,,؛؛: مـكــنـون الضــمــيـــر :؛,,
السلام عليكم ورحمة الله وبركاتة ,,,,,
, , هنا أضع أحاسـيسـي وماتوحــى عليّ الخواطر , , والأحاسيس لاتحتاج إلى مقدمات , , |
[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يسامح دمعتـي يـوم طاحـت=هاضت على ذكرى طوتها المشاوير غاضت من بروق الغلا يوم لاحت=وهلت من عيون الشقاوي تعابيـر تنقض جروحي و المعاليق باحـت=وقامت تفل اللى مضى بالتصاوير يطري علي فراقهـا يـوم ناحـت=تشكي من الحيلـه وقـل التدابيـر أومت بيدها يا عرب ثـم راحـت=صدت وانا في داخلي الف تفسيـر جيت اتكلم ,, لكن العين صاحـت=توده على ركبً خذوهـا المناعيـر شبت عيوني من قهرهـا وفاحـت=وصارت دموعي للطواري مباخير انا ادري ان دروب خلـى تناحـت=عني ولكـن لـه معـزه وتقديـر على جبين القلب بالشـوق ناحـت=أسمـه ويفدونـه جميـع الغناديـر والله يسامح دمعتـي يـوم ساحـت=غاضت على ذكرى طوتها المقادير [/poem] |
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو كانت الدعوى على ما تمنيت=ماتنزل دموعك على شان فرقا [/poem] , , |
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دعاني الشوق لعيون الحبايب=وجيت اسووق خيلي و الركايب اوردها على بير المحبه=واصدرها مع هبوب الهبايب[/poem] , |
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرات أحـس اني من الضيق مخنوووق=ومرات أحس اني مضيـَق على الضيق[/poem] , |
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غريب بالدنيا ولا عندي رفيق=عايش مع العالم وكني مغترب اعافر همومي ولا خفت الطريق=والقلب من كاس الموده ما شرب[/poem] , |
ابيات متواضعه أرسلتها الى اخوي الكبير و الشاعر عبدالله الثبيتي ,,,
تحكي عن نفسها [poem=font="Simplified Arabic,6,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حسبي على بعض السلوم اللي ترد العاشقين=كم واحدً منها فقـد عقلـه وضيـع مذهبـه أقرب يا بوتركي وانا خابرك بالدعوى فطين=اخذ علوم اللى صبر ما بيَن الوقـت اتعبـه دنيا غريبه خلت المؤمن على حظه حزيـن=تقتل طموح اللى سعـى وتحطمـه وتعذبـه وش حيلتك لا صارت الدنيا مع الهم الدفين=تلوي ذراعك لين راسك يستوي مع منكبـه اللى يحجَر غايتك ماشي على درب اليقيـن=حقه معه لا صار حقـه فارضينـه بنسبـه البارحه هزتني الذكرى على ذيـك السنيـن=منها قدحت الشوق من عيني وشبيت حطبه سرتني اشواقي على درب المحبه و الحنين=وأخذت افل اللى مضى بالذاكـره وارتبـه يطري علَي اللى يحلَي ضحكته غمازتيـن=ابو العيون اللى بلا قلبـي وبالحـب اسلبـه اخر لقانا ماتت الضحكه وطاحت دمعتيـن=قال اشرب الفرقا وانا ياخوك عيت اشربـه قلت الصبر قال الصبر عيا يفيد الصابريـن=أمحجره وسلوم جداني معـا سلمـك شبـه صديت عنَه خايف دموع المحاجر لا تبيـن=جرح المحبه ما يحسه غير واحـد جربـه حسبي على بعض السلوم اللي ترد الوافيـن=كم واحدً منها فقد صبره وخلـص مزهبـه اسلم وسلمي يابو تركي وربعـك غانميـن=ثبتان روق اللى من الهيلا نسبـك اتعربـه [/poem] |
[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مالي على الدنيا مشاريه وحقوق=ولاعقدت سود الليالي حجاجي [/poem] , |
[poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما يفيد العذر لو مابه سماح=ومايحس الجرح غير مجربه[/poem] , |
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا نفس كفي لا تزيدين الاوجاع=كافي سنه ودموع عيني تهلي ماني على وصل المواليف طماع=ودي بنظره والبلا ما حصلي [/poem] , |
[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الكون غيم وهلت الغيمه مزون=والجو صافي و الهوى ما بعد هب والشيخ صلى و المخاليق يدعون=زدنا وبارك وارحم الناس يا رب[/poem] , |
