الهاجس ... !
 

السلام عليكم ورحمة الله وبركاته


متواضعه عل وعسى



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سبحانك اللهم ياعالم بسدات الغيوب = احطت علم بكل شيٍ ياوسيع المقدره
ابدى بذكرك قبل مبدا القول واستغفر واتوب = واخشى عقابك وارتجي رحمتك دنيا واخره
يارب انا اللي شال مالا يستطيع من الذنوب = ابوء لك بالذنب واطلبك العفو والمغفره
ادعيك في دعوى شفيع الخلق واعز محبوب = يارب تشرح صدري وامري طلبتك تسره
وّفق لساني للكلام اللي تلب له القلوب = اللي عروقه مغدقه واللي فروعه مثمره
لي هاجسٍ قد سل حالي واستهم من الخطوب = نفض كيان الروح لين احكم عليها السيطره
اصبحت في حكمه اشب النار واشن الحروب = مجند افكاري تحت رايته وامشي في ثره
لاهبني من رايح الغربي ذعاذيع الهبوب = اسمع لصوته من ورى الضلع القصيّر زمجره
احيان ينهج بي عن الضيقه مع وساع الدروب = واحيان اشوفنه يضيق خاطري ويكدره
ياليتني يوم اتغنى به على اللحن الطروب = في ليلن اظلم من ظلامه والنجوم مبعثره
يخجل على دمه ولا ينتابني نوبه ونوب = هو بس يتركني بحالي والامور ميسره
لو ماتفقنا نتفق مافيه غالب ومغلوب = وان راح ماجاب إخبري بآروح ماجبت إخبره
الوقت داير والفلك دوار والعمر محسوب = واكذب على نفسي لاقت العمر ماراح اكثره
اقولها والشعر ماهو عيب من ضمن العيوب = لاكنه اللي قد عطيته جلّ وقتي واهدره
[/poem]



وسلمتوو,,

لاهبني من رايح الغربـي ذعاذيـع الهبـوب
اسمع لصوته من ورى الضلع القصيّر زمجره
احيان ينهج بي عن الضيقه مع وساع الدروب
واحيان اشوفنـه يضيـق خاطـري ويكـدره

الله واكبر

الوقت داير والفلـك دوار والعمـر محسـوب
واكذب على نفسي لاقلت العمر مـاراح اكثـره
اقولها والشعر ماهو عيب من ضمن العيـوب
لاكنه اللي قد عطيتـه جـلّ وقتـي واهـدره

ياسلام يافراج

والله صح لسانك وصح فكرك

ابداع وكلام جميل ... وأعتراف مسؤول

احس انك تكلم عنّي في كل فكره تمرّها .. عشتها من جد

تحياتي ياغالي

الوقت داير والفلـك دوار والعمـر محسـوب
واكذب على نفسي لاقت العمر مـاراح اكثـره

الله المستعان ...
جميل أن يقف الإنسان مع نفسه وقفات تأمل في ما قد مضى وفي ما هو آت .
ووقفة الشاعر المسلم تختلف كثيراً عن وقفة غيره .
قصيدة مؤثرة جداً وموعظة بطريقة غير مباشرة .
صح لسانك يا السميّ ولافض فوك .

صح الله السانك يافراج

والله انك مبدع لله درك

ياهلا ويامسهلا بالجزالة وراعيها

عز الله انها درة من الاستهلال لين القفلة

صح لسانك على ها الفاتنة كثر ما فيها من الابداع والاحساس الصادق

تحيتي وتقديري واعجابي المعتق....اخوك

الغالي ابن هريس


اسعدني اطرائك الطيب


لاعدمتك

الغالي نايف المقاطي


ابقاك الله وصح بدنك ولاهنت

واشكرك كل الشكر على التنويه الهام

وهذا ان دل دل على حرصك على الخير وانا اخوك

وانا هنا اطلب من المشرفين تعديل شطر البيت حتى يتسنى لي السوال

التعديل

(( ابدى بذكرك قبل مبدا القول واستغفر واتوب ))


لاعدمتك

..

..

الله
الله
الله


الوقت داير والفلـك دوار والعمـر محسـوب
واكذب على نفسي لاقت العمر مـاراح اكثـره



فراج العتيبي


واحلالاه يالزمتك هههههههههه

ابك انت وين انت غاطس

شاعر

وجزل

ومفكر << خابرها هههه



صح لسانــــك ولاهنت




دمت بخير


















حي هالخشيم اي والله

ماشاء الله تبارك الوهاب

عليكم السلام ورحمة الله وبركاته
هلا بالشاعرالمبدع فراج العتيبي

ما أصدقها وما أجزلها وما اعذبها

تهز الروح وتدخل القلوب بلا استئذان
والله انها من اجمل ما قرأت من الشعر .. فيه خشية المسلم وابداع الشاعر وصدق الاحساس

صح لسانك عدد حروفها اي والله ،،

اقولها والشعر ماهو عيب من ضمن العيـوب
لاكنه اللي قد عطيتـه جـلّ وقتـي واهـدره




فراج



صح لسانك


تحياتي

صح لسانك

وبيض الله وجهك

وسلمت على هالرائعه

فراج العتيبي



ياسلالالالالام عليك




صح لسانك مليووووون .


لك فائق احترامي وتقديري ...!!

لكنه اللي عطيته جل وقتي واهدره

ياسلام عليك يا فراج



صح لسانك الف ولاهنت على هالثمينه .

السميّ

صح الله بدنك ولاهنت