لوطعت نفسي والهوى شيبوبي " قصيدة مناسبه خاصه "
 

مشاركتي في حفل الشيخ / مثقاب بن وصل الهديبي المقاطي العتيبي وتعيينه شيخا ومعرفا على ربعه ذوي بعيجان من الهدبه ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله ياللي من ترجــاك مـــــا خاب = ياغافر الزلات تغفر اذنوبي
اعن القدر مـــال المخاليق مجناب = منك واليك الملتجى والهروبي
اسالك التوفيق يارب الارباب = يالمطلع علام خافي الغيوبي
وأفرج لمن هو عارضه مابعد شاب=لوطعت نفسي والهوى شيبوبي
لكن أسج الرجل بحدود الآداب = عقلي دليلي واتنقى دروبي
سلام والروقي عن الحفل ماغاب =بعد دعيت وجيت اكمل وجوبي
حضرت أشارك لأجل أبارك لمثقاب = شيخٍ قبل ختمه تراه محسوبي
من روس قومٍ لاافتلوا روس الاشناب = جنابهم بين الرجال مهيوبي
شـــيخ تربى بين ابــوزيد وذيـــاب = جده وابوه محلحين النشوبي
ورثة جدود وصـــار للحق طلاب = شمس الحقيقة ماكسفها الغروبي
والبيت عزه في عموده والاطناب= وفيه الذرى مهما تهب الهبوبي
والختم ماهو بشت وعقال وثياب = ولاهو ركوب اخر مديل الجيوبي
حملٍ يهد الحيل من زود الاتعاب = احدٍ يشيل الحمل واحدٍ يحوبي
الله يعينك تعــــتلي كل مــــــرقاب= برضاك ولا فاللزوم مغصوبي
وانته كفو وان جيت اعدد فالاسباب= افعول يمناك الطليقه تنوبي
ووجهك وجاهك قدمها يفتح الباب = للخير ولا الشر عنك محجوبي
وبعد النظر ميزة عريبين الانساب = والا الجهـــل راس البلا والعيوبي
ومن حشمتك ياللي للامجـــــاد كساب = انته وربعك طيبين السلوبي
جوك المشايخ والقرايب والاصحاب = من شرقٍ وغرب و شمال وجنوبي
الله عطاك جناح حـــــرٍ ومخـلاب=و جنبٍ تداحم به كبار الجنوبي
عتيبه الهيلا مطوعة الاصعاب = حتى لوان الارض تشتب شبوبي
يوم انها برماح وسهوم وحراب = وسيفٍ من دمي العداة مخضوبي
مواقف تشرّف وتاريخ جذاب = يوم ان احد غلاب واحد مغلوبي
واليوم عم الخير والامن جلباب =والبرق لاح فمرزمات النصوبي
ماكنه الا السيف قطاع الارقاب =اللي عن دروب الخطا ما تتوبي
في ظل زيزومٍ على شعبه حجاب = عن الفتن والمهزله و الكروبي
اله المحبه والولاء بعد الاعجاب = مليكنا اللي عاش وسط القلوبي
وحنا جنود الدار ونضد الارهاب =وكل القبايل مثلنا والشعــــوبي
ونجــدد البيعه شباب ٍ وشيــاب = تحت الطلب في السلم والا الحروبي [/poem]

صح لسااانك

جزل جزل جزل لله درك


تحيتي ,,,

صح لسانك يا غلاب ،،

وبيض الله وجهك.

الله الله الله

غلاب بن عايض

شاعر كبير وشعر رائع وحضور فارق

يالله ياللي مـن ترجـاك مـا خـاب
ياغافـر الـزلات تغفـر اذنـوبـي
اعن القدر مـال المخاليـق مجنـاب
منـك واليـك الملتجـى والهروبـي
اسالـك التوفيـق يـارب الاربـاب
يالمطلـع عـلام خافـي الغيـوبـي
وأفرج لمن هو عارضه مابعد شـاب
لوطعت نفسـي والهـوى شيبوبـي
لكن أسـج الرجـل بحـدود الآداب
عقلـي دليلـي واتنقـى دروبــي

مطلع جميل وحكمه وتمكن , ورجاء لمن مايخيب من ترجاه


سلام والروقي عن الحفـل ماغـاب
بعد دعيت وجيـت اكمـل وجوبـي
حضرت أشارك لأجل أبارك لمثقـاب
شيخٍ قبـل ختمـه تـراه محسوبـي
من روس قومٍ لاافتلوا روس الاشناب
جنابهـم بيـن الرجـال مهيـوبـي


كفووو كفووو يابن عايض

تقبل اعجابي

غلاب بن عايض

أرحب وصح لسانك وسلم راسك على هالقصيده الجزيله الثمينه

ويستاهل المدح راعيه .




اعجابي وتحيتي ومحبتي :)

:)

الرقم الصعب

ابو عايض .. صح منطوقك .. جزل وابا الجزلات ..


تحيتي يالغالي
:)

غلاب عايض

تجدد دايم وسبايك ذهبيه تتحفنا بها دوما

لافظ فوك... جزل والجزاله تماري بك

تمنيت اني حاضر عشان اصفق لك يابو عبدالله.....

على كل شي رايح اصفق لك حتى لو كان ؟؟؟؟؟

تحياتي وتقديري دوما

ابو عايض


ياسلام عليك


صح لسانك مليووون.

لك فائق احترامي وتقديري ...!!

ما قصرت يا غلاب ويستاهل الممدوح وانت تساهل العلم الغانم


وصح لساانك

ناصر المرشدي

هلا بحضورك الذي لايشبهه الا حضور النور

صح بدنك ولاعدم ولاخلا ,,

اخوووك ,

محمد الايداء الله لايهينك

وتسلم على المرور والاطراء ,

اخووك ,

بدر العجمي

صح بدنك

لاعدمتك يالغالي

اخووك ..

محمد مرزوق السميري

رايك يهمني واطرائك يشرفني لاعدم ولاخلا ..

اخوك ..

غلالالالالالالالالالالالاب بن عايض




صح لسانك واعتلا شانك

قصيده

اكبر من المدح



تحياتي لك

عبدالاله المقاطي

صح كلك لاعدم ولاخلا ...

اخووك ..