تعالوا اسلم عليكم واعايدكم واعطيكم علمي
السلام عليكم و رحمة الله و بركاته و كل عام وانتم ودولتنا شعباً و حكومه بالف خير سا ئلا المولى عز و جل ان يجعل ايامنا مسرات و خير وان ينصرنا على من عادانا اقدم اعتذاري الشديد لمرقابي العزيز عن انقطاعي رغم تعلقي الشديد بهذا الصرح الشامخ وهي والله من قل الفرصه اضع بين ايديكم هذه المتواضعه والشكر موصول الى كل من سوف يقرأها و يعلق عليها صلوا نبي الله . . [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] على ضوٍ سناها واشتعاله من بعيد يشاف = تلاعبها نسانيس الهوا و يلوفها الغربي سرت بي عن محيط المجتمع شرّد بنات القاف = بعد ما اعلنت بالهدنه غزتني و اعلنت حربي بها من سطوة القرم الشجاع و روغة الخواف = ادور بعدها من همها و تحاول القربي توردني شفاشيف الزلال بعالي المشراف = و تثّر في شفوفي في مذاق الزاد و الشربي ألين اسند هجوسي على اللي يحتمي الميقاف = و يفهم حسبة المجموع في التقسيم و الضربي تنقيت السمان الطيبه والا العجاف عجاف = تميزها و صايفها ما بين الهيم والجربي بعيداً عن طريق الشوشره و الدس والأرجاف = على وضح النقا ما خالفت في دربها دربي سلام الله سلامٍ للنشاما معدنه شفاف = سلام يمّن أهل البوسنه من سطوة الصربي على رجلٍ شفوفه في الطروق النادره تنشاف = بها من فبركة سلطان والا حبكة الحربي لبن عم عليه يحدني الطاروق والمحراف = تجيه اسراب فكري حايمه سربٍ ورا سربي مجاهد واخذ مني ما تهيا والهجوس اسلاف = و هي طربه وانا خابر مزاجك للغنا طربي اخايل في البروق اللي تلوح بعالي النفناف = بردها وان ضرب في الأرض يقلب صفحة التربي تناقل علمه عسوس العرب و يطوفه الطواف = و كلٍ ينقل اخباره ما بين العجم والعربي نحسبه عارضٍ رايح وهو ليلٍ غشاه شعاف = و سيله ينقل خفاف الحيود و يدهك الزربي عسى ربي يجنبنا هداده والثقال خفاف = على قول المثل يا ذرب خلك دايمٍ ذربي تقدمنا صحيح ولا نبي نرجع ورا و خلاف = مصيبه كان جاري بابخس البيعه يتاجربي ختام السالفه ضوي سناها من بعيد يشاف = يلاعبها نسانيس الهوا و يلوفها الغربي [/poem] وسلامتكم والعذر على التقصير |
صح لسانك نص جميل ومعاني جزله ابداع ابداع لك فائق الاحترام والتقدير تحياتي |
ياسلام عليك
قصيده جزله من شاعر جزل سرت بي عن محيط المجتمع شرّد بنات القـاف بعد ما اعلنت بالهدنه غزتني و اعلنـت حربـي بها من سطوة القرم الشجاع و روغـة الخـواف ادور بعدهـا مـن همهـا و تحـاول القـربـي تقديري |
يامرحبا والله
عيدك مبارك طال عمرك ومبروك عليك الأمطار وتقبل الله طاعتك وصح لسانك لين ترضى ولاخـلآ ولا عـدم :) |
ختام السالفه ضوي سناهـا مـن بعيـد يشـاف
يلاعبهـا نسانيـس الهـوا و يلوفهـا الغـربـي صح لسانك مدد ..ولا هنت على هذا الحضور تحياتي .. |
ابو ضاوي
وانت بالف خير صح لسانك مليوووون .. لك فائق احترامي وتقديري ...!! |
،
وعليكم السلام ورحمة الله وبركاته وكل عام وانت بصحه وسلامه صح لسانك ولا هنت بالتوفيق . |
اقتباس:
صح بدنك يابو مرزوق والله لا يهينك |
اقتباس:
ما عليك زود اخوي ناصر والله لا يهينك على المرور |
اقتباس:
|
اقتباس:
|
علي ضاوي الحبابي
. . صح لساانك مدد . نص جميل وحضور أجمل . جزل ورائع . . . مودتي لك . |
الله يا علي
كل عام وانت بخير وصح لسانك مدد ولاهنت..!! |
اقتباس:
من الارشيف ووجب الرد على تعليقك يا مشعان صح بدنك و مرورك شرف ووسام جعل عمرك طويل |
| جميع الأوقات بتوقيت GMT +3. الساعة الآن 10:12 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية