قصايدنا في مهب الريح
هذي قصيدة تطابقت في كم شطر مع قصيدة لي ... ولا أعتقد انها عفوية ... يعني فيه واحد لاطش من واحد ...<<<<< شك في نفسه
القصيدة في موقع ( مجالس بني هاجر ) بإسم الشاعر ( راشد بن جفن الهاجري ) .. ويقول راشد : ياهاجسي هيا على منبـع الطيـب لاجيت عند اهل المكـارم عربهـا ساس الكرم من غير شك(ن)ولاريب طيب ومن ناس(ن)عريب(ن)نسبها ماضي بن محمد وراعي المواجيب الطيبه من طيـب راسـه كسبهـا تنشر له البيضاء بعالى المراقيـب شرواه من شـرواه فكـك نشبهـا عريب ومعرب عريـب المجاذيـب ماهي خرافه مـن جـدوده جذبهـا ماحشو الطاله بشـذب العراقيـب عاشت اساميهم وصافـي ذهبهـا لهم على العليـا دروب ومطاليـب ماهمهم سهـل لامـور وصعبهـا أليا فزع مارسـل لعلمـه مناديـب الكايـده يقـدم ويحكـم سببـهـا يفوح ذكره مع شذا فايـح الطيـب يـوم الـزوم الواجبـه ماعقبهـا ماضي بن محمد بعيـد العذاريـب فـي وقتهـا والتاليـه ماحسبهـا وأنا في قصدتي أقول: للطيب ناسٍ ما تجنّب عن الطيـب لو تسعة اعشار البريّـه جحـوده ماحدهـا قـلّ الوفييـن للعـيـب مـا كنّهـا الا للكمـال محـدوده ما يحسبون الزود في بقشة الجيب كلٍ يحسّب بالوفـاء ويـش زوده إلهم على العليا دروب ومطاليـب ويجدد النامـوس معهـم عهـوده ماحاشوا الطولة بشذب العراقيـب ولا حاولوها بالنفـوس الحسـوده الطيب .. عدٍ .. دربه مكل وصعيب مااسهل مصاديره وماأصعب وروده وابو سعود*النادر الفاهـم الذيـب كل العـدود الطيّبـه مـا تكـوده الله فطر قلبه ولا احتـاج تدريـب ورثه من اقصى واحدٍ في جـدوده إليا فزع .. ما ارسل لعلمك مناديب وإليا اعتزا .. قامت تقادح زنـوده كلامه اثقل من حيـود الغرابيـب لا يابعـد مـن لا يوّفـي وعـوده اقـدّره تقديـر الاجـواد للشيـب وافخر بمعرفتـه واثمّـن جهـوده يفوح مع ذكره شذا فايـح الطيـب ويجيك به مـزنٍ تـرازم رعـوده الله يهديه .. ويسامحة ... بصراحة شي يخوّف .. يعني ما يدري الواحد بكره يلقى قصيدة له مشلّحة .. كل بيتين مدخله بهالطريقة الخفية في قصيدة . الانترنت مشكلته مشكله قبل لا أظلم الرجال ... تتوقعون انها عفوية؟ |
مستحيل تكون عفويه
والأنترنت مافيه حمايه والمنتديات لاتثبت لأحد دون احد ولا تنصفك اصلاً ........ الي ينصفك وزراة الإعلام روح وثق قصايدك فيها ............. اما الأنترنت والله يافيه ابيات تلطش بس ماودك تثير شوشره ........ وبعدين ماهي ابيات نظم حتى ابيات محاوره |
[align=right]
لا هنت يا صالح وهذي مشكله أذا الشخص ماعندة احترام لنفسه ومستعد يكذب عليها قبل الكل عادي السرقة عنده أمر عادي [/align] |
والله شي يوجع القلب ياصالح
والامر هذا منتشر بشكل رهيب لكن خلها على الله الواحد يبذل جهد ويتعب ويجتهد ويجي واحد وياخذها بارده مبرده حسيبهم الله وانا اخوك . |
مرحبا يا صالح...
