معجبه .. !!!!!!!!
صباح الخير ومساؤه
جديده لكم وبينكم دمعتك كلمتن بعيوني أسمعها خل هرجة عيونك ليه تقطعها؟ دام دمعتك كلمه تستحي منها لااطلعت منك ماتقدر ترجعها خلها يمكن تريحك لاطاحت هلها يمكن تخفف مواجعها اشتك وعادة الغالي مع الغالي ان صعب حل مشكلته يقنعها ان مابالزمان انسان مايحزن من جهة مغرب الشمس لمطالعها وكم توفوا بشر من كثر مااهتموا وكم مواليد جت وهمومها معها كانه من البشر حزنك ودمعاتك البشر طبعها يغلب تطبّعها تنصدم كل يوم بشخص قربته لاتكلّف على نفسك وتوجعها وكانه من القدر فإصبر ولاتجزع نفسك بصبرك وبايمانك إردعها ماتنزّل مكانك دمعتك عندي انت قيمتك في دمعتك ترفعها شايف ن نفسك بزينك على العالم ومعي نفسك غلا تعلن تواضعها وين تلقى الدموع أحلا من عيونك؟؟ ووين تلقى عيونك مثل مدمعها ؟؟ دمعتك شكلها ماهيب من ضيقه شوقها تلمس احلى خد يدفعها وانزلت معجبه ولعينك اشتاقت بس ماعاد تقدر. وش مطلّعها ؟ أو كثر مادموعك عاشقه سودك وخوفها تنزل من العين يمنعها كل دمعه تقول إلا أنزلي قبلي وفاضت سدود دمعك من تجمّعها فضفض ولاتخلي هم في صدرك وكل لحظه بقربي لاتضيعها طلّع اللي مايطلع عند أحد غيري غير كلمة [ بسافر ] لاتطلعها |
يا سلام الله سلام
رايقه يا السمي صح كلك |
ما شاء الله عليك يا سلطان
إبداع وفلسفة وإستعارات في غاية الجمال أشوف إنك بهذا النص بديت مرحلة جديدة تمنياتي لك بالتوفيق يا صديقي،، |
طلّع اللي مايطلع عند أحد غيري غير كلمة [ بسافر ] لاتطلعها سلطان طريقتك في كتابه القصيده لا يجيدهاا الا سلطان بن بتلاء صح لسااانك |
،
دام دمعتك كلمه تستحي منها لااطلعت منك ماتقدر ترجعها ، خلها يمكن تريحك لاطاحت هلها يمكن تخفف مواجعها ، يا سلالالالام .. ، أبدعت ياخوي سلطان الله لا يضرّك ، طرق كآيف بـ الحيل :) ، صح الله لسآنك ، صح الله لسآنك ، تقبّل مروري المتواضع لـ هالدرّة الثمينة ، كُن بــ ألف خير يا شعر :) ، |
كل دمعه تقول إلا أنزلي قبلي
وفاضت سدود دمعك من تجمّعها ابو بندر كل قصيدة لك تقول زود الابداع عندي ستبقى من اجمل المبدعين بدون مجامله وسأبقى احد المتابعين لك ولي الشرف صح لسانك مدد بلا عدد ،، .. |
سلطان
لافض فوك صح لسانك ... ابدعت وامتعت لله درك |
:
: طلّع اللي مايطلع عند أحد غيري غير كلمة [ بسافر ] لاتطلعها سلطان بن بتلا دائما متفرد وله طريقته الخاصه في كتابت الشعر لايتميز بها الا سلطان وحده شعر وابتكار وسلاسه وعذوبه .. وفي كل نص تثبت لنا ياسلطان تفردك .. ويعلم انني اكتب هذا الكلام من دافع الاعجاب واعطاء كل ذي حقن حقه وقليل فيك ماكتبته ياسلطان ..! ولكن عزائي الوحيد انك تعرف مدى اعجابي اللامحدود في كل جديد اراه لك هنا ..! شكرا على هذا الجمال يابو بندر وصح السانك أخووووك |
سلامي والله عليك يابن بتلا
شاعر تعجبني منذو مبطي .. وحضور حساس وعذب صح السانك ملايين اخووك ! |
طلّع اللي مايطلع عند أحد غيري
غير كلمة [ بسافر ] لاتطلعها صح لسانك وسلم راسك يا بوبندر مبدع حقيقي والكلام لايوفيك حقك . المحبه والتحيه وكل عام وأنت بخير . |
الاخ الصديق سلطان بن بتلاء
صح لسانك وهذا هوالشعر الذي وضعت بصمتك عليه انت مبدع ودليل ابداعك انك تأتي دائما بكلام جدبد لم تسبق عليه فلك بصمتك ومنهجك المختلف والمتميز عن الاخرين بدون مجامله |
سلطان ابن بتلا
مجرم ومدهش ومبدع ... صح لسااانك مدددددددد مودتي لك ........ |
سلطان العظاوي
حياك الله يالسمي ولاهنت |
سلطان
صح لسانك .. ولا هنت تحياتي .. |
عز الله ابداع وتفرد ما شاء الله
دمت شامخا |
فيصل الشريف
مرحبا يابو سالم مرورك شرفني ياصديقي |
وحنا معجبين باسلوبك وابداعاتك ياسلطان ..
صح كلك .. اخووك .. |
صح لسانك شكرا على هذا النص الجميل الرائع
لله درك ودر ماكتبت انت لا تأتي الا بالجزل كعادتك المعهوده .. اخوك : وليد العمودي |
| جميع الأوقات بتوقيت GMT +3. الساعة الآن 03:32 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية