ماله أنداد
 

من الأرشيف المرمس بعد : )


قصيده في أخي / سلطان بن فرحان القعيّاني السميري العتيبي


[poem=font="Simplified Arabic,5,darkblue,bold,normal" bkcolor="transparent" bkimage="" border="double,1,black" type=1 line=1 align=center use=sp num="0,black"]
الصاحب اللي بالغلا ماله أنداد=أزريت أعبر عن غلاه بقصيده
ياما كتبت من التعابير مافاد=أكتب وأعيد أرجع وأسوي جديده
وليا إنتهيت وقلت راع التفق صاد=وإليا الكلام اللي نقوله نعيده
وأقوم وأحلف بالولي سيد الأسياد=إن النشيده مابعدها نشيده
لأني دريت إن الغلا فالحشاء زاد=زود" يكود اللي يريد تحديده
غلا خوي" كل ماقال نشاد=وش هالخوي اللي حباله جويده
قلت الوفاء طبعه وبالجود جواد=والطيب مع دمه ومجرى وريده
سنايدي من دون عايد وعياد=وأخوي لاحكت حديده حديده
وإن جاء نهار" فيه بارق ورعاد=عضيدي الصامل وأنا أيضا عضيده
ذكره ينومسني على روس الأشهاد=وأفخر بعرفه وأستزيد بمزيده
ماوالله أسمع فيه مبغض وحساد=وإني ما أساوي به خطاة البليده
اللي كما الصفر الشمالي فالأعداد=لازاد رقم ولانقص من رصيده
هذاك أجنب عنه وإن حدر الواد=أرقى سنود ونظرتي للبعيده
وألا ولد فرحان فالماقف الجاد=يآرد مواريد الخطر ماتكيده
عز الرفيق وللعدو سمّ الأكباد=الساطي الحر العديم الوليده
سلطان خير اللي مسك سلم الأجداد=ومن طيب حظه طيب جده يزيده
جده حليف الجود ضدّاد الأضداد=يوم السنين القاسيات الشديده
خلّد لربعه مع هل المجد الأمجاد=طيب وكرم وأخلاق دين وعقيده
وأبوه ريف الضيف ملفا" للأجواد=شيخ" ورث شيخ" سميي حفيده
دايم وضيفانه على البيت رواد=وإكرامهم عنده مثل يوم عيده
وغير السمين وغير دله وبراد=يلقون ترحيب الوديد بوديده
ربع" لهم قاله وأهل درع وشداد=وأهل السجايا الطيبه والحميده
قعوان ماقفهم على غيرهم كاد=حمّاية البيرق نهار الوعيده
وأنا لوأكتب من شروره لبغداد=يكفي عن الموضوع جمله مفيده
شيخ" يعد إسمي مع [أحمد ومسعاد]=وإسمه مع إخواني جعلت تعديده
عزالله إنه بالغلا ماله أنداد=وفيه القصيده ماتسمى قصيده[/poem]



وسلامة الجميع

تسجيل دخول لهذه الدره التي ازدان بها سماء المرقاب

سلطان بن حامد

كتبت قصيده ليست كالقصائد ، والممدوح يستاهل الطيب كله

احببت ان ابدي اعجابي شديد اللهجه بما كتبت :)


دم تا / بخير

سلطان حامد


ياسلام عليك وعلى قصيدك .. :)


صح لسانك ..!!!

أقسم بالله انها من عيون المدح
ومن نوادر قصيد الرفقه والاخوّه

قصيدة فوق الوصف يا سلطان بن حامد

ويستاهل من كتب فيه بلا شك لأننا جميعا نشعر بصدق معانيها زود ٍ على سبكها وحبكها الرائع بحق

صح لسانك عدد حروفها يا مبدع ،،،،

..

خلّد لربعه مع هل المجد الأمجاد
طيب وكرم وأخلاق دين وعقيده
وأبوه ريف الضيف ملفا" للأجواد
شيخ" ورث شيخ" سميي حفيده
دايم وضيفانه على البيت رواد
وإكرامهم عنده مثل يوم عيده
وغير السمين وغير دله وبراد
يلقون ترحيب الوديد بوديده




عز الله العزيز انك كتبت واجدت وأرويت ذوايقنا



صح لسانك



ويستاهلون النشاما المدح

كنت متوقـع إني بقرآ ][ قصيـده جميله ][ هُنآ ! من رأيت إسمك يآصديقي الغآلي / صح لسـآنك ولآهنت علىآ روعة طرحك وأكيد إنه يستآهل المَدح ..! ولآعآد تبطي علينآ بأي شي ][ حصري / قديم / أرشيفي / المهم نقرآ لك ][ !

الله الله ياحامد صح لسانك مدد..عزالله انها كايفه ..لاهنت لاهنت..

سلطان خير اللي مسك سلم الأجداد
ومن طيب حظه طيب جده يزيده


ابن حــامد

صح لساااااااااااااانك ولاهنت

واااااااااااافي

الارشيف ثري مار لاتخلي فيه لو بيت هااته

ابدااااااااااااااااااااااااع

حجز رقم ( 10 )


لله درررك

الله الله


صح لساك يا سلطان ولا هنت

ويستاهل الممدوح

صافي و وافي

لله درّك

تقديري وتحياتي

دايم وضيفانه على البيت رواد
وإكرامهم عنده مثل يوم عيده
وغير السمين وغير دله وبراد
يلقون ترحيب الوديد بوديده



كفو كفو

يستاااااهل . . . . .

صح لسانك يابن حامد

ابدعت وامتعت

سلطان بن حامد

يستاهل المدح راع العلم الغانم ونعم فيك وفي ولد سامر

وصح لسانك لين ترضى على ها الجزلة كاملة الدسم

تحيتي وتقديري .....اخوك

http://www.al-wed.com/pic-vb/10.gif

سلطان حامد
المرمس على حد قولك
ذهب لم يختلف بل زاد سعره في خضم متعاني الساحة من
نص راقي
جزالة
وحبكة شاعر
لاهنت

يستاهل اللي هذي علومه يا سلطان

صح لسانك وبيض الله وجهك

تحيتي ومتابعتي ياغالي

اخوك

سلطان



ياسلام عليك


صح لسانك مليوووون عز الله قصيدة كايفه ..


لك فائق احترامي وتقديري ...!!