(*(( 31 ))*)
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماتغيّر شي نفس العام عام = بس يمكنّه لبس ثوبٍ جديد وان لبس فوق الليالي ثوب خام = ماتمرّه فرحة العيد السعيد الأنام اللي بقوا نفس الأنام = والرصيد اللي بقى نفس الرصيد ماروى عدّ المواريد الحيام = ولابلغنا فالحياه اللي نريد يدخل التجديد من باب الكلام = ويطلع من الباب ماهو مستفيد من السوالف للقصايد للدوام = يضرب الروتين من كفٍ حديد والفضا لمّ الصقور امع الحمام = لين جنّب صاحب الراي السديد وقتنا وقت الرخا والانفصام = محتجز سادات ومحرّر عبيد يحرم العاقل نعيم الانسجام = ويطرح المجنون في صحن الثريد عايشينه بين هم وبين هام = وتاركينه بين ماد وبين ميد نزرع اللذه على طين الملام = ونجني الاحزان فالعمر المديد ودّنا نلقى السعاده فالظلام = ونخنق الشمعه على عذر البليد ما سألنا الشمس عن وبل الغمام = وما سألنا الموت عن نبض الوريد وين ميّت كان فالدنيا تمام = ووين شايب كان فالدنيا وليد تجري الايام والمجرى قوام = والوعد يوم البشاير والوعيد كيف يسعد من رمى عنه الحزام = والزمن جبّار وذراعه شديد والحياه محاورة حرب وسلام = بين دين الله وشيطانٍ مريد وفالصدر حرب الحلال امع الحرام = سيف من رغبه وسيفٍ من حديد كم يتيم وكم غريم وكم جرام = وكم جريح وكم قتيل وكم شهيد ويش فالدنيا يثير الاهتمام = في عيون الزاهد وقلب الزهيد الزلازل والبراكين العظام = والمعارك والقتل هل من مزيد والسيول اللي ابلعت روس العوام = من عهد كسرى وهارون الرشيد واهني اللي على الدين استقام = ماحسب للوقت والحظ العنيد ان غشاه النوم وقت النوم نام = وقام صلى الفجر كنّه يوم عيد واقفٍ لله من خلف الامام = ودّه يطوّل من الذِكر ويزيد بين يده وفمه عودٍ من بشام = ومن ورى اظلاعه مصابيحٍ تقيد ماطمع في منصب وريشة نعام = واستباح الوجه في كاسة صديد ولا قطع وصل الخوال امع العمام = لجل يصبح من سبب نقصه نديد ولا يحاول طرح مردوم السنام = يوم حصّل ناتج الجهد الجهيد ولانهج درب المحبه والغرام = خارجه مولود والداخل فقيد والختام اطلبك في حسن الختام = ياإلهي والرساله فالبريد [/poem] |
هنا مكاني ولي عوده تليق بالنص وصاحبه
|
فيصل
مبدع ورائع صح لسانك مدد دمت بخير |
هلا هلا هلا هلا يا بوريما
ومسهلا شعلة ابداع ماشاء الله عليك ومحرّك المنتدى بهالدرر يدخل التجديد مـن بـاب الكـلام ويطلع من الباب ماهـو مستفيـد من السوالـف للقصايـد للـدوام يضرب الروتين من كـفٍ حديـد حالة عامه فعلا وهنا بيت عن قصيدة كامله وفالصدر حرب الحلال امع الحرام // سيف من رغبه وسيفٍ من حديـد خرجت من هذه الدرة وانا اردد واهني اللي على الدين استقااااااام صح لسانك يا مبدع على هذه الدرّه النفيسه ، .. |
وقتنا وقـت الرخـا والانفصـام
محتجز سـادات ومحـرّر عبيـد يحـرم العاقـل نعيـم الانسجـام ويطرح المجنون في صحن الثريد يا الله انك لا تقطعنا من القصيد الطيب ومن يجيبه الله لا يضرك يا السواط دايم وانت تتحفنا بالجزل من القصيد اللي يروي ذايقة كل متلقي واعي صح الله لسانك والله لا يلجمك ولا هنت وفقك الله |
عزالله إبداع
فيصل صح لسانك طال عمرك وعساك سالم ،) |
