عند الحسـاب يهـون سهـم المنايـا
 

لــ متعب التركي


[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الموت هيـن والبـلا وش ورا المـوت = عند الحسـاب يهـون سهـم المنايـا
باكر نمـوت وتصبـح قبورنـا بيـوت = عقـب القصـور بضيقـات الـزوايـا
في جوف الارض وكل من حولك سكوت = وتعاقبـن بالقبـر عــوج الحنـايـا
يـارب يامنجـي نبيـك مـن الحـوت = سترك وعفوك يـوم كشـف الخفايـا
باكر ليا جينـا علـى داعـي الصـوت = شيبـان واطفـال وشبـاب وصبـايـا
ندعـي وحنـا بيـن باكـي ومبهـوت = ورحنـا لهـا ننقـاد مثـل السبـايـا
يـارب تهدينـي قبـل لحظـة الفـوت = وتغفرذنـوبـي ياكـريـم العـطـايـا
اشكيك هـم داخـل الصـدر مكبـوت = وايامـي الـلـي بالخطـايـا مـلايـا
أن لاذ بك من كـان طايـع ومبخـوت = فـي مـن يلـوذ المرتكـب للخطايـا
يـارب ياقـادر علـى كـل طاغـوت = لاياقـف اللـي وحـدوبـك خـزايـا
رحماك لامنـا صحينـا مـن المـوت = واليـا وقفنـا عنـد بـابـك عـرايـا [/poem]

اي والله رحماك يا اله الكون

لله در المبدع العذب / متعب التركي


وشكرا يا مخايل ،،

..

متعب التركي شاعر عذب وجميل


وله اسلوبه وابتكاراته ,,,


وقصيدة الموت من اجمل القصائد على مستوى الشعر القديم و الجديد ,,,


الله يثبته ,,,




لاهنتي يا مخايل


ودامت اناملك


تحياتي لك

اخوووج

مخايل



ياسلالالالالام عليك



اختيار جميل جداً للشاعر العذب متعب التركي شاعر له بصمته في الساحة الله يوفقه ..



صح لسانه ولاهنتي على النقل ..


لك فائق احترامي وتقديري ...!!