أصيله الذيابي
 

أصيله الذيابي, إبنة عمٌّ لي عمرها 12 سنه, أخذت سيول جده امّها وأباها, وأخوتها الخمسه.. ياربّ صبّرها واجمعها بذويها في الفردوس الأعلى من الجنّه:


ياكبر هول اِمصيبتِك يا أصيله
,,,,,,,,,,,,,,,, وياكبر حزن ٍ يا أصيله سطابي


يشاركِك كلّ الوطن, والقبيله
,,,,,,,,,,,,,,,, بمصيبتِك..والفكر يمّك سرابي

يسري بي الهاجس بيومه وليلِه
,,,,,,,,,,,,,,,, إسبوع بدموعي يابنت الذيابي

الاْربعاْ! ركّز على القلب سيله
,,,,,,,,,,,,,,,, وشاله معه فـ الاوديه والشعابي

الحزن زند, ودمع عيني فتيله
,,,,,,,,,,,,,,,, وبين الضلوع العوج, ساطي صوابي

يسوق لي هجنه, ويشعب لـ خيله
,,,,,,,,,,,,,,,, وانا مع ادموعي يزيد اِنسكابي

واللي يخفّف من همومٍ ثقيله!
,,,,,,,,,,,,,,,, ويكتب لنا نرضى بهول المصابي!

إنه قدَر مكتوب, واللْه وكيله
,,,,,,,,,,,,,,,, من قبلنا على النبي,والصحابي


ولوّ الحزن والهَمّ فينا يبيله:
,,,,,,,,,,,,,,,, وقتٍ طويل اِبداخل القلب رابي


والعون باللْه, ثمّ راع الجزيله
,,,,,,,,,,,,,,,, الواثق اللي فيْ الزمن مايهابي

ماصار! .. ابومتعب ملكنا كفيله
,,,,,,,,,,,,,,,, صدّر قراراته رفيع الجنابي

تكوين لَجنه بالمكانه جليله
,,,,,,,,,,,,,,,, تحقيق عاجل فيْ السبب والخرابي

مع (كائناً مَن كان)..مافيه ميَله
,,,,,,,,,,,,,,,, الكلّ واحد, في بنود الخطابي


وتطمّني ,تطمّني يا أصيله
,,,,,,,,,,,,,,,, لك ربّ يلطفبك يابنت الذيابي

1






جعل ربي يحميها ويرحم والديها وجميع المسلمين

صـح لسـانك عـساك سـالم :)


اتركني شوي لآهـنت



:wardah:

يشاركِك كلّ الوطن, والقبيله
,,,,,,,,,,,,,,,, بمصيبتِك..والفكر يمّك سرابي

بدون جدال ونحن نشارككم مصيبتكم عسى الله يحسن عزاكم ويعوضكم خير

اللهم ارحمها اهلها وذويها واسكنهم الجنان

والله يا سابك ان ما فيك حيله

وان بيوت جدة كلها تقيم العزاء قلما يندر بيت ما فيه عزاء لكن عزائنا انهم شهداء عند ربهم

لا حول ولا قوة الا بالله


رحم الله والديها واخوانها والهمها الصبر

وبيض الله وجهك يا عبدالرزاق على هذا الشعور والشعر الوافي

وسلمت ،

..

وتطمّني ,تطمّني يا أصيله
,,,,,,,,,,,,,,,, لك ربّ يلطفبك يابنت الذيابي



لا اله الا الله .. لا اله الا الله

انا لله وانا اليه راجعون

الله يرحمهم برحمته

ويعوضهم عن دنياهم خير

ويعوض اصيله خير


جزاك الله خير ياعبدالرزاق

هلابك ياعبدالله ماجد ابن سنيد

جزاك الله خير ولاهنت

تحياتىىىىىى لك

لا حول ولا قوة الا بالله

الله يجبر مصاب الجميع

عز الله ان المصاب جلل .. لله ما اخذ ولله ما اعطى

وانا لله وانا اليه راجعون !

ابو هاني :

لا هنت والله لا يحرمك الاجر .

واللي يخفّف من همومٍ ثقيله!
,,,,,,,,,,,,,,,, ويكتب لنا نرضى بهول المصابي!

اولا احسن الله عزاكم
ومعوضين خير
وصح لسانك ولاهنت

عبدالرزاق


آلمنا هالخبر وهالفاجعه علينا كلنا ,, رحم الله من مات وعوضها خير

وآلمتنا بهالقصيدهالحزينه

انا لله وانا اليه لراجعون

ياربّ صبّرها واجمعها بذويها في الفردوس الأعلى من الجنّه:


ياكبر هول اِمصيبتِك يا أصيله
,,,,,,,,,,,,,,,, وياكبر حزن ٍ يا أصيله سطابي


يشاركِك كلّ الوطن, والقبيله
,,,,,,,,,,,,,,,, بمصيبتِك..والفكر يمّك سرابي



صحيح


كلامك ياعبدالرزاق كل الوطن ( مع أصيله )


وننتظر وقفه حانيه وكريمه من أبو متعب تجاه أصيله وغيرها من أبنا المفقودين


صح لسانك




لاهنت

الله يجبر صوابها

ويرحم والديها واخوانها



صح لسانك ياعبدالرزاق

لاحول ولاقوه الا بالله



اسئل الله العلي العظيم ان يجعل قبورهم روضه من رياض الجنه


وان يحفظ اصيله من كل مكروه

الله يجبر عزاها وذويها والله يصبرهم


وصح لسانك

الله يجبر مصابها ، ويعظم اجرها
ويغفر لوالديها .



وجزاك الله خير يابن مخلد ،

الله يجبر مصابها ويرحم أهلها ويرحم جميع أموات المسلمين


صح لسانك وعظم الله أجرك