عرفت بأن اللقا ما بعده الا الغياب !!!!
السلام عليكم ورحمة الله وبركاتة ,,,,,
اسعد الله اوقاتكم ,,, كيبورديه تقبلوها كما هــي ,,,, [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الهاجس اللى ترعرع من عذاب الضمير=يفج ضيقي مثل برقً يفج السحاب يهل هملول فكري وأكتب اللى يصيـر=جمعت من غربتي حبر وحروف وكتاب أمد شوفي واشوف الحلم وقته قصير=واللحَـق صدوف وقتي شرهتي و العتاب شاعر واحب الشعر واشوف شعري كبير=خاويت طرسي وحرفي بالرخى و العذاب ما همني لو يصغرني بحكيه صغير=مدام عند النشامه ينحسبلي حســاب ما اصغر اللى فعوله تنثيله بخير=ولا اكبر اللى يعد الناس مثل الذباب مشيت في دنيتي وركاب فكري تسير=ما ردها عن خطاويها وهي ما تهاب عرفت بأن البشر بالوقت مثل السفير=وعرفت بأن اللقا ما بعده الا الغياب يا صاحبي لا تحسب الشعر عندك غدير=كم واحدً حفيت رجوله ويتبع سـراب ما كل واحد ظهر له ريش يقدر يطير=وما كل من طار صاد الصيد مثل العقاب لا تحقر الناس والله ما يحب الحقير=أعرف ترا الحق مايعمي عيونه ضباب لا تحسبنك ملكت الكون وانته فقير=مخلوق من حفنة ترابً وترجع تراب واذا عسفت الذلول انا عسفت البعير=و القافله ما درت عن نبح بعض الكلاب[/poem] وسلاامتكم :) |
كانك عسفت الذلول انا عسفـت البعيـر
و الغافله ما درت عن نبح بعض الكلاب عبدالله رائع كالعادة .. صح لسانك ولا هنت على هذا الابداع تحياتي .. |
الله , يا سلام عليك يا عبدالله نص كأنه صدر شجاع ممتلي أوسمه .. فيه جرعه مركزه من الشموخ والسمو ما كل واحد ظهر له ريش يقـدر يطيـر وما كل من طار صاد الصيد مثل العقاب لله درك , صح لسانك صح لسانك صح لسانك ولاهنت .. أبدعت بحق إعجابي وتقديري |
ما همني لو يصغرنـي بحكيـه صغيـر
مدام عنـد النشامـه ينحسبلـي حسـاب ياسلام ونعم فيك صح لسانك × صح لسانك حضور جزل ومليء بالدرر لاهنت احترااامي و ج د |
الله الله الله ابداع قطف نحت غرف قصيده متكامله صح لساااااانك مليون تقبل مروري و د ي |
عبدالله
رائع كالعادة .. صح لسانك ولا هنت على هذا الابداع تحياتي .. |
ما كل واحد ظهر له ريش يقـدر يطيـر
وما كل من طار صاد الصيد مثل العقاب سلامي عليك قدمت شىء مميز صح لسانك |
وعليكم السلام ورحمة الله وبركاته
الله يسعد مساك يا عبدالله ويحييك هنا شعر نقي واصيل وشاعر بمعنى الكلمه صح لسانك مدد بلا عدد ودام تواصلك ، .. |
عليكم السلام ورحمة الله
ما كل واحد ظهر له ريش يقـدر يطيـر وما كل من طار صاد الصيد مثل العقاب لا تحقر الناس والله مـا يحـب الحقيـر أعرف ترا الحق مايعمي عيونه ضبـاب صح لسانك ولاهنت وتسلم على هالشامخه تحيتي’,, |
، وعليكم السلام ورحمة الله وبركاته ابدعت يا المهلكي وامتعت الله لا يلجمك قصيدة طيبه تستاهل المرور والقراءة صح الله لسانك ولا هنت وفقك الله . |
عبدالله المهلكي :_
صح لسانك .. صح لسانك .. صح لسانك .., متابعتكـ .. حتميه يابو عابد ..:) في إنتظار كل جديد .. وقادم .. بشغف .,, ,, ,, |
الغالي محمد بلال
صح بدنك ومرورك شرف تحيات اخوك :؛؛. |
الغالي مطلق الجبعاء
ماعليك زود ومرورك غير يعلم الله صح بدنك وتشرفت بهالمرور تحيات اخوك :؛؛,, |
وجد
الله ينعم بحالتس صح بدنتس ومرورك اسعدني تحيات اخوتس:؛؛’’ |
عبدالمحسن
الابداع مرورك طال عمرك احرجت اخووك بالكلام الطيب تحياتي :؛,, |
عبدالله المهلكي
أبدعت صح لسانك , وسلمت يمينك أعجابي , ومتابعتي لك كل الود |
اقتباس:
ومعها حبة خشم بعد ..!! |
لله عليك ياعبدالله ما همني لو يصغرنـي بحكيـه صغيـر مدام عنـد النشامـا ينحسبلـي حسـاب صح لساااانك على كل حرف |
ما همني لو يصغرنـي بحكيـه صغيـر
مدام عنـد النشامـه ينحسبلـي حسـاب كفو .. صح لسانك يا عبدالله |
الغالي فهــد
صح بدنك والتميز مروورك شــرفتني يا الغالي تحيات اخوووك :؛,, |
اقتباس:
أخــوي سدااح حي هالطله واللــه صح بدنك لا عدمناك ولا هنت على الكلام الطيب اللى اخجل اخووك ومرورك شــرف ووسام ,,, ويعلم الله انه غيــر لاهنت على المرور اللى زادني شـرف و زاد القصيده جمال تحيات اخوووك :؛,, |
شاعرة نجد
صح بدنج يا الغاليه ومرورج الرووعه و الجمال تحيات اخوووج :؛, |
| جميع الأوقات بتوقيت GMT +3. الساعة الآن 09:24 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية