عتيبة : طنخة .. سيوف .. جبال .. بحور
 

قبل شهر تقريبا و في ( تيماء ) العامرة


تشرفنا بزيارة مجموعة من الاخوان الكرام من قبيلة عتيبة الكريمة وتحديدا من قبيلة النفعة


ودعاني الاخوة منظمو الاحتفال من ابناء قبيلة الجعافرة من عنزة للمشاركة أمام الحضور بقصيدة

تشرفت بإلقائها وهي مجرد تعبير بسيط عن مشاعر أبناء قبيلة عنزة تجاه قبيلة عظيمة هي قبيلة عتيبة ..

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

نيابة عن ربوعي والجماعة مرحبا مليار=تراحيب مثل ورد الرياض وعاطر زهوره
تحية عن رجال الدار.. والدار.. وحمام الدار=اقدمها على صحون الكرم مع صادق شعوره
عن الويلان ابا اقف والقصيد بهاجسي فوار=الا يا حي هاجوس الضمير وحيها فوره
عن حمول المهار مكرمين الضيف والخطار=مجابيس الظلام وبالكرم وعلومه اسطوره
مشاعر شاعر ما اقول انا الممتاز بالشعار=يكفيني شعور في ضميري يعلن حضوره
بكم يااهل الوفا ياهل الصخا يامكرمين الجار=تحية من بخور العود والترحيب وعطوره
تحية في رجال شرفونا حشمة ومقدار=تشرفنا بهالجية .. وياما احلاك من زوره
بعيد الدار ماينحى الرجال اهل الوفا والكار=يهون البعد بدروب النشامى وتقترب دوره
شغاميم لهم بالطيب ميراد ولهم مصدار= حرار من حرار من مواكر نادر صقوره
عتيبة وان نطقته ياقف التاريخ لهم اكبار=جبال من مراجل والكرم هم غبة بحوره
عتيبه سيف بنحور المعادي قاطع بتار=عتيبه طنخة تاطا الصعاب بنفس مسروره
مسرورة
اهل طيب وكرم لاشح ظرف ولو زمنهم جار=صيانيهم يعيش بها الضعيف بحال ميسوره
واهل نخوة واهل فزعة ليا ركبوا بنات مهار=عوايدهم يفكون التوالي ساعة الثورة
يزبنون الدخيل ويردعون خصومهم بالنار=بيوم ينتحر خيره ولا تستادب شروره
هلا والف هلا ترحيب باللي شرفوا زوار=غدا الليل بحضور وجيهكم متزين بنوره
غدت تيما عروس من بهاها تسلب الانظار=فرح في شوف طلقين الوجيه بشوق مغموره
عسى الله يجمع الاخيار بالدنيا مع الاخيار=وعسى الاسلام فوق ويرفع الله قدر اخو نوره[/poem]

خلف الغريب

صح لسااااانك مليار على ما قلت

وكل القبايل عزيزة وتستحق المدح بلا شك

ارجوا ان تراجع القصيدة .. لأن فيها كلمات ناقصة في عجز بيتين منها :)

تقبل تحياتي ومروري لا عدمتك

صح لسانك ياخلف ولاعليكم زود

الله الله الله

عز الله انك تنوب عن ربعك اهل المكارم كلها يا الوايلي
ولا عليك زود في كل حرف ذكرته
والوفاء من اهله لا يستغرب

قصيدة لا يكتبها سوى الرجل الشاعر

صح لسانك مدد وبيض الله وجهك ،،

..

خلف الغريب

صح لسانك ياغالي

وعز الله إنك مدحت

وعتبية تستاهل

عزا الله إنها قبيلة

وعزا الله إن رجالها رجال

شكرا ً لك على هذا الإبداع

وتقبل فاائق احترامي

،


عسى الله يجمع الاخيار بالدنيا مع الاخيـار
وعسى الاسلام فوق ويرفع الله قدر اخو نوره


اللهم امين

ابدعت الله لا يضرك وعتيبه تستاهل وانت طيب ولا تجيب الا الطيب
صح الله لسانك ولا هنت يا خلف

كل عام وانت بخير



.

تحية عن رجال الدار.. والدار.. وحمام الدار
اقدمها على صحون الكرم مع صادق شعوره

شاعر ورجل لاهنت

والويلان كفو ولاعليهم زود



سلام

ونعم بك ونعم بعتيبة
وصح لسانك على قصيدتك
وابيض وجه

تحاياي

الاخوة الكرام ..

كل عام وانتم بخير ..

نبهني الاخ العزيز نادر العنزي لوجود نقص في شطرين بالقصيدة والحقيقة ان الكلمات سقطت سهوا ( تخبرون الشيب )

ارجو من الاخوة المشرفين الكرام التعديل :

عتيبة طنخة تاطا الصعاب بنفس مسرورة
فرح في شوف طلقين الوجيه بشوق مغمورة

لي عودة قريبا لا هنتم واعتذر عن الخطأ غير المقصود..

الله الله على هذا الإبداع..

صح لسانك يا خلف..

وعتيبة تستاهل الكثير..

تحياتي,,

صح بدنك اخوي صالح ولا هنت ...

فعلا كان هناك نقص في شطرين تم تعديلهما فلك جزيل الشكر على التنبيه..

تحياتي .

صح بدنك اخوي سمران ولا هنت ..

تحياتي وودي.

وماعليك زود اخوي محمد واشكرك على جميل مرورك ..

تحياتي لك..

اخوي سداح وشاعرنا الكبير ..

مرورك دوما وسام على الصدر لا هنت وشهادتك تاج على الرأس ..

صح بدنك وتستاهلون يا الهيلا والشرف لي بمعرفتكم ..

تحياتي لك وما في القلب اكثر ,,

الاخ الشاعر/ خلف الغريب..


بيض الله وجهك و ما عليكم زود و انا اخوك

وافي وافي وافي


و يعلم الله انني ما علمت عن القصيده الا الآن بالصدفه...


و عنزه نبادلها الوفا و المحبه و الاحترام و التقدير و الاجلال

قبيله عزيزه منيعه رفيعه مقامها العز و الذروه..


الف الف شكر باسمي و بإسم كل عتيبي في الوجود

و بيض الله وجهك و وجيه عنزه صغيرها و كبيرها...

اخوكم


ش. س.

صح بدنك اخوي قديم الشوق ولا هنت على حضورك .

تحياتي وودي.