كــــــــــف يــــــــدها
[align=center]،[/align][align=center]
،، السلام عليكم ورحمة الله وبركاته *** قصيدة تتحدث عن فعل ... وردة ... فعل لكنها .. لا تساوية بالمقدار .... ردة فعل .... لكنها حاسمه كضربة سيف .... من يد .... ثابته ..... لا ترتعش ...... قصيدة بعنوان ... كــــــــــف يــــــــدها ، ،،،، شافها بالعين ظبي ٍ شــارد ٍ وجل ٍخلاوي كنـها بــدرٍ يشع النـــور من فتنة جسدها *** بنت أملود ٍ طويله ناعمه بيضا تساوي نظرة ً منها حيـاته كلها مهما وردها *** كانت الساعه ثمـان ونص أو ذيك الحراوي من مسـاء ٍ كل نسـمه بـارده حـره طردها *** اصبح السوق بعيونه من جميع الناس خاوي مايشوف احــد ٍ سواها فـاتنه تمشي وحدها *** بـنـت تسترها العبـاة وطبعها طبع ٍ حياوي يفرضه إسـلامهــا اللي عزها واعلى بلدها *** قـام يتبعها عيــون وجسم وافكار وخطاوي كنـه من اقرب أهلها زوجها والا ولدها *** وابتدا ينسج خيوطه ، استعد وكان ناوي وانتهى من كل فكره عقل شيطانه عقدها *** والخيال اللي تصور عشق ترويه الحكاوي أسكرته احلى المشاهد في حياة ٍ ما شهدها *** كوكب ٍ ماشاف مثله ، عالم ٍ ماهو سماوي ثــورة ٍ تشــعل حطبـها كل رغبة ما وأدها *** قرب وكتـفه يلامــس كتـفها الغض النداوي أبعدت والخوف يرسل عاصفه يرعد رعدها *** كرر الفعله جـراءه أو تهـور شخص غاوي قبـل مـا يرمي عليـها رقــم جواله بعدها *** فاجأته بـرد حاسـم تحتــرق فيه الرجاوي والتهب خــده بصفعه كاسحه من كـف يدها *** طاح في شر الفعال السـود وشراك البلاوي والثمـار اللي زرعها ابليس باعماقه حصدها *** ماتخيل كيف شكله والخجل ماهوب ياوي والفشيله منــه تشفي غلــها تطلع عقدها *** من تعاسـة حـظ ذاك المغرم الصب الهواوي إن عيـنـه يـوم رب الكـــون بالشوفه قردها *** شاف لـه بنت بدويـه ماتخاف ولا تراوي بنت عــز وكل حــق تاخذه من (كـف يـدها) . ***الشـاعره: بــدر البــدور[/align] |
صح لسانك
ولا شلة يد البدوية .... ويستاهل الكف اللي اكله تحياتي |
فاجأته بـرد حاسـم تحتــرق فيه الرجاوي
والتهب خــده بصفعه كاسحه من كـف يدها عساهـ كف ٍ مايجيه العَطَب نصّ مُتألِّق, وقيمه ساميه سلمتي ودمتي يابدويه يا أصيله تحياتىىىىىى لك |
***
شاف لـه بنت بدويـه ماتخاف ولا تراوي بنت عــز وكل حــق تاخذه من (كـف يـدها) صح لسااانك بدر البدور سينارست جميل ونص فائق الروعه اجمل ما في القصيدة انها تحكي واقع بعض الشباب الله يهديهم صح لسانك |
جميله يا بدر البدور
صح لسانج ولا هنتــي تحيات اخووج |
شاف لـه بنت بدويـه ماتخاف ولا تراوي
بنت عــز وكل حــق تاخذه من (كـف يـدها) . صح لسانك .. ولا هنت تحياتي .. |
بدر البدور
عسى يدها والله مايجيها العطب صح لسانك مليوون .. لك فائق احترامي وتقديري ...!! |
صح السانك
قصيده رائعه في قمه الروعه |
الله عليــكـ يا بدر البدور
صح كلك والله ولا شلت يد / البدويه |
بدر البدور
قصيده تروي حكايات وليست حكايه فقط صح لسانك واعتلا شانك امطرتينا بابداعيه راقيه من يشد الخيال تتشعب فيه الافكار ومن هذا المنطلق لدي ملاحظه بسيطه قد تكون صائبه او خاطئه فاذا كانت صائبه ارجو قبولها وان كانت العكس آمل التوضيح لكي نعرف مالم نكن نعرف الملاحظه وهي لاتنقص من جمال النص شاف لـه بنت بدويـه ماتخاف ولا تراوي بنت عــز وكل حــق تاخذه من (كـف يـدها) ((كل حق تاخذه من كف يدها)) هذا ليس مكانها لان البنت الاصيله لا تبطش بيدها وانما لها رجالً ياخذون بحقها فمن صفاة البنت الاصيله الحياء الذي قل مانجده في عصرنا الحالي واخبار اهلها بما حدث. هذا فقط ما وددت ان ابينه ولكي مني جزيل الشكر والعرفان |
يا سلاااام صح لساااانك يا بدر البدور قصيدة رائعة بموضوعها وبتصويرها وبكل ما فيها تحياتي لكِ |
شاف لـه بنت بدويـه ماتخاف ولا تراوي
بنت عــز وكل حــق تاخذه من (كـف يـدها) . صح قلبك .. ولا هنتي تحياتي .. |
| جميع الأوقات بتوقيت GMT +3. الساعة الآن 06:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية