( france )
السلام عليكم ورحمة الله وبركاته
للمواهب حق علينا كـ مرقابيين :) صديقي القارئ مساء الخير لاشفت لك قارئ معك قل له الشعر مايحتاج للتفسير ان كان مانت بفاهمه خله نفس البنادم قبل تحديد المصير مثل الفراشه بالورود مخيّره تشمّ ريح النرجس وريح العبير وتاخذ رحيق من الزهر وتغيّره وانا حلا الدنيا على كبدي مرير ونفسي من هموم الحياه مذيّره بخير لكن هاجسي ماهو بخير لاجتني افكار القصيد مسيّره صغير وابغى اوصي اخوي الكبير اللي هقاويّه مهيب صغيّره رجال وسنافي وواحد من مطير وعلى العلا رجله مهيب قصيّره ياصاحبي حثّ القدم على المسير مسيّر وكلّ العباد مسيّره هقوة بلادك في مساراتك تسير افطن لهقوات العقول النيّره العلم نور الكون والجاهل ضرير عصاته ظنون ٍ تسوق بعيّره قناعته مع فكره اللي به تحير من فكر غيره بالعيار معيّره ولا انت فكرك موج يالبحر الغزير ولك ربع باللازم شيوك مجيّره لاينثني عزمك بكلمة مايصير دوّر على اللي مايصير وصيّره المغترب لو ينعطى جنحان طير متن الهبايب للبلاد يطيّره والرجل مايندم على شور الشوير لين الليال السود تلعن خيّره |
http://www.montada.mergab.com/user4d...ser_online.gifيازينه في جمب اسمك زيناه
لي عوده للابداع ياصديقي ! |
وعليكم السلام ورحمة الله وبركاته
يامرحبا ومسهلا يا فيصل الدوسري والله يحييك ونوّرت المواهب يا شيخ لاينثني عزمك بكلمة مايصير دوّر على اللي مايصير وصيّره المغترب لو ينعطى جنحان طير متن الهبايب للبلاد يطيّره والرجل مايندم على شور الشوير لين الليال السود تلعن خيّره الله الله الله ابداع وامتاع وقاف مبدع عز الله ، صح لسانك مدد يا فيصل وسلمت ، .. |
والرجل مايندم على شور الشوير لين الليال السود تلعن خيّره الله الله ختامية ولا أروع وقصيدة كايفة .. الله لا يضرك صح لسانك مدد .. ولا هنت على هذا الحضور تحياتي .. |
.
الله الله الله الله الله والله أنها درررره يا فيصل ! صح الله السانك ملايين الـ ملايين الـ ملايين يالشيخ . |
,
والله انها اعجبتني جدا قصيده ناضجه صح لسانك ياشيخ ولاعاد تغيب .. |
مبدع يا فيصل
وما عليها كلام من المطلع الي النهايه صح لسانك ولا هنت |
وعليكم السلام ورحمة الله وبركاته
ابدعت وامتعت الله لا يضرك يا فيصل على ذا القصيدة الطيبه صح الله لسانك ولا هنت وفقك الله |
فيصل آلدوسري طبعآ ,. آلشهآده مجرووحه و صح آلله لسآنك مليون و لآ هنت مبدع دآئمآ ,. كل آلشكر |
صح لسااانك ولا هنت
|
اول شي .. علمني ! انت ما تدري ؟ ان وجودك مطلب ضروري ؟ والله اني سعيد جداً بتواجدك بعد غيابك المزعج ! اما بالنسبه للنص ! فـ أنت يا بو سعد شاعر مبدع و متكمن ، وشاعر قصايدك لو اقراها لين اتعب ما أمل منها ، والله انك متميز في نهجك لله درك يا استاذ |
وانا حلا الدنيا على كبدي مرير
ونفسي من هموم الحياه مذيّره بخير لكن هاجسي ماهو بخير لاجتني افكار القصيد مسيّره الله الله الله منوّر المنتدى يا فيصل كلمة مبدع قليله في حقك لكن الله يبيض وجهك على القصيده الكايفه صح لسانك ولاهنت تحياتي |
من ناحية الشاعريّه
ما في الكلام فود يابو سعد ومن ناحية هالقصيده فهي مثل الشاعريّه :) ويستاهل ابو خالد هالفاخره والله يجيبه سالم صح الله لسانك الى ماله نهايه |
وعليكم السلام ورحمة الله وبركاته ..
لــ جميع متذوقي الشعر حق عليك في تواجدك وجديدك . صح لسانك مدد يامبدع تقديري |
والرجل مايندم على شور الشوير
لين الليال السود تلعن خيّره الله الله الله يابو سعد عاش من شافك وصح لسانك مدد تحياتي |
اخونا الغالي فيصل
يامرحبا والله مليون × مليون يالغالي دايم حضورك غير غير غير حبكة شاعر معلم , الله لايهينك ولا يهين فكرك النيّر :) صح لساااانك مليون |
لاينثني عزمك بكلمة مايصير
دوّر على اللي مايصير وصيّره المغترب لو ينعطى جنحان طير متن الهبايب للبلاد يطيّره إستاذي المبدع فيصل الدوسري والله ان للشعر معك نكهه وان من اجمل الاشياء هو وجود قصيده جديده لك انت شاعر كبير ومكسب للشعر |
عزالله انك ماخليت من الابداع شي ماشاء الله عليك الله لايضرك مبدع بكل ماتعنيه الكلمه سجل متابعتي من الان الى اخر قصيده تكتبها الله يطول عمرك على الطاعة تقديري الجم |
فيصل
. . صح قلبك ونبضك مبدع ورائع . . مودتي لك . |
سالفه الابداع طويله يابو سعد
لكن ليش هالغياب ؟؟ اقسم بالله اني اطرب لقصيدك لانك ممن يكتبون الشعر على اصوله البيتين الاولى لحالها قصيده واستهلال غير غير غير وهنا : والرجل مايندم على شور الشوير لين الليال السود تلعن خيّره قفله استاذ شعر صح لسانك وسلم فكرك سلامي ومحبتي واعجابي |
الله لايضرك يا مسلم
عزالله إمتاع صح اللسانك ، ولاهنت ياللقرم :) |
الله عليك يافيصل
اقسم بالله انك مبدع مبدع ولا انت محتاج شهادتي مير جدد الاعجاب صح لسانك وسلمت تحياتي |
| جميع الأوقات بتوقيت GMT +3. الساعة الآن 08:07 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية