ملذات الهجوس !!
 

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياملذات الهجوس اللي على ذوقي وفنّي=وش يكون الشعر من دون المغاني والمباني
والمغاني والمباني ما تجي الا بالتعنّي=في خيال الفكر مثل البرق تقدح في ثواني
من غنمها صادها من غير تأخير وتأنّي=ومن حرمها ما كسب غير العذاب ولامْتحاني
ومهما كان الشعر والهاجوس وإبداع المغنّي=ما تقارن بآيةٍ وحده من آيات القرآني
ودي آغنّي وأجرّ الصوت فالمرقب لكنّي=شايلٍ لي ضيقةٍ ما عاد ياسعها بْطاني
يا فهد لا عاد بعلوم المحبه تمتحنّي=من بعد فرقا خليلٍ عانق سهيل وجفاني
بعد كنت وكان منه الوصل نوب ونوب منّي=ان تباطيته لفيته وان تباطاني لفاني
المشاعر يوم اشوفه كلها ودّ وتمنّي=والقصايد في وصوفه من فوادي في لساني
سامح الله ما مضى واللي يرد العلم عنّي=لا يقول انّي جحود ولا يقول إنّي أناني
والله انّي والله انّي والله انّي والله انّي =ممتلي صدري هيام وعشق وأحلام وأماني
لكن الايام ما جت لي على شفّي وظنّي=في ذهاب وفي رجوع وفي طلوع وفي طماني
كل ما قلت آآه يا جرحٍ من الرمح المطنّي=صاحت الايام : لمّ الجرح من بين المحاني
وشرهة العاشق على الايام نوع من التجنّي=ليه يوم آصدّ ثم أقوول :جاني ما كفاني
ليه ما اضرب بالغلا لا الكوع وآعيش مْتهنّي=الليالي ما تعلم بالقدَر والعمر فاني
والعذر : طيش الطفوله والزمان وصغر سنّي=كل شرهة قوم أحمّلها على ظهر الزماني
ما استراح من الطعون الا الحبيب اللي طعنّي=والا استباح من الجروح الا فؤادٍ ما يداني
روّحت برقٍ يلوح وعوّدت رعدٍ يدنّي=يعجب وساع العيون ويطرب رهاف الاذاني
واعتزيت ولا ارتكيت الا على ذوقي وفنّي=للهجوس اللي لها ودي وشكري وامتناني
[/poem]

(1)
احترني

المسرّي شاعر كبير ومبدع حقيقي

صح لسانك وسلمت على هالجزيله الثمينه .




ولو أني وقفت عند شطر : ( العذاب والامتحاني )
عيا يمشي معي مدري خطا مطبعي والا خطاء قراءه مني .




محبه وتحيه لجنابك .

8
8
8

الحبايب ( نايف ومناحي )

العذاب والامتحاني
تنطق كذا على السريع : ( العذاب ولْمْتحاني )لأنها همزة وصل وسلامة العموووم

ولو انّي ما ارى فيها شي البتّه
وسلامة قلوبكم

لكن الايام ما جت لـي علـى شفّـي وظنّـي
في ذهاب وفي رجوع وفي طلوع وفي طماني
كل ما قلت آآه يا جرحٍ من الرمـح المطنّـي
صاحت الايام : لمّ الجرح من بيـن المحانـي


يصح لسانك يالشاعر

ولاهنت على هالشامخه

أبدعت طال عمرك

لك التقدير’,,

المسرّي


مرحبااااا بك


وصح الله لسانك

ودي آغنّي وأجرّ الصـوت فالمرقـب لكنّـي
شايلٍ لي ضيقـةٍ مـا عـاد ياسعهـا بْطانـي
يـا فهـد لا عـاد بعلـوم المحبـه تمتحنّـي
من بعد فرقا خليـلٍ عانـق سهيـل وجفانـي
بعد كنت وكان منه الوصل نوب ونوب منّـي
ان تباطيتـه لفيتـه وان تباطـانـي لفـانـي
المشاعـر يـوم اشوفـه كلهـا ودّ وتمـنّـي
والقصايد في وصوفه من فوادي فـي لسانـي
سامح الله ما مضى واللي يـرد العلـم عنّـي
لا يقول انّي جحـود ولا يقـول إنّـي أنانـي



المسرّي

عز الله انك رائع

ومبدع

صح لسانك

سريتنا يا المسريّ

صح لسانك ولا هنت

أعجابي ومتابعتي

صح الله اللسانك يالمسري
وبيض الله وجهك على القصيدة الطيّبة ، ولاهي غريبة علاك
:)

لله درك يامبدع

تحياتي وتقديري

لكن الايام ما جت لـي علـى شفّـي وظنّـي
في ذهاب وفي رجوع وفي طلوع وفي طماني

الله الله الله يا المسريّ

ستظل احد مبدعي هذا الصرح الكبار

صح لسانك عدد حروفها وسلمت ،،


..

مرحبا مليون في مليون

مجرد حجزك يكفيني ياطويل العمر

صح لسانك شكرا على هذا النص الجميل الرائع
لله درك ودر ماكتبت انت لا تأتي الا بالجزل كعادتك المعهوده ..
اخوك :
وليد العمودي