قلبي وطن وعروق قلبي تجاويف // للحزن وهمومي شعوب وطوايف
 

والبال من كثر الهواجيس عايف

والليل طال وطارق الصبح ماشيف

وانا وصمت الحزن صرنا ولايف

أسج مع هجس الطواريق واعيف

هجسي وطاروق الضلوع النحايف

تجوع سلمى وأترك الكم والكيف

وأقسم رغيفي بيننا بالنصـايف

أقرا وتكتبني قضيه وتعريف

وتظما وتشربني نحيب وذرايف

صمت الشعور إحساس ماله تواصيف

أكبر من حروف الحكي والوصايف

يا سيف كيف اشرح لك الوضع يا سيف؟

أقلامنا جفت ورفعت صحايف

كيف ابتدي يا مسندي وانتهي كيف؟

من دون كيف انا مثل ماأنت شايف

شفني بقايا انسان والوقت كالسيف

وحظي كفيف وفرحتي حلم زايف

همي بحر وضلوع صدري مجاديف

والعمر مركب بين الأمواج طايف

وقلبي وطن وعروق قلبي تجاويف

للحزن وهمومي شعوب وطوائف

صوعات بقعا، والقدر، والصواديف

ورتني أهوال السنين العجايف

أتبع (خريف العمر) في رحلة الصيف

وأزحف على حد السيوف الرهايف

الليل مفتاح السهر والتكاليف

والصبح مفتاح القهر والحسايف

والصبر مفتاح الضلوع المناحيف

والحزن مفتاح الجروح الرعايف

والمصلحه مفتاح باب المواقيف

والواسطه مفتاح باب الوظايف

والفقر يفتح للوجيه المصاليف

باب الصلافه، والضعايف ضعايف

لاصار لك حاجه ولا لك معاريف

بشت القناعه.....................

إن قلت لك خايف ترى ماني ضعيف

ولاني شجاع إن قلت ماني بخايف؟!

يا سيف وش عذر المعازيب للضيف

لامنها ضاقت صدور المضايف؟

قل للسوافي لو تهب العواصيف

عنها رقينا عاليات النوايف

تسفي وحنا فوق روس المشاريف

في راس نايف، والخلايف ..خلايف

وقل للضعوف اللي تحسب المصاريف

حنا ترانا ما حسبنا الكلايف

لوشحت يدين الزمان المناكيف

نبقى على عهد الوفا ما نزايف

وان طال بال الليل قل لـلسواليف

بوح السهر من ضيقه الصدر عايف

والله ان ذائقتك مميزه وفكرك ناضج يا بوفهد

فعلا قصيدة رائعه

صح لسان الشاعر الجميل / عادل الرشيدي

ولاعدمناك ،

..

سلمت يمناك على هالذائقه

ولاعدمناااااك

ابو فهد


صاحب الذائقه الاجمل ..



سلمت ولاهنت على ايراد هالقصيده ..


صح لسان عادل الرشيدي ..



لك فائق احترامي وتقديري...!!