(بكت عيني)
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بكت عيني البارح وصحتني مـن النـوم=وقالت نبا سج الركايـب ل اهـل جـده
خيالك يشوف الزين في صورته بحلـوم=وانا مااهتنيـت بشوفتـه صارلـي مـده
وقلت اصبري عامين واوعدك وعد(ن)دوم=ماتقصر شبوحك عن بريق(ن)على خـده
ليا صار ماجالك حبيبـك بحـب خشـوم=يجي جيه اللـي جابهـا الطيـر بالهـده
الا ياعيون اللي من العـام ليـن اليـوم=مذوقك حلـو النـوم لـو كـان مـاوده
يبيك ان تذكر له هموم(ن) ف سد همـوم=ماتنزل دموعك لجـل ماينكشـف سـده
انا من زمان العام مـن غيبتـه منجـوم=ولاعاد اجيـب العلـم حتـى انـي ارده
مغيم علي الصمت في خاطـري بغيـوم=غيوم(ن)يجيها مـن سـواد الدهـر مـده
ليا فرحوا اصحابي رسمت الفرح برسوم=على شان مايـدرون عـن هم(ن)اضـده
وش اسوي ليامن حدوا عنه روس القـوم=رجـال(ن) يبيـن فعلهـم حـزة الشـده
ولكن انا وقـت الشدايـد قـوي عـزوم=ابا اسوق نفسي لين اوقـف علـى حـده
ولونـه يبيـن علـي حزنـي المكتـوم=ابا اموت مااشكي به على الناس واعـده
لكني تحملت الصبر لين صـرت اشـوم=عن الروحه اللي تجلب الحـزن فالـرده
اسافر ل جده لـو امـل شوفتـه معـدوم=هجوسي عليه اتسوقني لين اجـي (قـده)
واناضر ببيته نضرة الفـارس المهـزوم=ذبحه الضمى والقـوم ردوه عـن عـده [/poem]

مرحبا ومسهلا يا فهد قطنان

والله يحييك في مرقابك

سلمت وصح لسانك وانا اخوك ،

..

مرحبا فيك يا بن قطنان وحياك الله بين هل المرقاب
قصيدة طيبة استحقت القراءة الله لا يلجمك

صح الله لسانك ولا هنت


وفقك الله

ابو قطنان


ياسلالالالام عليك



وحياك الله في المرقاب



صح لسانك مليوووون ..


لك فائق احترامي وتقديري ...!!