واهني اللي على الديـن استقـامماحسب للوقـت والحـظ العنيـد
ان غشاه النوم وقت النـوم نـاموقام صلى الفجر كنّه يـوم عيـد واقـفٍ لله مـن خلـف الامـامودّه يطـوّل مـن الذِكـر ويزيـد بين يده وفمه عـودٍ مـن بشـامومن ورى اظلاعه مصابيحٍ تقيـد عز الله واهنيه فيصل السواط الجميل في ما تكتب ,, صح لسانك . |
مبدع بالله لا يضرك يا فيصل
وصح لسانك مليون احترامي .... |
فيصل السواط
. . الله عليك يا مبدع .. ونص غارق في جمال الكلم والحكم . . . صح لسانك وقلبك |
لله درّك
قصيدة عن معلقات :) صح اللسانك مدد ، |
صح لسانك يا فيصل , , ,
مبدع ورائع , , يعطيك العافية على هذه الرائعة . . تحياتي , , |
ابو عبدالله
اول شي كل عام وانت بخير وثاني شي ترانا مبطين عن ابداااااااااااااااااااااعك وجيت بهذا النص الممتلئ ابدااااااااااااااااااااااااااع ان غشاه النوم وقت النـوم نـام وقام صلى الفجر كنّه يـوم عيـد واقـفٍ لله مـن خلـف الامــام ودّه يطـوّل مـن الذِكـر ويزيـد فعلا هذا مانحتاجه يابو عبدالله لله درك لين ترضى يابطل |
الشاعر :المبدع فيصل السواط
هكذا دائم حظور الكبار كهطول المطر المثمر يعطيك الف عافيه على هذه الدره دمت بود |
,
الله لا يضرّك ماعاد ادري شقول سيف من رغبه وسيفٍ من حديـد سيف من رغبه وسيفٍ من حديـد سيف من رغبه وسيفٍ من حديـد صح لسانك 1000 .. |
الله ، الله ، الله ، ابو عبدالله .. دائماً حضورك .. مختلف و متميز ! هنا شعر وسبك و حبك ، وفكر و روحانيه ! لله درك يا استاذ |
وفالصدر حرب الحلال امع الحرام
سيف من رغبه وسيفٍ من حديـد فيصل كم أنت مبدع وواقعي " يالسواط " هنا نقرأ " الشعر والفكر " لاهنت |
شاعرنا الكبير فيصل السواط
القصيده هذي مختلفه بكل المقاييس ومتوغله في الابداع ويعلم الله اني اعتبرها من عيون ومعلقات الشعر النبطي لانها تكلمت عن كل مايدور في النفوس بطريقه او بأخرى لله درك يارمزنا القدير على الابداع |
فيصل السواط
ايوالله واهني اللي على الدين استقااااااام صح لسانك وبوركت غيمار |
فيصل كل عام وانتم بخير والله يختم بالصالحات أعمالنا صح لسانك مدد ولا هنت على هذا النصّ تحياتي .. |
اقتباس:
فيصل السواط .. شاعر يكتب مانريد كمايريد .. له فلسفه خاصه في بناء النص الشعري .. يمتلك كل أدوات الابهار برؤية واقعيه .. ولغة شعريه لايجيدها سوى فيصل السواط وهذا النص ليس دليلاً على ماأقول بل امتدااااد لما قال ويقول هو من شعر يجبرك على التوقف أمامه والتصفيق له .. تبقى يابو عبدالله علامة فارقة في ادبنا الشعبي .. وأبقى أنا أحد المعجبين بكل ماتكتب .. محبتي ..:wardah: |
ابو عبدالله ,, , لا يستطيع قلمي العزوف عن اطراءك بالرغم من ان شهادتي فيك مجروحه وين ميّـت كـان فالدنيـا تمـام ووين شايب كان فالدنيـا وليـد تجري الايـام والمجـرى قـوام والوعد يـوم البشايـر والوعيـد , , ما فيك حيلة , , تقبل مروري |
وفالصدر حرب الحلال امع الحرام
,,,,,,,,,, سيف من رغبه وسيفٍ من حديـد لو لم أقرأ من الشعر إلا هذا النصّ! لكفاني صح لسانك يافيصل, يامُبدع تحياتىىىىىى لك |
| جميع الأوقات بتوقيت GMT +3. الساعة الآن 04:58 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية