عشرين عام وغدى راسي كما راس عود
السلام عليكم ورحمة الله وبركاته . عذرا ً على الغياب . وإليكم بسيطتي و هي وليدة الأمس . علّها تشفع لغيابي وتحوز على القليل من إعجابكم [poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""] عشرين عام و غدى راسي كما راس عود = عود ٍ همومه تجرّه حسب خطواتها لا قال هانت همومه جاه زود ٍ و زود = ضاق الفضاء و الهقاوي باع هقواتها ضيّع شقاه وغدا زرعه بدون إمحصود = حتى عيونه عماها كثر دمعاتها وجدي وجودي مثل وجده وجودي وجود = وجدي على نفسي وعيشة معاناتها زوّار قلبي يجون القلب دايم وفود = الهم و الحزن والضيقه مع إخواتها إن جيت أطق القفل همّي يفك العقود = يعني قفول القلوب يساوي إفلاتها حالة حزن حالة فراق ٍ تبيح السدود = بالمختصر حالة ٍ ياصعب مشكاتها ما هي بضيقة هوى وألا مبادل صدود = لا والله ألا من الوحده و ساعاتها صار الفرح و الهناء عندي عدو ٍ لدود = وأحزاني اليوم قوّت بي علاقاتها أجامل الناس و أخفي ويش فيني يسود = ما ودّي الناس تلحقني بنظراتها أساير الوقت و أمشي من حدود لحدود = وما أخالف الناس لو تخلف بوجهاتها عام ٍ مضى لي وحيد أخذت أنا منه فود = درّسني إن الحياه تفيد لحظاتها حياتنا مدرسه من دون شرط و قيود = و اللي فطن للحياه يشوف وقفاتها ناس ٍ تفاخر بزود قروشها و النقود = وناس ٍ تصلّي و تدعي في صلاواتها كلا ً على همّه و خطوته رجله ترود = وكلا ً يغنّي على ليلاه دقاتها يا أبوي لو قدم وجهي درب كله سدود = والله ما عاقت الخطوه ملاقاتها حلم ٍ بغيته يصير يصير لو قيد قود = لو قدمي الناس ما طالت طموحاتها حر ٍ وحلمي حبارى زينها زين خود = لا شافت الحر تكتب قدمه وصاتها من جيتها مفرغ ٍ وقتي و كل الجهود = من شانها لجل تعطيني شهاداتها صدق المدامع تهل و جرّحت فالخدود = من وحدة ٍ عشتها يامصعب أوقاتها لكن لجل عينك أنته يا عريب الجدود = ماني بمرخي عزومي قدم شداتها والله لأضد الضدود اللي تضد الضدود = و الضيقه اللي تجيني عندي دواتها ماني ولدك إن طرحني هم فيني يزود = وألا ليا سوّت الضيقه بي سواتها شبل الأسد ما يقابل غير روس الأسود = ما عاين البسه و كثرة صغيراتها عزمي ليا حان وقت الشد شد الشدود = مايرتخي والثقال يشيل حملاتها [/poem] احترامي |
!
! حجز يا عمر |
صح لسانك يا عمر
حي ذا الحضوور و لا عاد تغيب |
،
وعليكم السلام ورحمة الله وبركاته صح الله لسانك يا عمر ولا هنت . |
عمر
صح لسانك ولاهنت مبدع كالعاده تقديري لك ،، |
عمر
صح لسانك مدد ولاهنت دمت بخير |
شبل الأسد ما يقابل غير روس الأسود
ما عاين البسه و كثرة صغيراتها عزمي ليا حان وقت الشد شد الشدود مايرتخي والثقال يشيل حملاتها كفو كفو يا عمر كتبت وابدعت صح لسانك ولاهنت ، تحياتي |
عمر
مبدع ورائع اصفق بحراره لهذا الابداع صح لسانك مودتي لك . |
اقتباس:
ولي الشرف بمرورك وحياك الله يالغالي |
جزلة ورائعة .. !
صح لسانك مدد .. والله يبيض وجهك تحياتي .. |
اقتباس:
صح بدنك يا فارس و أبشر بسعدك لاهنت طال عمرك شرفت و نورت ودّي :wardah: |
ياسلام ياسلام
حياتنا مدرسه من دون شرط و قيود و اللي فطن للحياه يشوف وقفاتها ناس ٍ تفاخر بزود قروشها و النقود وناس ٍ تصلّي و تدعي في صلاواتها صح لسانك نص جميل ومعاني عذبه لك فائق الاحترام والتقدير تحياتي |
اقتباس:
صح بدك يا بدر وشرفتني بمرورك لا عدمتك احترامي |
إن جيت أطق القفل همّي يفك العقود
يعني قفول القلوب يساوي إفلاتها عمرالدغيلبي صح لسانك قصيدة حيل جزلة تقبل تحياتي |
يسعد مساك
ماني ولدك إن طرحني هم فيني يزود وألا ليا سوّت الضيقه بي سواتها سلمت يا شبل الاسد وصح لسانك ، .. |
اقتباس:
وتسلم ياسلطان مرورك شرف واشادتك فخر لاعدمتك |
هـلابك ومرحبـا ياعمـر
طيب صح لسانك لين ترضـى وعـشت تحيـااتي |
اقتباس:
صح بدنك يا مضحي وشرفتني بمرورك لاعدمت راسك احترامي |
| جميع الأوقات بتوقيت GMT +3. الساعة الآن 03:29 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية