لا تصدق .. بـ ألف ليلة .. و كذبة شهرزاد !
 

السلام عليكم ورحمة الله وبركاته
قصيدة لـ الشاعر مساعد الرشيدي ..








قصيدة ( ليل الهجاد ) ..


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سيرن .. نشادت البال عن ليل الهجاد =من هنا مرة تجيني .. ومرة من هنا
هاجسٍ .. يملا ضلوعي سواليف ومداد =كل ماهز المعاليق.. قلت: الله لنا
قال: من طش المجاديف؟ ..قلت:السندباد = قال: من غنى له النجم سامر؟ .. قلت : انااااا
شاعرٍ .. ماله من البيد .. خبت ولا حماد =غير ظل ٍ .. لو حنى الريح غصنه.. ما انحنا
جيت من عشب المواعيد .. يادروب الحصاد =خطوةٍ .. تلغي وجودي .. عساها للفنا
حالف اني .. لا اعكس الريح .. واخذها عناد =لين تلقح عاقر النود .. برعود الضنا
ياخفوقٍ .. هدّه الشوق.. واغراه الهداد =لا دنا ليل التباريح .. غرباله دنا
كل قلب ٍ لاعه البين .. جرّب واستفاد =وش لقيت .. من التجاريب .. ياقلب العنا؟!
يازمان ٍ .. مارسا بي .. على شط الوكاد =كذّب الساري.. موانيه .. وشطوط الهنا
يارفيق ٍ .. ماهداني على الراي السداد =بين ذنبٍ ماجنيته .. وذنب ٍ ماجنا
لو سقينا وردة الحلم .. ترياق السواد =ما نبت في مرتع الشوف.. برق ولا سنا
لا تصدق بالف ليله .. وكذبة شهرزاد =كل عشق ٍ للحنايا .. تطوّى وانثنا
خلّ عنك .. حكاية القيظ .. وعلوم البراد =كلنا نعرف سببها .. ونجحد كلنا
من يشب بمحجر العين .. طريا للرقاد ؟ =من يقول.. انه عن النوم كله .. في غنا ؟
من يقلد جمرة الحرف .. سيف ٍ من رماد؟ =من بنى مثلي ظنونه .. وهد اللي بنا ؟
ولّ .. لا عادت طواريك.. ياليل الهجاد =من هنا كنت احتريها .. وجتني من هناااااا
[/poem]



تحية تقدير ..اخوكم ابو نايف

ابو نايف


اختيار موفق مساعد من الاسماء الشعرية المميزة ...


وصح لسان ابو فيصل من المدخل لاخر القصيدة.

لك فائق احترامي وتقديري ...!!

شاعرٍ .. ماله من البيد .. خبـت ولا حمـاد
غير ظل ٍ .. لو حنى الريح غصنه.. ما انحنا
جيت من عشب المواعيد .. يادروب الحصاد
خطوةٍ .. تلغي وجـودي .. عساهـا للفنـا
حالف اني .. لا اعكس الريح .. واخذها عناد
لين تلقح عاقـر النـود .. برعـود الضنـا


الله الله

مساعد الرشيدي احد الاسماء التي تعجز الساحه عن ايجاد من ينسيها اسمه

لاهنت يا شامخ على النقل

اخوك

مساعد شاعر غني عن التعريف ،،


له حضوره الخاص فيه وقصائد يتناقلها كل مهتم بالشعر الجميل الجزيل ،،



لاهنت يا شامخ على النقل المميز





تحياتي