دعوة من الأعماق
 

[align=center]بسم الله الرحمن الرحيم

اولاً أدعوا الله أن ينصر جنودنا البواسل في جنوب المملكة ومن يكيد لبلادنا أن يرد كيده في نحره

شيلـــة هنـــا

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
يمرٍٍ الليالي والبشر تسعى ورا الأرزاق = انا ماني بحاسدها عسى الرحمن يرزقها
لكن اللي يسبب فالخفوق المطمئن حراق = هذاك اللي نواله نيةٍ ودّه يحققها
لبس ثوب الشجاعة في زمان الأمن والميثاق = وهو عينه على بنت الشرف ودّه يصادقها
يحب الأرض لجل عيونها النجلا وهو بواق = تصد البنت عن وجه الردي لا جاء يعانقها
يعرّض كل ما يبرق سحاب الصيف بالبراق = على جمع الرجال ونيّته ودّه يوثقها
لكن الناس ما تجهل علوم المازح الســـراق= سواليفه مع الأجيال ثابتٍ حقايقها
نعرفه في نهارٍ حام فيه الطاير الخفاق = نهارٍ فيه يعرف مخلف النيّة وصادقها
حقيقه والحقيقه مثل نور الشمس فالمشراق = ولو حاول قليل العرف ما يقدر يدرّقها
اقوله والمراجل كل شغمومٍ لها سباق = تسابق غير ولد اللاش ما يقدر يسابقها
تحث اقدامها للطيّبة وتعانق الآفاق = وتبحث للعلوم الغانمة بأعلى شواهقها
تمدّ الها العطايا والمنايا ساقها الخلاق = خواتيم النفوس الطاهرة بيدين خالقها
عسى ربي يعز بلادنا دعوة من الأعماق = تحت حكم الرجال اللي على العليا بيارقها[/poem]

,[/align]

صح لسانك

ياعادل

وبيض الله وجهك

صح لسانك يا عادل ولا هنت


والله ينصرهم



لك كل الشكر

الله ينصرهم



نص اجزلت فيه يا عادل


وصح لسانك ولا هنت

الله الله الله
الله الله الله

ياسلام الله عليك يا عادل

والله يبيض وجهك على هالبدع الكايف والمعاني الساميه

صح لسانك عدد حروفها ،،

..

صح لسانك اخي عادل

ونسأل الله ان ينصرنا على أعداءنا وأعداء الإسلام

تحياتي لك

صح السانك ياعادل

قصيده في غايه الروعه

تمييز بالرمزيه والمعاني الجميله

تقبل مرور المتواضع

تحياااااااااااااتي

فارس الدلبحي


صح بدنك ووجهك ابيض


شاكر لك مرورك


تقديري


,

نايف المقاطي


صح بدنك ولا هنت


تحياتي


,

لبس ثوب الشجاعة في زمان الأمن والميثاق
وهو عينه على بنت الشرف ودّه يصادقهـا



الله الله


عسى الله يجزاك خير


وكلنا نحمل نفس الشعور تجاه هذا الوطن الغالي



بيض الله وجهك


تحياتي لك