أمل .. لـ بندر العواجي !
 

مساء / صباح .. الخير :)

نص فآخر .. لـ بندر محمد العواجي الثبيتي

الشعر .. ( أبلغ ) .. من الحديث !
اترككم مع الشعر



:)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

امل .. آية جمال و ملح تزهى باهي الصوره=تجمل في معانيها عظيم الشآن سبحانه
امل .. بدر الظلام اللي ينور فـ ( الدجى ) نوره=أمل حلم الصباح اللي تضاحك ورد ريضآنه
امل .. ريميةً حازت من القناص مذعوره=امل سحر الهوى العذري و يشمومه و ريحانه
امل .. زهر الربيع اللي سماه يفوح بـ ( عطوره )=امل موج البحر لا حن للمحار مرجانه
امل .. يطرب لها طفل الهوى لا تاق لـ ( عصوره )=يداعبها بـ ( اهازيج ) الفرح و يبدد احزانه
يشعشع بـ ( الفرح ) طفل الغرام و يبدي سروره=يغني لـ ( الجمال ) اليوسفي ويروجع الحانه
يغني لـ ( الجمال ) ومبتداه و منتهى سطوره=و امل مبدأ الجمال و منتهاه و رمز عنوانه
امل .. ساس الجمال و قمته و اركان دستوره=خلق رب الجمال و لا خلقها الا على شآنه
الا يا عين حراً .. ما حكم راعي الولع شوره= ولا فصل له البرقع و قذل روس جنحانه
ليا اغضت بالنظر لج الفضا ما انتي بـ ( معذوره )=وليا مدت نظرها هز غصن الشوق لـ ( الدانه )
تكابر بـ ( الجمال ) و لا حشى ما هي بـ ( مكبوره )=فتاةً في تعاجيب البهى و الدل غرقانه
تشادي فيضةً من رايح الامزان ممطوره=تغشاها من الوسمي سحاباً عل ودانه
ولها عز المجال و قبة الامجاد معموره=على صرحٍ مشيدةٍ على وضح النقا اركانه
على صرحٍ من الماضي ليا الحاضر ثبت دوره=بـ ( فعلٍ ) راجحٍ عند الملا بالكيل ميزانه
بـ ( فعلٍ ) ما عرف شرح المدرس فوق سبوره=عرف شرح السيوف اللي تعوض الاخو فـ ( اخوانه )
على وضح النقا والنفس منهيه و مآموره=و غال الروح ترخص عند حزات اللقاء اثمانه
على اهل الطيب والا اللاش حزات اللقاء عوره=ليا منه زما العايل توسد عوج ذرعانه
وعلى وضح النقا والبيت عزه ما انهدم سوره=يطولٍ السنين و شامخٍ بـ ( العز ) بنيانه
يغيث المستغيث اللي شكى الوقت و عنا جوره=يجي معدم و ينعم في ذرى اهل البيت واحسانه
و زبن اللي جلا وابعد مجاله ما ثنى كوره=تعذرته وجيه الناس كله خوف ديانه
بلاه الله ! بـ ( ميقافٍ ) عليه النفس مجبوره=بعد لجت نهارٍ مختلط عجه و دخانه
دفعها ما يباها و الثقه فـ ( النفس ) مبذوره=لكن حدوه من قاسوا هواه و قوة ايمانه
و وردها بـ ( ميقافه ) و هو ما يملك شعوره=و ذبح من دون وجهه واحدٍ من روس عمانه
ذراهم له ذرا ويدين الاعداء عنه مقصوره=يا لين الله يحل الامر و يرده على اوطانه
هذا عز المقام و شوكة العدوان مكسوره=على ملوى السنين وعز مبنى البيت عمدانه
امل .. بنت الرجال اللي بـ ( فعل ) الطيب مشهوره=ليا من قام كلٍ يفتخر في فعل جدانه
كلام الصدق .. والا الكذب كأنه حنو باكوره=و عز الرجل تآجه والخطأ من زلة لسانه[/poem]

الله يسعد مساك يا طلال
ويحييك

عز الله انها من ورائع الشعر فعلا

قصيدة لا يكتبها الا المبدع الحقيقي

صح لسان بندر الثبيتي عدد حروفها

ولاعدمناك ،

..

ابو نافع


يامرحبا تراحيب المطر



قصيدة كايفه بالحيل ..


ابداع حقيقي


صح لسان بندر العواجي


وبيض الله وجهك على الايراد وكثر من جلب هالقصايد ..



لك فائق احترامي وتقديري ...!!