القــاروره !
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قام حظـك يا هواجيسي المرتاحه = اللحن جبّار والقافيه مجبوره
ما علي من القلم وأخته المساحه = القلم معذور وأخت القلم معذوره
قدحةٍ من فكر ماهي من القداحه = يوم كلٍ يخرج حكاه من حنجوره
جيت والرايه بعلم الوفا لـوّاحه = عقــّب اللي رايته ماهي بمنشوره
جيـّتي تقدير ماهي طـرب وسياحه = في رضا اللي لا وقف وقفته مذكوره
ودّي أسولف معه سالفه فـوّاحه = ننثر المجموعه ونجمـع المنثـوره
والحكا ما ضيّق الخطـّر المنساحه = والبليد إليا أبتلش يمسح الصبوره !
عنده البندوره وعنـده التفاحه = يبلع التفـاحه ويبلـع البندوره
من يقول كفوف بقعا كفوف الراحه = ودك إن بقعا تشله وتفـلج زوره
سيّحو الساحات تسييح ساحه ساحه = وثارو الثوّار والثوره أمحق ثوره
العوض يا راعي الطير في ملواحه = قد فقد قبلك سليمان أعز طيوره
بس قم وإليا سمعت المغني لاحه = ومن نشد قل طالبك خلها مستوره
العلوم مصلّـحه والزمان رياحه = طيّـرت في دربها البشت والتنـوّره
مزحة السارق ولا سـرقة المزّاحه = وطيحة الطـاير ولا فـزة المطيوره !
آفةٍ من حل في دربها تجتـاحه = مرّةٍ مغمـوره ومرّةٍ مشهـوره
خشمها منـلاف وعيونها ذبّاحه = لعنبوها كل ما أخذت عليهم دوره
يعني المسرى فرح والغبيش نياحه = وإضحكي يالقاهره من بكا المنصوره
لو بحر جده يعانق جبال الباحه = ما نقز تثليث لمعانق الجـافوره
يعني الموجز يكفــّي بلاش إيضاحه = مايموت العود حتى تموت جذوره
راس مال الشاعر الشعر وأما أرباحه = سمعته شعبيّته وقفته جمهـوره
لكن اللي راس ماله ماْغير صياحه = وش على العقـّال من ربحه ومخسوره
لو على الشاشه بدى ماسكٍ مسباحه = مسـكة الجـزار للصيـخ والصاطوره
والمشاهد من ورى الشاشة الفضاحه = قال تكفون أكتمو الصوت خلّو الصوره
كل بابٍ ينقفـل عندنا مفتاحه = وعينـه السحريّه تغـازل المكسـوره !
المغطـّى بان والدلو يا ميـّاحه = قبل ميـّاح الدلي يشرب النافوره
كبتـن الطيـّاره مخاوي المـلاّحه = وكبتن النادي مخاوي عيال الكوره
وش نبي في ماردٍ طافيً مصباحه = ما بقى إلا هي نسدد له الفاتوره
كل قاروره مصـمّم لها فتــّاحه = إفتـح القاروره إلاّ إكسـر القاروره !
[/poem]

ناصر الاحمري


صح لسانك شاعر مبدع الى اقصى الحدود


وشاعر رمزية خطير

تقبل تحياتي

هلا يا بو يحيى ومسهلا

وصح لسانك وسلمت ،،

..

وش نبي في ماردٍ طافـيً مصباحـه
ما بقى إلا هي نسـدد لـه الفاتـوره
كـل قـاروره مصمّـم لهـا فتّاحـه
إفتح القاروره إلاّ إكسـر القـاروره !



/
\


يـآ سلألألألأم ع الإبدآع والجزآله الفآئقه / الله لآيضرك وصح لسآنك وفإنتظآر المزيد ..!

ناصر ...


صح الله السانك وعز الله انها قصيدةً جزله ..


سجل اعجابي .. !

اي والله انها مقدووحه من رااس صاافي


الله لا يضرك



صح لسانك مدد بلا عدد

ولا هنت


تحياتي لك


اخووك

ناصر الاحمري


صح لسانك .


لك فائق احترامي وتقديري ...!!

هلا اخوي ناصر
صح لسانك لاهنت

الوكيد ياناصر انك تقعد الراس

لله درك

،


صح الله لسانك ولا هنت



،

ناصر

صح لساااااااااااااانك ولاهنت

تحياتي