انا اتوقع انها عفويه.. و يعلم الله انها قد حصلت معي .. قصائد المدح عادةً لها ابيات ثابته او بمعنى آخر لها معاني ثابته.. و عندما يقرأ شاعر قصيدة مدح... و يأتي بعد فتره تجده لا إرادياً كتب نفس الشطر بسبب العقل الباطني الذي يكتنز ابيات في داخله او معاني في داخله.. و دامها اربع اشطر فالدعوه سهالات... بالإضافه الى ان قصيدة بن جفن متميزه و جيده... و هذا يشفع لشاعرها انه في الأصل متمكن... لكن ربما مروره على ابياتك في يوم من الايام و مصادفته كتب قصيده على نفس قافية الشطر و نفس البحر .. جاءت معه القصيده بطريقه لا إراديه... صراحه اتوقع انها عفويه .... و اللي كتب قصيده كامله بهذه القوه .. صدقني ليس بحاجه الى ان يأخذ ابيات لغيره... ثم ان هذا يعطيك دلاله على ان قصائدك مقروءه و محفوظه على الأقل في العقل الباطني.. البلا انا و اشكالي... اللي مستحيل يحفظ له نص شطرteeth: لا عقل باطني و لا عقل في دولاب... :) تحياتي يا ريس كان هنا و مضى.. ش. س. |
جميع الإحتمالات متوقعه .. والسرقة اقرب منها الى توارد الخواطر << يظن .. :) وياليت فيه موضوع يثبّت للسرقات الكاملة لمعظم القصائد التي لا يكلّف السارق نفسه البحث عن شطر أو مفردة بل ينسخ القصيدة بكاملها .. وهذه الأبشع في تاريخ الشعر ...! لا هنت يا صالح .. ومعوّض خير .. والتاريخ قد يكون هو الدليل الوحيد في هذا الموضوع تحياتي .. |
,
والله اتوقع انها سرقه عينك عين لو كلام شفق صحيح كان اخذ كلمه كلمتين .. بالكثير شطر اما الدنيا هذي كلها مات اتوقع والله اعلم :) .. |
اقتباس:
مرحبا يا محمد... الدنيا اللي تقول عنها تراها بلاّ اربع اشطر.. حتى ماهي ابيات كامله... احذف الأربع اشطر هذي و اقر القصيده... راح تجد القصيده من الروائع... الرجل و الله ما اعرفه اللي هو ابن جفين .. و لا ادافع عنه .. لكن للأمانه انا اشوف الأشطر ما اضافت لقصيدته شي... و هذه الأشطر اصلاً هي من الكلام المألوف المعتاد... يعني لا تحمل صوره شعريه غير مسبوقه.. و لا تحمل معنى جديد غير مسبوق... و الشاعر صالح ابن هريس من الشعراء الذين يكتبون بمداد من ذهب في الشعر .. و هي شهاده الكل يؤمن بها... لكن نحن نتحدث من باب المنطق... |
مستحيل تكون عفويه يا صالح ..
والله يخلف عليك يا بن هريس ... تحياتي |
اقتباس:
اجل رحنا فيها يا سنجار ... اخاف قصايدنا مسجلة في وزراة الاعلام بأسماء غيرنا .. الله يستر ......... اخاف بكرة اروح أوثق القصيدة في الوزراة القاها بإسم شخص ثاني . والله ياظنّي أن وزارة الاعلام بعد تخلط الحابل بالنابل. انت رقم 1- تقول انها مقصودة ... نشوف الباقين شكراً سنجار |
اقتباس:
لاهنتي يا مخايل الخير:) |
اقتباس:
حنا ليش ما نبحث عن حل يوقف الشغلة كلها ... أو اقل شي يثبت أحقية الشخص فيما قاله .. لو بحثنا أتوقع بنلقى حل . محمد بن نجر ... اشكرك:) |
اقتباس:
أنا معك في كل كلمة قلتها .... ولي نفس وجهة النظر عدا الفقرة اللي فيها وجيهٍ تبوسم وتضحّك .. هذي اقول لك ... معصي يا ريّس. وأنت رقم 1- اللي تقول انها عفويه . ش.س على راسي يا معلم |
اقتباس:
أنا اعتقد ان سرقة شطر أو شطرين أو حتى الفكرة .. لا يقل خطورة عن سرقة القصيدة كاملة ... لإن سرقة القصيدة كاملة ممكن اكتشافها بسهولة ... ولكن سرقة الأبيات وتضمينها في قصائد أخرى .. أو سرقة الفكرة .... هذا اللي يخوّف من جد . أنت رقم-2 الي تقول انها مقصودة شرّفتني يا بو بلال:) لاهنت |
اقتباس:
لكن شفق جاء يمشي مليون بيرد عليك:) انت رقم 3-اللي تقول انها مقصودة سلمت يا محمد ولاهنت |
اقتباس:
|
اقتباس:
فعلاً أنا ارى كل ما تراه ... إلا في التالي ( و الشاعر صالح ابن هريس من الشعراء الذين يكتبون بمداد من ذهب في الشعر .. و هي شهاده الكل يؤمن بها... ) ... إلا أنا لا أؤمن بها إطلاقاً.. وأتمنى أنها حقيقة. لازال الأختلاف سيدّ الموقف |
طلال الجميلي
جمّل الله حالك :) |
اقتباس:
انت رقم 4- تقول انها مقصودة ... سلمت ياغالي:) |
اقتباس:
نتعلم منك .. <<<<< يعني تلاميذك يا استاذنا ... ترى النتجية الحين 1-4 1- شفق السريع 4- يقولون انها مقصودة الله يمسيك يالخير يا راشد بن جفن الهاجري:) |
يارجال الدنيا مليانه ظلم
صالح ،، احمد ربك انهم ناهبين منك بس بيوت شعر فيه ناس منهوبه كلها :) اتمنى لك السلامه الدائمه يا صالح تحياتي/ حامد |
اقتباس:
ياصالح صح لسانك اولا وصح لسان الهاجري ورأيي مثل ماذكره الأخ ش . ش :) |
| جميع الأوقات بتوقيت GMT +3. الساعة الآن 03:21 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية