررك يا عقاب ابداع في ابداع وصور مكثفة ولغة شعرية في غاية الروعة
الف مبروك التأهل وفالك التوفيق

عقاب


شاعر مميّز
صح لسانك



تقبل اعجاب أخوك ..

الشاعر :نادر العماني
شكرا الف على هذا المرور الكريم الله لايهينك

الشاعر:ناصر تراحيب
شكرا الف على هذا المرور العطر الله لايهينك ياغالي

صح السانك يابن العم

في سلامة أبـو خالـد سلامـة بـلاد
سلمه يا من: أمره بين نـون وكـاف

الله يسمع منك وصح لسانك يا عقاب

الرائع:محمد الآيداء
شكرا الف على هذا المرور الكريم الله لايهينك ياغالي

د. حمد العصيمي
مشرف لاأدعيه
يعطيك العافيه على هذا المرور الكريم
الله لايهينك ياغالي