الناس تلجاء لراي العود بالشده لحرباش البدراني
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالله تفرج عن المهموم وتعينه=لطاش فكره وصبره واصلن حده
الوقت قاسي ويامكثر شياطينه=كلن يطرفله السكين ويحده
الرجل يتعب ويشقى ماقضى دينه=من حيث ماراح والن الهوى ضده
يهب يالوقت يامكثر ديايينه=اطيبهم اللي سمين العذر ماسده
وان قل مال الفتى كلن يبي يهينه=مير البلاء كان صار القدح بالبده
وان كان طاح الجمل كثرة سكاكينه=قامت عليه العصابه ولعنت جده
من يونس الغبن يسهر ماغفت عينه=ماله جداء كود دمعاته على خده
وراع الولع وين يلقى اللي على دينه=ليا بغى درب قال ارواح مارده
راع الولع حر يكفخ في جناحينه=ولولا الولع كان راع الطير ماهده
ومشاكس البيض ماحنا بناسينه=كيف اتخلى عن اللي نفسي اتوده
والجيل هاذا بلشنا في مزايينه=راع الولع بهذلوه وبيحو سده
والبخل بالناس يامرزوق ياشينه=مافيهم اللي يروف ويصخي المده
واللي على خاطرك منا بناسينه=لاتقول شايب مايصلح غير للكده
العود في مامضى بانت براهينه=الناس تلجى لراي العود بالشده
من لايقدر كبار السن ياشينه=وان كان جت لرجوله ذاك مانعد

[/poem]
لشاعر الكبير حرباش حمود البدراني