[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آه من جور الليالي و السنين=وآه من عينً تهل دموعها من متاهات المحبه و الحنين=المشاعر ميته من جوعها ماعذرت القلب لو عذره سمين=كيف عقب البعد عاف رجوعها[/poem] , |
[poem=font="Simplified Arabic,6,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهاجس اللى ترعرع من عذاب الضمير=يفج ضيقي مثـل بـرقً يفـج السحـاب يهل هملول فكري وأكتب اللـى يصيـر=جمعت من غربتي حبر وحروف وكتاب أمد شوفي واشوف الحلم وقتـه قصيـر=واللحَق صدوف وقتي شرهتي و العتـاب شاعر واحب الشعر واشوف شعري كبير=خاويت طرسي وحرفي بالرخى و العذاب ما همني لو يصغرنـي بحكيـه صغيـر=مدام عنـد النشامـه ينحسبلـي حسـاب ما اصغر اللـى فعولـه تنثيلـه بخيـر=ولا اكبر اللى يعد الناس مثـل الذبـاب مشيت في دنيتي وركاب فكـري تسيـر=ما ردها عن خطاويها وهي مـا تهـاب عرفت بأن البشر بالوقت مثـل السفيـر=وعرفت بأن اللقا مـا بعـده الا الغيـاب يا صاحبي لا تحسب الشعر عندك غدير=كم واحدً حفيت رجولـه ويتبـع سـراب ما كل واحد ظهر له ريش يقـدر يطيـر=وما كل من طار صاد الصيد مثل العقاب لا تحقر الناس والله مـا يحـب الحقيـر=أعرف ترا الحق مايعمي عيونه ضبـاب لا تحسبنك ملكت الكـون وانتـه فقيـر=مخلوق من حفنة ترابً وترجـع تـراب واذا عسفت الذلول انا عسفـت البعيـر=و القافله ما درت عن نبح بعض الكلاب [/poem] , |
[poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أستلت عيني مع جنح الظلام=جفنها و الهم في قلبي سخط واستدار الفكر يم وجه الغرام=عاتبه بالشوق فحروف النبط صاحت الذكرى على درب الهيام=وطاحت الدمعه ,, وطيحتها غلط !![/poem] , |
[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهزني بالعرس ياكود حاجه=دمعة فرح طاحت من عيون أمي!![/poem] , |
[poem=font="Simplified Arabic,6,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهنوف اللى هجتني بالكلام=هلت حروف العتب بدموعها [/poem] , |
[poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ناح الحمام وجر صوته بالاغصان=مدري طرب ولا من الشوق يسجع من ضيقتي جاوب صوته بالالحان=أشكي من الفرقا ولفراق يفجع راحت سنه وشهور والحال تلفان=مدري متى محبوب عيني بيرجع [/poem] , |
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صدت وقالتلي أشووفك على خير=والخير كله صد من يوم صدت من بيننا حالت ظروف المقادير=الله يستر من ظروفً تحدت ما يوصف الخافي حروف التعابير=القلب ضايق و المحاجر تردت[/poem] , |
[poem=font="Simplified Arabic,6,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العين تبرق و الخوافي كثيره=وإن شلت حمل السبت وشلون الأثنين مدري ولكن خطوتي مستخيره=يا رب تحفظ دمعة العين بالعين [/poem] , |
[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فزيت من نومي وسيده على النت=شبكت ادور صاحبي يمكن القاه[/poem] :) , |
[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
النفس طابت ,, و المخاليق يرجون=منـي كـلام ولا نطقبـه لسانـي ماشي مع العالم على غير مظمون=ومصفي النيه مـع اللـى بغانـي أساير البسمـات و الهـم مدفـون=في قلبي اللى مـا هنـا بالمحانـي أجر صوتي و الهواجيس يوفـون=وأبعثر اللى داخلي بالمعاني[/poem] , |
مجرد مداعبه مع أحد الاصدقـاء :)
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياليتني تاجر وعندي عماير=والبنك يحشم لحيتي لا نصيته عهدً علي اني لا أكب الزقاير=وأجيب كل اللى بنفسي بغيته[/poem] |
| جميع الأوقات بتوقيت GMT +3. الساعة الآن 12:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية