مالها داعي !!
السلام عليكم ،
بويتات مدري كيف حالها .. والظاهر أن لها نصيب كبير من عنوانها ! [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] الحبّ ماعاد ندري وش نسوّي به=مستعمر قلوبنا .. ويطقّ الأصباعي يسطي علينا ويسلبنا بأساليبه=حاكم ويآمر وينهى وأمره مطاعي يا صاحبي .. والغلا صفيت مشاريبه=لا عاد تآكل شقاي وتشرب أوجاعي أصارع الشوق .. وأوديّه وأجيبه=وأن هزني قمت أهز لشوفك شراعي من يوم خشّيت قلبك قلت حليّ به=لكنّ قفلّ عليّه حدب الأضلاعي محبّتك شاركت كوني بتركيبه =أصبح سماها سماي .. وقاعها قاعي أحيان أدوّر لعينك قاف أغنّي به=وأحيان اقول القصايد مالها داعي وفي كل الأحيان أشيل الحبّ وأمشي به=وإلاّ قصيدي عسى يفداك لا ضاعي لازلت شاعر شباب وهاجسي شيبه=مرّت عليه اللحون أشكال وأنواعي لا شكّ شعر الغزل ماعاد يحري به=وشلون ضاق الغزل وعيونك وساعي فتّح عن الشكّه .. وغمّض عن الريبه=عينك رسالة غرام ورمشها ساعي وقلّي مساء الخير والإحساس والطيبه=بللّ عروقي بصوتك وأطرب أسماعي وأن كان مديّت لك كفيّ .. لا تومي به=وإلاّ ليا أوميت به .. لا تلوي ذراعي !! [/poem] وسلمتوا ،، |
اي هالحين اقدر انام :)
حجز حتى يقضي الله أمراً كان مفعولا والنصيب اللي تقوله عنها يولّي |
مرحبا ومسهلا يا بوتركي
والله ثم والله لولا الصدفه التي جمعتني بك والمقايضة اللي انت خابرها لكانت بالتوقيع مير امر الله نوم العوافي يا الغالي وشرفتني ،، .. |
:) :)
حجز 3 |
(مالها داعي ) يخلو المرقاب وكل من منبر اعلامي من هذا الابداع
وقلّي مساء الخير والإحساس والطيبه بللّ عروقي بصوتك وأطرب أسماعـي وصباح الخير حينما تصبح على شعر حقيقي برغم بساطة المفرده وقوة الحبك دكتور الشعر واستاذه اعجابنا قديم والاستفاده تستمر من كل نص لك |
،
وأنا أنطر الحجز ؟ :) .. ، لا بالله صح لسآنك يا دكتور .. ، ثقافة يستفاد منها ، لا هنت ، لا هنت ، وأنا على علم ( صح لسآنك ) ما توفي ، أصارع الشـوق .. وأوديّـه وأجيبـه وأن هزني قمت أهز لشوفك شراعـي ، تقبّل تواضع مروري ، كُن بــ ألف خير ، |
بويتاتك جميله ياسداح
هذه وهي بيوتات ومالها داعي كيف أجل لو كانت بيوت ولها داعي متواضع جزاك الله خير صح لسانك وكل يوم اسدح لنا من مثل هذه البويتات ياسداح تقبل مروري شمس :) |
[align=right]
وأن كان مديّت لك كفيّ .. لا تومي به وإلاّ ليا أوميت به .. لا تلوي ذراعي !! :) + :) صباح الشعر العذب والذرب يا سداح و صح لسانك ولا هنت [/align] |
لازلت شاعر شباب وهاجسـي شيبـه
مرّت عليه اللحون أشكـال وأنواعـي لا شكّ شعر الغزل ماعاد يحـري بـه وشلون ضاق الغزل وعيونك وساعي فتّح عن الشكّه .. وغمّض عن الريبه عينك رسالة غرام ورمشهـا ساعـي الله يبطي بالهاجس وراعيه ان بغى شباب والا شيبه :) حظوري هنا لـ السلام عليك وتجديد الغلا والمحبه والصداقه والا رايي في قصيدك مايخفاك من ايام يابو ....... ;) صح لسانك كثر اعضاء المرقاب :) |
