ناهيات الزين .. غيد الصبايا
 

السلام عليكم... اسعد الله مساكم

ابيات لها قصة وهي ان فيه رجل اسمه سعيد زميل أحد الزملاء وأنا ما أعرفه بصفة شخصية .. لكن جاني خبر عنه عن طريق زميلي أنه يتصبّح كل يوم على أحد الكليبات اللي تهيّض... وأنا دخلت على الخطـ وارسلت لسعيد هذه الابيات كمداعبة...

أقول:ـ

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسعيد ما ألومك ولانيب منلام = في ناهيات الزين غيد الصبايا
اللي تميّلهن ترانيم الأنغام= على لحون الميجنا والدرايا
لولا أنهن بالشام ما رحت للشام= لو قلت لك لبّا دمشق ومضايا
عفرٍ عطاهن ربي اشكال واجسام=وايضا فرقهن بالحلا والحلايا
وإن كان من وحده غدى قلبك اقسام= وفي حبها منتب تعدّ الخطايا
أنا عليهم صار لي خمسة أعوام = أكنّ ونّاتي وأعدّ الكوايا
[/poem]
ما انتهت السالفة ... درى ( ابن معروف ) عن الابيات وارسل لي يقول:

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ذكرتني بالشام في صدر الاسلام= يوم انزلوا فيه الحفاه العرايا
بدوٍ لقوا شيٍ يصوّر في الاحلام=ويطري عليهم في القصص والحجايا
أرضٍ تداعبها السحايب والانسام=وبيضٍ مترّفهن نعيم القرايا
وحطوا لهم فوق النهر ملك وأحكام=وأخذوا لهم منها عبيد وسبايا
واليوم صالح لو يقرّط في الابهام= ماهيب معه .. إلا بحسن النوايا
ما افزعوا لمعذّب القلب قدام =يصبح ضحية مثل باقي الضحايا
[/poem]
وعفاكم

صحت السنتكم

حضور جميل

لاهنتم


احترااامي

و
ج
د

ياسعيد ما ألومـك ولانيـب منـلام
في ناهيات الزيـن غيـد الصبايـا

اللـي تميّلهـن ترانيـم الأنـغـام
علـى لحـون الميجنـا والدرايـا


والله يا زين انه مفارقهم ولا فيهم من الحلا شي الله يصلحك


أنا عليهم صار لي خمسـة أعـوام
أكـنّ ونّاتـي وأعــدّ الكـوايـا

يا رب سترك وش عليه الله لا ياثمك اليوم معك والصبح مع غيرك الله لا يبلانا


صح الله لسانك ولسان صاحبك ولا هنت
والسموحه على المداخله أذا أزعجتك وهذا من غلاك وغلا كل مرقابي

صالح

صح لسانك وبن معروف

صح لسانك ولسان ابن معروف يا صلح

تحيتي واحترامي يا غالي

اخوك

وعليكم السلام ورحمة الله وبركاته

صالح بن هريس

صحت السنتكم

أجل خمسة اعوام ياصالح


سمعنا وسلمنا :)



صح لسانك يامبدع ودائما قصيدك يطرب

محمد بن بلال

ياهلابك باغالي

دائما يشرفني اطلاعك

تحياتي