سداح اما (( حلي به )) هذي لحالها حاله خاصه ومفرده ترثع بقشي كل ما تذكرتها مبطين منها ولا يمكن ترجع :( ما اقول الا الله لا يلجمك وصح الله لسانك ولا هنت بانتظار الجديد |
آلقدير : سدآح ,. معك يكون آلشعر في أجمل حلّه له ,. شآعر يشدني طرحك دآئمآ ,. صح آلله لسآنك مليووون ,. و آلله لآ يلجم لسآنك ,. دآئمآ رآئع و مبدع ,. لك كل آلتقدير ,. |
اقتباس:
لفته جميلة .. ورائعة من الروائع يا دكتور كان النصيب الأوفر فيها للعشق والهيام .. والحب والتتّيم صح لسانك مدد .. ولا عاد تطوّل الغياب عن المواهب والشعبي لا هنت .. لا هنت تحياتي .. |
الله يسعد ايامك ولياليكــ
سداح دكتور ورسمكـ رسم ابداع ولاغرابه ,, المهم انك تحيي روح الشعر فالقلوب تقبل اعجابي اللي مايوصفه الكلام |
لازلت شاعر شباب وهاجسـي شيبـه
مرّت عليه اللحون أشكـال وأنواعـي لا شكّ شعر الغزل ماعاد يحـري بـه وشلون ضاق الغزل وعيونك وساعي لله درّك يا سداح واللي ماله داعي العنوان مهو القصيد صح لسانك صح لسانك صح لسانك الاعجاب مبطي والاستمتاع حاضر مع كل نص وكل بيت أقبل المحبه والتحيه الخاصه . |
وعليكم السلام والرحمه , الي مالها داعي المقدمه والله , يا صاحبي .. والغلا صفيت مشاريبـه لا عاد تآكل شقاي وتشرب أوجاعـي لا عاد تآكل شقاي وتشرب أوجاعـي لا عاد تآكل شقاي وتشرب أوجاعـي لا عاد تآكل شقاي وتشرب أوجاعـي رمز كبير في ضروب الابداع ومجالاته وسلامي عليكـ , |
وعليكم السلام ورحمة الله
ارويتنا شعرا وطربا أيها الدكتور بارك الله فيك وفي هاجسك |
لا شكّ شعر الغزل ماعاد يحـري بـه
وشلون ضاق الغزل وعيونك وساعي فتّح عن الشكّه .. وغمّض عن الريبه عينك رسالة غرام ورمشهـا ساعـي الله الله الله الله الله الله الله دكتور الشعر واستاذه ومبدعه ورمزه والله وبرب الكعبه ان قصيدك يغسل الذوايق من شوايب قصايد المستشعرين لله درك يادكتورنا على الابداع في كل بيت اخوك الصغير انا |
سداح
كل عام وانت بخير مبدع ومالها داعي تغيب يا مبدع صح لسانك مودتي لك . |
،
الله الله الله الله هذا ما غار .. حجز و لي عوده يا دكتور .. بس ّ على رواقه ياشيخ ! لله درررررررررررررررك ، |
سداح
لله درك ابدعت وامتعت ةعز الله نشتاق لجديدك لو انّه بيت واحد ! صح لسانك ودمت كما أنت |
ياخوي انت كلامك يطرب وشلون شعرك
صح لسانك والله ياساح غيمار |
فتّح عن الشكّه .. وغمّض عن الريبه
عينك رسالة غرام ورمشهـا ساعـي اما هالبيت هذا عاد غير غير غير غير تصوير عجيب وفي قمة الأبداع صح لسانك ولا هنت وما شاء الله عليك رمز للشعر دوما وابدا نتابع لنتعلم ونستفيد :) شكرا لك على طرحك الراقي لك كل الود :) |
| جميع الأوقات بتوقيت GMT +3. الساعة الآن 11:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية